‘पवारसाहेबांच्या’ प्रकृतीसाठी कार्यकर्त्यांकडून देव पाण्यात, मुंबईत होमहवन, पुण्यात विठ्ठलपूजा

पुणे : राष्ट्रवादीचे अध्यक्ष शरद पवार (Sharad Pawar) यांच्या प्रकृतीसाठी सर्व स्तरातून प्रार्थना केली जात आहे. पुण्यातील विठ्ठल मंदिरात पवारांच्या समर्थकांनी देवाला साकडं घातलं. तर मुंबईतही होम हवन करण्यात आलं होतं. शरद पवार यांच्यावर मंगळवारी रात्री ब्रीच कँडी रुग्णालयात शस्त्रक्रिया पार पडली. (Sharad Pawar Endoscopy Surgery at Breach Candy Hospital NCP supportes perform Pooja Hawan at Mumbai Pune)

पुण्यात जनता वसाहतीमधील विठ्ठल मंदिरात कार्यकर्त्यांनी पूजा केली. शरद पवार यांच्या प्रकृतीत सुधारणा व्हावी, म्हणून देवाला साकडं घालण्यात आलं. तर काल मुंबईतील बोरीवलीतही राष्ट्रवादीच्या कार्यकर्त्यांनी होम हवन आणि पूजा केली. होती. शरद पवारांच्या फोटोसमोर पूजा आणि हवन करण्यात आले होते.

एन्डोस्कोपीद्वारे शरद पवारांवर शस्त्रक्रिया

शरद पवार यांच्यावर मंगळवारी रात्री ब्रीच कँडी रुग्णालयात शस्त्रक्रिया पार पडली. एन्डोस्कोपीद्वारे शरद पवार यांच्या गॉल ब्लॅडरमधील मोठा स्टोन बाहेर काढण्यात आला. त्यामुळे आता शरद पवार यांना पोटदुखीचा त्रास होणार नाही. मात्र, शरद पवार यांच्या गॉल ब्लॅडरवरही आणखी एक शस्त्रक्रिया करण्याची गरज आहे. ही शस्त्रक्रिया नक्की कधी करायची, याचा निर्णय अद्याप डॉक्टरांनी घेतलेला नाही. मात्र, आता शरद पवार यांची प्रकृती पूर्णपणे स्थिर आणि चांगली आहे.

या शस्त्रक्रियेवेळी आरोग्यमंत्री राजेश टोपे, उपमुख्यमंत्री अजित पवार आणि खासदार सुप्रिया सुळे आणि रोहित पवार ब्रीच कँडी रुग्णालयात उपस्थित होते. शस्त्रक्रिया झाल्यानंतर रात्री उशीरा हे सर्वजण ब्रीच कँडीमधून घरी परतले. सुप्रिया सुळे यांनी प्रसारमाध्यमांशी बोलताना शरद पवार यांना दोन ते तीन दिवसांत रुग्णालयातून घरी सोडण्यात येईल, असे सांगितले.

सुप्रिया सुळेंकडून फोटो शेअर

सुप्रिया सुळे यांनी सकाळी शरद पवार यांचा फोटो शेअर केला आहे. पवारांची सकाळ नेहमीप्रमाणे वर्तमानपत्रांचं वाचन करत झाली, असं सुळेंनी सांगितलं.

सुप्रभात, ब्रीच कँडी रुग्णालयातील सर्व डॉक्टर्स,परिचारीका आणि सपोर्टिंग स्टाफ यांचे मनापासून आभार. ही आजची प्रसन्न सकाळ आहे आणि आदरणीय @PawarSpeaks साहेब त्यांचं रोजचं सर्वात आवडतं काम अर्थात वर्तमानपत्रांचं वाचन, करीत आहेत. pic.twitter.com/ERf0Gl35Tp

— Supriya Sule (@supriya_sule) March 31, 2021

(Sharad Pawar Endoscopy Surgery at Breach Candy Hospital NCP supportes perform Pooja Hawan at Mumbai Pune)

शरद पवार यांची शस्त्रक्रिया का केली?

शरद पवार यांच्या पित्तनलिकेत एक खडा अडकून बसला होता. हा खडा उघड्यावर राहून देणे योग्य नव्हते. त्यामुळे तातडीने त्यांची शस्त्रक्रिया करण्याचा निर्णय घेण्यात आला. दुर्बिणीद्वारे पित्तनलिकेतील खडा काढण्यात आला. त्यामुळे शरद पवार यांच्या यकृतावरील दाब कमी होईल. शरद पवार यांनी थोडी कावीळही झाली होती. तीदेखील कमी होईल, अशी माहिती डॉक्टरांनी दिली.

ही शस्त्रक्रिया जवळपास अर्धा तास सुरु होती. आता शरद पवार यांची प्रकृती कशाप्रकारे सुधारते, यावर त्यांना रुग्णालयातून डिस्चार्ज कधी द्यायचा हे ठरवले जाईल, असेही डॉक्टरांनी सांगितले.

संबंधित बातम्या :

शस्त्रक्रियेनंतर सुप्रिया सुळेंनी ट्विट केला शरद पवारांचा फोटो, म्हणाल्या…

मुख्यमंत्र्यांच्या सदिच्छा या महाराष्ट्राच्या प्रातिनिधिक भावना, शरद पवारांचे थेट रुग्णालयातून ट्वीट

एण्डोस्कोपीमध्ये विश्वविजेते, पद्मश्रीने सन्मान, शरद पवारांवर शस्त्रक्रिया करणारे डॉक्टर कोण?

(Sharad Pawar Endoscopy Surgery at Breach Candy Hospital NCP supportes perform Pooja Hawan at Mumbai Pune)