Solapur Accident : पंढरपुरातून पांडुरंगाचं दर्शन घेऊन परतानाना काळाचा घाला! दोघे भाऊ मृत्युमुखी

Pandharpur Accident : या अपघातात सोलापूर पोलिस दलातील कर्मचाऱ्याचा अपघाती मृत्यू झाला आहे. दयानंद बेलाळे असे मृत पोलिस कर्मचाऱ्याचे नाव आहे.

सोलापुरात भीषण अपघातImage Credit source: TV9 Marathi

Reporter Sagar Surwase | Edited By: सिद्धेश सावंत | Updated on: Apr 04, 2022 | 7:13 PM

सोलापूर : सोलापूरमधील मोहोळ (Solapur Road Accident) तालुक्यात भीषण अपघात झाला आहे. पंढरपूरहून विठ्ठलाचे दर्शन (Pandharpur Vitthal Rukhmini Temple) घेऊन परतत असताना बेल्लाळे कुटुंबीयांचा अपघात झाला असून या अपघातात दोघांचा जागीच मृत्यू झाला आहे. या अपघातात सोलापूर पोलिस दलातील कर्मचाऱ्याचा अपघाती मृत्यू झाला आहे. दयानंद बेल्लाळे असे मृत पोलिस कर्मचाऱ्याचे नाव आहे. पोलिस कर्मचारी दयानंद बेलाळे यांच्यासह त्याचा भाऊ सचिन बेल्लाळे यांचाही दुर्दैवी मृत्यू झाला आहे. मोहोळमध्ये (Mohol Accident) अपघाताची ही भीषण घटना घडली आहे. दोघांच्या मृत्यूसह दोघेजण गंभीर जखमी झाले आहेत.

मोहोळ तालुक्यातील सारोळी पाटीनजीक हा भीषण अपघात झाला. या अपघातात बल्लाळे यांची पत्नी आणि आणि भावयज गंभीर जखमी झाल्या आहेत. रस्त्यावर थांबलेल्या ट्रकला पाठीमागून जोरदार धडक दिल्यानं हा अपघात घडला.

भीषण!

या अपघाताची दृश्यं थरकाप उडवणारी आहेत. या अपघातामध्ये कारचा अक्षरशः चुराडा झाला. कारची समोरची बाजू पूर्णपणे उद्ध्वस्त झाली होती. तर समोर बसलेल्या चालकासह बाजूला बसलेल्याचाही जागीच मृत्यू झाला आहे. या नंतर गाडीतच अडकलेला बेल्लाळे यांचा मृतदेह पोलिसांनी स्थानिकांच्या मदतीनं बाहेर काढलाय.

रस्त्याच्या कडेला उभ्या असलेल्या भरधाव कारनं धडक दिली. त्यात बेल्लाळे बंधूंचा जागीच जीव गेला आहे. या अपघातामुळे बेल्लाळे कुटुंबीयांवर दुःखाचा डोंगर कोसळला आहे. पंढरपुरातील विठ्ठल मंदिरातून दर्शन घेऊन झाल्यानं बेल्लाळे बंधू आपल्या परतले होते. मात्र परतत असतानाच झालेल्या अपघातानं संपूर्ण बेल्लाळे कुटुंबीय हादरुन गेले आहेत.