मुंबई-पुणे महामार्गावर घडली भयानक घटना; दगडफेकीत प्रवासी जखमी

रायगड : मुंबई-पुणे महामार्गावर खालापूरजवळ एक भयानक घटना घडली आहे. महामार्गावर एका खाजगी बसवर दगडफेक करण्यात आली. यामध्ये बसमधील प्रवासी जखमी झाले आहेत. या घटनेमुळे महामार्गावरील प्रवासी भयभित झाले आहेत. पोलिस घटना स्थळी दाखल झाले आहेत.

मुंबई पुणे द्रुतगती महामार्गावर खालापूरजवळ मुंबईकडे येणाऱ्या लेनवर विचित्र घटना घडली आहे. एका लक्झरी बस वर अज्ञात इसमांनी दगडफेक केली आहे.

या दगडफेकीत बसचे मोठे नुकसान झाले आहे. या दगडफेकीत काही प्रवाशांना किरकोळ दुखापत झाली आहे.

मुंबई-पुणे एक्स्प्रेस वेवरील फूड मॉलमध्ये प्रवासी आणि व्यवस्थापक यांच्यात वाद झाला होता. यावरुनच ही दगडफेक करण्याता आल्याचा प्राथमिक अंदाज व्यक्त करण्यात आला आहे.

पोलीस घटनास्थळी दाखल झाले आहेत. दगडफेक करणाऱ्यांचा शोध घेतला जात आहे. पुढील कायदेशीर कार्यवाही देखील पोलिसांनी सुरु केली आहे.