Bhiwandi: प्रियकराच्या मदतीने पत्नीने काढला पतीचा काटा; मृतदेहाच्या शर्टवरील टेलर मार्कमुळे लागला छडा

खारबाव रेल्वे स्टेशन परिसरातील जंगलात 4 जानेवारीला गळा चिरलेल्या आणि चेहरा विद्रुप केलेल्या अवस्थेत मृतदेह आढळला होता. त्यामुळे एकच खळबळ उडाली होती. पोलिसांसमोर या मृतदेहाची ओळख पेटवण्याचे मोठे आव्हान होते.

Bhiwandi: प्रियकराच्या मदतीने पत्नीने काढला पतीचा काटा; मृतदेहाच्या शर्टवरील टेलर मार्कमुळे लागला छडा
CRIME
Follow us
| Updated on: Jan 08, 2022 | 11:44 PM

भिवंडी : प्रेम आंधळे असते आणि प्रेमाला वय नसते, याची प्रचिती भिवंडी शहरात घडलेल्या हत्या प्रकरणातून आली आहे. विवाहबाह्य संबंधात चार मुलांच्या आईने तिच्यापेक्षा सहा वर्षांनी लहान असलेल्या प्रियकराच्या मदतीने पतीची हत्या केली. प्रेमात पतीचा अडथळा नको म्हणून पतीला गावठी औषध घेण्याच्या बहाण्याने जंगलात नेऊन तेथे त्याची हत्या केली. इतकेच नव्हे तर मृतदेहाची ओळख पटू नये म्हणून पतीचा चेहरा विद्रुप केला. परंतु पोलिसांनी मृतदेहाच्या शर्टवरील टेलर मार्कच्या आधारे ओळख पटवत हत्या करणारी महिला व तिच्या प्रियकराला अटक केली.

ओळख लपवण्यासाठी मृतदेहाचा चेहरा केला विद्रुप

खारबाव रेल्वे स्टेशन परिसरातील जंगलात 4 जानेवारीला गळा चिरलेल्या आणि चेहरा विद्रुप केलेल्या अवस्थेत मृतदेह आढळला होता. त्यामुळे एकच खळबळ उडाली होती. पोलिसांसमोर या मृतदेहाची ओळख पेटवण्याचे मोठे आव्हान होते. या अनुषंगाने पोलीस उपअधीक्षक विकास नाईक यांनी तपासाची सूत्रे हाती घेतली. तपासादरम्यान मृतदेहाच्या शर्टवरील ‘आयान फॉर मेन्स टेलर्स’ हा मार्क आढळला. त्याआधारे पोलिसांनी भिवंडीतील टेलर्स दुकानाचा शोध घेतला. त्यावरून तो मृतदेह सलाउद्दीन मोहम्मद युसूफ (42, विठ्ठल नगर) याचा असल्याचे निष्पन्न झाले. तेथे जाऊन पोलिसांनी मृतदेहाच्या कुटुंबियांचा शोध घेतला. त्यानंतर पोलिसांनी स्थानिकांकडून माहिती घेतली असता त्याच इमारतीमधील असजद अन्सारी (32) ही व्यक्ती दफनविधीप्रसंगी हजर नसल्याची बाब समोर आली. अन्सारी पसार झाला होता. पोलिसांनी त्याला नारपोली परिसरातून अटक केल्यानंतर त्याने हत्येची कबुली दिली.

महिलेचे सहा महिन्यांपासून अनैतिक संबंध

हत्या झालेल्या सलाउद्दीन मोहम्मद युसूफच्या 38 वर्षीय पत्नीचे 32 वर्षीय असजद अन्सारीशी मागील सहा महिन्यांपासून अनैतिक संबंध होते. दोघांच्या प्रेमात पतीचा अडसर ठरत असल्याने महिलेने प्रियकराच्या मदतीने पतीच्या हत्येचा कट रचला. सलाउद्दीनला लघवीचा त्रास होता. त्यावर खारबाव येथील ग्रामीण भागात गावठी औषध मिळते, ते घेण्यासाठी पत्नीने त्याला गळ घातली. त्याच बहाण्याने महिलेने पतीला जंगलात नेले. तेथे आधीच येऊन थांबलेल्या प्रियकराने धारदार शस्त्राने त्याचा गळा चिरून हत्या केली. नंतर मृतदेहाची ओळख पटू नये म्हणून तोंडावर दगड आपटून चेहरा विद्रुप केला. याप्रकरणी पोलीस उपअधीक्षक विकास नाईक यांच्या नेतृत्वाखाली भिवंडी तालुका ग्रामीण पोलीस पथकाने कसून तपास केला आणि अवघ्या दोन दिवसांत आरोपी महिला व तिच्या प्रियकराला अटक केली. न्यायालयाने दोघांना 14 जानेवारीपर्यंत पोलीस कोठडी सुनावली आहे. (In Bhiwandi, the wife killed her husband with the help of her boyfriend)

इतर बातम्या

Nashik Crime: सहा वर्षांच्या मुलीला फासावर लटकावण्याचा प्रयत्न; बापानेच कृत्य केल्याचे उघड

Kalyan: कल्याणमध्ये राष्ट्रवादी पदाधिकाऱ्याच्या कार्यालयावर हल्ला, घटना सीसीटीव्हीत कैद

Non Stop LIVE Update
तूच नादाला लागू नको... प्रसाद लाड यांच्यानंतर जरांगेंचा कोणाला इशारा?
तूच नादाला लागू नको... प्रसाद लाड यांच्यानंतर जरांगेंचा कोणाला इशारा?.
विधानसभा निवडणुकीच्या तोंडावर पवारांना दिलासा, आयोगाकडून मोठा निर्णय
विधानसभा निवडणुकीच्या तोंडावर पवारांना दिलासा, आयोगाकडून मोठा निर्णय.
एकदम जवळून बघा वाघनखं...'tv9 मराठी' वर पहिली झलक, जाणून घ्या वैशिष्ट्य
एकदम जवळून बघा वाघनखं...'tv9 मराठी' वर पहिली झलक, जाणून घ्या वैशिष्ट्य.
'मराठी बोलणार नाही, काय करायचे ते...', व्यावसायिकाला मनसे स्टाईल दणका
'मराठी बोलणार नाही, काय करायचे ते...', व्यावसायिकाला मनसे स्टाईल दणका.
‘लाडकी बहीण, लाडका भाऊ झाले असेल तर लाडक्या नातवांचे पण तेवढे बघा’
‘लाडकी बहीण, लाडका भाऊ झाले असेल तर लाडक्या नातवांचे पण तेवढे बघा’.
कोकणातील 'या' दोन मेडिकल कॉलेजला लाखोंचा दंड, कारण नेमकं काय?
कोकणातील 'या' दोन मेडिकल कॉलेजला लाखोंचा दंड, कारण नेमकं काय?.
शिवप्रेमींसाठी आनंदाची बातमी, शिवकालीन वाघनखं साताऱ्यात; बघा पहिली झलक
शिवप्रेमींसाठी आनंदाची बातमी, शिवकालीन वाघनखं साताऱ्यात; बघा पहिली झलक.
जगभरात मायक्रोसॉफ्टचं सर्व्हर ठप्प, 'या' क्षेत्राला बसला मोठा फटका
जगभरात मायक्रोसॉफ्टचं सर्व्हर ठप्प, 'या' क्षेत्राला बसला मोठा फटका.
संभाजीनगरात लाडक्या बहिणी त्रस्त, अर्ज भरण्यास आलेल्या महिलांचा खोळंबा
संभाजीनगरात लाडक्या बहिणी त्रस्त, अर्ज भरण्यास आलेल्या महिलांचा खोळंबा.
महायुतीचे काळे कारनामे..., पवार गटाचं निदर्शन, काळे फुगे लावून डिवचलं
महायुतीचे काळे कारनामे..., पवार गटाचं निदर्शन, काळे फुगे लावून डिवचलं.