Sameer Wankhede : समीर वानखेडेंची ठाणे कोपरी पोलिसांनी केली तब्बल आठ तास चौकशी
समीर वानखेडे यांचे नवी मुंबई येथील वाशी भागात सद्गुरु बार आणि रेस्टॉरंट आहे. वानखेडे यांनी बारचा परवाना 1997 मध्ये काढला होता. परंतु त्यावेळी वानखेडे यांचे वय 17 वर्ष होते. याची माहिती राज्य उत्पादन शुल्क विभागाला मिळाल्यानंतर विभागाने त्यांच्याकडून खुलासा मागविला होता.
ठाणे : तत्कालीन एनसीबी विभागीय संचालक समीर वानखेडे (Sameer Wankhede) यांची ठाणे (कोपरी) पोलिसांनी तब्बल आठ तास चौकशी केली. कोपरी पोलीस ठाण्यात बारचा परवाना (Bar license) प्रकरणी गुन्हा दाखल केल्याने ही चौकशी करण्यात आली. याबाबत माध्यमांशी बोलताना वानखेडे यांनी, हे प्रकरण न्यायप्रविष्ठ असल्याने अधिक भाष्य करता येणार नसल्याचे सांगितले. जे काही सांगायचे ते पोलिसांना सांगितल्याचे त्यांनी स्पष्ट करून चौकशीत सहकार्य करणार असल्याचे म्हटले आहे. तर या प्रकरणी 5 ते 6 पाणी जबाब कोपरी पोलिसांनी समीर वानखेडे याचा नोंदवला आहे. वानखेडे यांनी पोलिसांना सहकार्य केले असून काही प्रश्न पोलिसांनी विचारले त्या वर समीर वानखेडे यांनी उत्तर दिले आहे. आवश्यकता वाटली तर वानखडे यांना पोलिस बोलावणार तसेच गुन्ह्याच्या तपासात जे काही सिद्धी होईल त्यावर कायदेशीर कारवाई होणार असल्याचे देखील कोपरी पोलिसांनी तोंडी माहिती दिली आहे. (Sameer Wankhede was interrogated by Thane Kopari police for eight hours)
समीर वानखेडे यांचे नवी मुंबई येथील वाशी भागात सद्गुरु बार आणि रेस्टॉरंट आहे. वानखेडे यांनी बारचा परवाना 1997 मध्ये काढला होता. परंतु त्यावेळी वानखेडे यांचे वय 17 वर्ष होते. याची माहिती राज्य उत्पादन शुल्क विभागाला मिळाल्यानंतर विभागाने त्यांच्याकडून खुलासा मागविला होता. काही दिवसांपूर्वीच याप्रकरणाची सुनावणी होऊन ठाणे जिल्हाधिकारी राजेश नार्वेकर यांनी बारचा परवाना कायमस्वरूपी रद्द करण्याचे आदेश दिले होते. त्यानुसार त्यांचा बारचा परवाना रद्द करण्यात आला.
वानखेडे यांच्याविरोधात कोपरी पोलिस ठाण्यात गुन्हा
दरम्यान,याप्रकरणी शनिवारी (19 फेब्रुवारी) उत्पादन शुल्क विभागाच्या अधिकाऱ्यांच्या तक्रारीवरून वानखेडे यांच्या विरोधात कोपरी पोलिस ठाण्यात गुन्हा दाखल करण्यात आला होता. बारचा परवाना मिळविण्यासाठी वानखेडे यांनी जाणीवपूर्वक चुकीची माहिती देऊन शासनाची फसवणूक केल्याचे या तक्रारीत म्हटले आहे. याप्रकरणाचा तपास आता कोपरी पोलिसांकडून सुरू असून वानखेडे यांची आठ तास चौकशी करण्यात आली. (Sameer Wankhede was interrogated by Thane Kopari police for eight hours)
इतर बातम्या
विजय मल्ल्या, नीरव मोदी, चोक्सीकडून 18 हजार कोटी वसूल केले; केंद्राची सुप्रीम कोर्टात माहिती
