Photo Story: नियम डावलून कोरोनाबाधिताच्या मृतदेहाचे दफन, त्यानंतर 21 जणांचा मृत्यू; ‘या’ गावाची झोप उडाली

राजस्थानच्या सीकर जिल्ह्यातील एका गावात कोरोना नियमांचे पालन न करताच कोरोनाबाधिताचा मृतदेह दफन करण्यात आला. (21 deaths in 21 days in this village of Rajasthan)

प्रातिनिधिक फोटो

भीमराव गवळी | Updated on: May 09, 2021 | 9:31 AM

जयपूर: राजस्थानच्या सीकर जिल्ह्यातील एका गावात कोरोना नियमांचे पालन न करताच कोरोनाबाधिताचा मृतदेह दफन करण्यात आला. त्यानंतर अवध्या 21 दिवसांत 21 जणांचा मृत्यू झाल्याने खळबळ उडाली आहे. दरम्यान, 15 एप्रिल ते 5 मे दरम्यान केवळ चार जणांचा कोरोनाने मृत्यू झाल्याचा दावा अधिकाऱ्यांनी केला आहे. (21 deaths in 21 days in this village of Rajasthan)

Rajasthan Village

अधिकाऱ्यांनी दिलेल्या माहितीनुसार 21 एप्रिल रोजी सीकर जिल्ह्यातील खीरवा गावात एका कोरोनाबाधित व्यक्तीचा मृतदेह आणण्यात आला होता. यावेळी 150 लोकांनी त्याच्या अंत्यसंस्कारात भाग घेतला. कोरोनाच्या कोणत्याही नियमांचं पालन न करताच या मृतदेहाचे दफन करण्यात आले. प्लास्टिकच्या थैलीमधून हा मृतदेह बाहेर काढण्यात आला होता. अनेक जणांनी या मृतदेहाला हात लावल्याचेही सांगण्यात येते.

Rajasthan Village

सीकरच्या या खीरवा गावात 21 जणांचा मृत्यू झाला आहे. मात्र त्यातील केवळ तीन ते चार जणांचा मृत्यू कोरोनाने झाला आहे. बहुतेकांचा मृत्यू वृद्धापकाळाने झाल्याचा दावा अधिकाऱ्यांनी केला आहे. आम्ही गावातील मृत्यूंची चौकशी केली. गावातील 147 सदस्यांचे स्वॅब घेतले. या सँपलची तपासणी करण्यात येईल. त्यातून या लोकांचा कोरोनाने मृत्यू झाला की इतर काही कारणाने झाला याची माहिती मिळेल, असं लक्ष्मण गढचे उप-विभागीय अधिकारी कुलराज मीणा यांनी सांगितलं.

Rajasthan Village

प्रशासनाने गावात स्वच्छता अभियान राबवलं आहे. ग्रामस्थांना या समस्येचं गांभीर्य समजावून सांगितलं आहे. त्यामुळे ग्रामस्थांकडून सहकार्य मिळत आहे, असं मीणा यांनी सांगितलं. स्थानिक अधिकाऱ्यांकडून या प्रकरणाचा रिपोर्ट मागितला आहे. त्यानंतरच या प्रकरणावर भाष्य करता येईल, असं सीकरचे मुख्य आरोग्य अधिकारी अजय चौधरी यांनी सांगितलं.

Rajasthan Village

काँग्रेसचे प्रदेश अध्यक्ष गोविंद सिंह डोटासरा यांच्या मतदारसंघात खीरवा गाव येते. त्यांनीच या मृतदेहाच्या दफनानंतर 21 जणांचा मृत्यू झाल्याची माहिती सोशल मीडियावर व्हायरल केली होती. नंतर त्यांनी ही माहिती सोशल मीडियातून काढून टाकली होती. (21 deaths in 21 days in this village of Rajasthan)