पोटाची खळगी भरण्यासाठी ‘तिने’ ओढली बैलगाडी; व्हिडीओ तुमचंही ह्रदय पिळवटून टाकेल !

मध्य प्रदेश : पोटाची खळगी भरण्यासाठी आजच्या जमान्यात सर्वसामान्यांना काय काय परिश्रम घ्यावे लागत आहेत. लोकांना बैलासारखे राबावे लागत आहे. एका विधवा महिला (Widow Women) व तिच्या मुलीचा व्हिडिओ (Video) पाहून तुम्हाला या कटू वास्तवाची प्रचिती येईल. विधवा महिलेने स्वतःला व मुलीला चक्क बैलगाडीला जुंपले आणि ही बैलगाडी (Bullock Cart) तब्बल 15 किलोमीटर अंतरावर ओढत नेली. याचा व्हिडिओ तुमचे ह्रदय पिळवटून टाकणार हे नक्की. या हृदयस्पर्शी व्हिडीओने सर्वांनाच हैराणच केले नाही, तर व्यवस्थेवर अनेक प्रश्नही उपस्थित केले आहेत.

व्हिडिओमध्ये महिला बैलगाडी ओढतेय

मध्य प्रदेशातील राजगढ येथून हा व्हिडिओ व्हायरल झाला आहे. या व्हायरल झालेल्या व्हिडिओमध्ये लक्ष्मीबाई नावाची महिला पाचोरेपासून 30 किमी अंतरावर असलेल्या सारंगपूरला आपल्या सामानासह आणि एका निष्पाप मुलीला बैलगाडीत ओढत जात असल्याचे दिसत आहे. त्यांनी सुमारे 15 किलोमीटरचे अंतर कापले होते.

मग वाटेत दोन लोकांची नजर त्या महिलेवर पडली. त्यांनी आपली मोटारसायकल थांबवून महिलेची विचारपूस कोली आणि तिला मदत करण्याचा प्रयत्न केला. त्याने महिलेच्या बैलगाडीला त्याच्या मोटरसायकलला दोरीने बांधून सारंगपूरला नेले.

महिलेची परिस्थिती अतिशय बिकट

महिलेने सांगितले की तिचा नवरा मरण पावला आहे आणि तिला मोठ्या मुश्किलीने एक वेळचे जेवण मिळते. तिच्याकडे रहायला घर नाही, कुणी मदतीलाही पुढे येत नाही.

महिलेची मदतीसाठी विनंती

मी हात जोडून विनंती करतो की मला आणि माझ्या मुलीला मदत करावी. निदान मला दोन वेळचे अन्न तरी मिळू शकेल, अशी याचना महिलेने केली आहे.

महिलेच्या मदतीला शिक्षक धावून आला

देवी सिंह नागर नावाच्या शिक्षकाने महिलेला मदत केली. सिंह यांनी सांगितले की, ते आपल्या जोडीदारासोबत कुठेतरी जात होते. यावेळी बाईकवरुन जात असताना त्यांची नजर महिलेकडे गेली. महिला हातांनी बैलगाडी ओढत होती.

आम्ही बाईक थांबवून महिलेला मदत करण्याचा प्रयत्न केला. महिलेची विचारपूस केली असता तिला सारंगपूरला जायचे असल्याचे कळले. यानंतर एका दोरीने बैलगाडी दुचाकीला बांधली आणि तिला सारंगपूरला सोडले.