Draupadi Murmu Lifestyle : राष्ट्रपती द्रौपदी मुर्मू कितीही व्यग्र असल्या तरी; ‘ध्यान, योगासने आणि पायी फिरणे; विसरत नाहीत.. जाणून घ्या, त्यांची साधी जीवनशैली!
Draupadi Murmu President of India: सोमवार, 25 जुलै रोजी, द्रौपदी मुर्मू देशाच्या पहिल्या आदिवासी महिला बनल्या. द्रौपदी मुर्मूला अतिशय साधे जीवन जगायला आवडते. जाणून घेऊया त्यांची साधी सोपी जीवनशैली.
भारताला 15 वे राष्ट्रपती मिळाले आहेत. सोमवारी, 25 जुलै रोजी, द्रौपदी मुर्मू यांनी देशाच्या सर्वोच्च पदाची शपथ (Oath of the highest office) घेतली आणि भारताच्या पहिल्या आदिवासी महिला (Tribal women) राष्ट्रपती बनल्या. द्रौपदी मुर्मू यांना देशाच्या दुसऱ्या महिला राष्ट्रपती होण्याचा मानही मिळाला आहे. त्यांच्यापूर्वी श्रीमती प्रतिभा पाटील या भारताच्या पहिल्या महिला राष्ट्रपती झाल्या आहेत. 20 जून 1958 रोजी ओडिशातील मयूरभंज जिल्ह्यातील एका आदिवासी कुटुंबात जन्मलेल्या द्रौपदी मुर्मूला अत्यंत साधेपणाने जीवन जगायला आवडते. राष्ट्रपती द्रौपदी मुर्मू (President Draupadi Murmu) यांच्या जीवनशैलील अत्यंत साध्या आणि सरळ गोष्टींचा समावेश आहे. राष्ट्रपती आपल्या रोजच्या जिवनात कीतीही व्यस्त असल्या तरी, त्या रोज ध्यानधारणा, योगासने आणि पायी फिरणे या गोष्टींना फाटा देत नाहीत. जाणून घेऊया, आपल्या नव्या राष्ट्रपती यांच्या साध्या जीवनशैलीबाबत.
त्या खूप वक्तशीर आहेत
मीडिया रिपोर्ट्सनुसार, राष्ट्रपती द्रौपदी मुर्मू यांनी आपल्या करिअरची सुरुवात शिक्षिका म्हणून केली होती. त्यामुळे शिस्तबद्ध जीवन जगणे हा त्यांच्या दिनचर्येचा भाग बनला. राष्ट्रपती त्यांच्या वेळेबाबत अत्यंत वक्तशीर असतात. त्यांना एखाद्या ठिकाणी पोहोचायला कधीच उशीर होत नाही. राष्ट्रपती या शिवभक्त आहेत. त्या नेहमी दोन पुस्तके सोबत ठेवतात. एक भगवान शिवाचे आणि दुसरा अनुवादाचे. त्यांना वेळ मिळेल तेव्हा द्रौपदी शिवपुस्तक वाचतात आणि संभाषणात कोणतीही अडचण येऊ नये म्हणून अनुवादाचे पुस्तक तिच्याकडे असते.
योगासने, चालणे आणि ध्यान करणे विसरत नाहीत
मीडिया रिपोर्ट्सनुसार, राष्ट्रपती द्रौपदी मुर्मू यांना अतिशय व्यवस्थित जीवन जगायला आवडते. त्या रोज पहाटे साडेतीन वाजता उठतात. त्यानंतर त्या काही काळ फिरतात. यानंतर त्या योगा आणि ध्यान करतात. त्या कितीही व्यस्त असल्या तरी त्यांना ध्यान, योगासन आणि पायी चालायला नक्कीच वेळ काढतात. मुर्मूला आयुष्य अगदी साधेपणाने जगायला आवडते. मंत्रिपदाची शपथ घेताना त्या संथाली साडी आणि चप्पल परिधान केलेल्या दिसल्या. त्या पूर्णपणे शाकाहारी आहेत. त्या त्यांच्या आहारात कांदा आणि लसूण देखील समाविष्ट करत नाही. त्याचा आवडता गोड पदार्थ ‘चेन्ना पोडा’ आहे, जो ओडिशाचा खास गोडाचा पदार्थ आहे.
नैराश्यातून बाहेर पडण्यासाठी ध्यान उपयुक्त ठरले
राष्ट्रपतींचे जीवन अत्यंत खडतर राहीले आहे. 2010 ते 2014 या काळात त्यांनी आपले दोन मुले आणि पती गमावले. त्यांच्यासठी हा मोठा धक्काच होता, त्यामुळे त्या डिप्रेशनमध्ये गेल्या होत्या. मात्र या परिस्थितीतही त्यांनी हिंमत हारली नाही. भगवंतावर श्रद्धेने आणि चिंतन करून त्यांनी स्वतःला नैराश्यातून बाहेर काढले. असे म्हटले जाते की मुले आणि पतीच्या मृत्यूनंतर मुर्मूने त्या घराचे शाळेत रूपांतर केले. दरवर्षी मुले आणि पतीच्या वर्षीनिमित्त त्या शाळेत जातात आणि मुलांना भेटतात.
शिक्षक ते राष्ट्रपती असा प्रवास
मुर्मू यांनी आपल्या करिअरची सुरुवात शिक्षिका म्हणून केली. नंतर त्यांनी ओडिशात भाजपमध्ये प्रवेश केला आणि राजकारणात प्रवेश केला. 1997 मध्ये रायरंगपूर नगर पंचायतीच्या नगरसेवकपदाची निवडणूक लढवून विजयी झाल्या. मुर्मू या भाजपच्या अनुसूचित जमाती मोर्चाच्या उपाध्यक्षही राहिल्या आहेत. ओडिशामध्ये, त्या 2000 ते 2002 पर्यंत स्वतंत्र प्रभारासह वाणिज्य आणि वाहतूक मंत्री होत्या आणि 2002 ते 2004 पर्यंत मत्स्यव्यवसाय आणि पशु संसाधन विकास राज्यमंत्री होत्या. 2015 ते 2021 पर्यंत, त्यांना झारखंडच्या राज्यपालपदाचा मान मिळाला आणि 25 जुलै 2022 रोजी द्रौपदी मुर्मू देशाच्या 15 व्या राष्ट्रपती म्हणून शपथ घेऊन पहिल्या आदिवासी महिला राष्ट्रपती बनल्या.
