आता Everest च्या हिंगातही भेसळ, FSSAI ने विक्रीवर थेट घातली बंदी, एकात तर स्टार्च प्रमाण…
एकीकडे महाराष्ट्रात अन्न आणि औषध प्रशासनाचे आयुक्त तुकाराम मुंढे यांनी अन्न भेसळीविरोधात रान पेटवले असताना तिकडे भारतीय अन्न सुरक्षा आणि मानक प्राधिकरणानेही एमडीएच मसाल्यानंतर आता एव्हरेस्ट आणि लालजी गोधू कंपनीच्या हिंगाच्या विक्रीवर बंदी घातली आहे.
FSSAI अर्थात भारतीय अन्न सुरक्षा आणि मानक प्राधिकरणाने दोन मसाल्यांच्या ब्रँडच्या विक्रीवर बंदी आणण्याचा आदेश दिला आहे. त्यात एव्हरेस्ट मसाला आणि लालजी गोधूच्या कम्पाऊंडेड हिंगाच्या विक्रीवर बंदी घातली आहे. हा निर्णय दोन्ही कंपन्यांचा हिंगाचे सँपल तपासल्यानंतर त्यात दर्जाशी तडजोड आढळल्याने हे पाऊल उचलले आहे. ही बंदी केवळ या कंपन्यांच्या हिंगावर लागू असून त्यांच्या अंडा करी मसाला, चिकन करी मसाला वा गरम मसाला सारख्या अन्य उत्पादनांवर ही बंदी लागू नाही असेही भारतीय अन्न सुरक्षा आणि मानक प्राधिकरणाने म्हटले आहे.
भारतीय अन्न सुरक्षा आणि मानक प्राधिकरणाने एव्हरेस्ट आणि लालजी गोधूच्या कम्पाऊंडेड हिंगाच्या विक्रीवर बंदी घातली आहे. या हिंगाच्या तपासणीत यात असली हिंगाचे प्रमाण मर्यादेपेक्षा ३० ते ४० टक्के कमी आढळले. तसेच लालजी गोधू कंपनीच्या हिंगात तर स्टार्चचे प्रमाण मर्यादेपेक्षा जास्त आढळले आहे. एका ग्राहकाने केलेल्या तक्रारीनंतर संस्थेने बाजारात असलेल्या या कंपन्यांच्या हिंगाच्या ब्रँडची तपासणी केली तेव्हा खाद्यपदार्थांसंदर्भात नियम पायदळी तुडवल्याचे आढळले आहे.
ही बातमी आताच ब्रेक झाली आहे. या बातमीला आम्ही अजुनही अपडेट करत आहोत. तुम्हाला सर्वात आधी माहिती पोहोचवण्याचा आमचा प्रयत्न आहे. त्यामुळे ह्या पेजला रिफ्रेश करत चला. तसेच आमच्या इतर स्टोरीज वाचण्यासाठी इथं क्लिक करा.
