What the hell….सीजफायरचं उल्लंघन खरंच की..! काश्मीरचे मुख्यमंत्री ओमर अब्दुल्ला भडकले
पाकिस्तानने पुन्हा एकदा शस्त्रसंधींचं उल्लंघन केलं की नाही याबाबत संभ्रम आहे. सीमावर्ती भागात काही ठिकाणी स्फोटाचे आवाज ऐकू आल्याचं मुख्यमंत्री ओमर अब्दुल्ला यांनी सांगितलं. एअर डिफेंस सिस्टमने ड्रोन हल्ले परतवून लावले. त्यामुळे जम्मू काश्मीरचे मुख्यमंत्री उमर अब्दुल्ला यांनी राग व्यक्त केला आहे.
जम्मू काश्मीरमध्ये पाकिस्तानने शस्त्रसंधींचं उल्लंघन केल्याचं दिसून आलं आहे. शस्त्रसंधींचं उल्लंघन केल्यानंतर अवघ्या 4 तासात पाकिस्तानकडून काही ठिकाणी ड्रोन दिसल्याची माहिती समोर येत आहे. पण प्रत्येक ड्रोन हल्ला परतवून लावण्यासाठी भारतीय सैन्य दल सज्ज असल्याचं दिसून आलं. भ्याड हल्ल्याचा मागचा भूतकाळ पाहता न श्रीनगर अनेक ठिकाणी ब्लॅकआऊट करण्यात आला आहे. पाकिस्तानने अखनूर, राजौरी आणि आरएस पुरा भागातही ब्लॅकआऊट केला आहे. दरम्यान जम्मू काश्मीरचे मुख्यमंत्री उमर अब्दुल्ला यांनी सीजफायरचं उल्लंघन झाल्याचं सांगितलं आणि आपला राग व्यक्त केला आहे. जम्मू काश्मीरमध्ये कुठेच सीजफायर दिसत नसल्याचं सांगितलं आहे. एक्सवर पोस्ट करून त्यांनी आपला राग व्यक्त केला आहे. पाकिस्तानची पाठीत खंजीर खुपसण्याची सवय सर्वांना माहिती आहे. यामुळे भारत प्रत्येक हल्ल्याचं उत्तर देण्यासाठी सज्ज आहे.
उमर अब्दुल्ला यांनी एक व्हिडीओ ट्वीट केला आहे. उमर अब्दुल्लाने यावर पोस्ट करत लिहिलं की, ‘जम्मू-काश्मीरमध्ये युद्धबंदी नाही. श्रीनगरच्या मध्यभागी हवाई संरक्षण युनिट सक्रिय करण्यात आले आहे.’ त्यानंतर सीजफायरचं काय झालं? स्फोटाचे आवाज ऐकून येत आहेत, असंही उमर अब्दुल्ला यांनी ट्वीट करत सांगितलं. दरम्यान जम्मूमध्ये ब्लॅकआऊट करण्यात आला आहे. पंजाबमधील पठाणकोट आणि गुरूदासपूरमध्येही वीजपुरवठा खंडीत केल्याची माहिती आहे.
This is no ceasefire. The air defence units in the middle of Srinagar just opened up. pic.twitter.com/HjRh2V3iNW
— Omar Abdullah (@OmarAbdullah) May 10, 2025
What the hell just happened to the ceasefire? Explosions heard across Srinagar!!!
— Omar Abdullah (@OmarAbdullah) May 10, 2025
दरम्यान, भारतीय सैन्य दलाकडून याबाबत स्पष्टीकरण देण्यात आले. सीमाभागात कोणत्याही प्रकारचा गोळीबार झाला नसल्याचं सांगितलं आहे. तसेच श्रीनगरमध्ये कोणताही धमाका झालेला नाही, असं सांगण्यात आलं आहे. त्यामुळे दोन्ही देशात तणाव वाढवण्यासाठी अशी कृती करण्यात येत असावी असंही सांगण्यात येत आहे. मग ड्रोन कुठे आणि नेमकं कुठे दिसले? याबाबत संभ्रम आहे.
