AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Jyoti Basu : 23 वर्षे पश्चिम बंगालचे मुख्यमंत्री राहिलेले ज्योति बसु; जाणून घ्या ‘बसु दा’ यांच्या जीवनातील एक खास बाब

ज्योति बसु हे 1977 ते 2000 पर्यंत पश्चिम बंगालचे मुख्यमंत्री राहिले. 23 जानेवारी म्हणजे आज ज्योति बसु यांची पुण्यतिथी आहे. अशावेळी त्यांची आठवण येणं आणि त्यांच्या आयुष्यातील महत्वाच्या क्षणांची उजळणी करणं स्वाभाविक आहे. यात सर्वात महत्वाची गोष्ट म्हणजे एक वेळ अशी आली होती की ज्योति बसु पंतप्रधानपदाच्या खूप जवळ पोहोचले होते.

Jyoti Basu : 23 वर्षे पश्चिम बंगालचे मुख्यमंत्री राहिलेले ज्योति बसु; जाणून घ्या 'बसु दा' यांच्या जीवनातील एक खास बाब
ज्योति बसु
| Edited By: sagar joshi | Updated on: Jan 17, 2022 | 7:00 AM
Share

मुंबई : देशात खूप कमी नेते आहेत ज्यांनी एखाद्या राज्यात मोठा काळ राज्य केलं. मात्र, अशी यादी काढायची झाली तर सर्वात प्रथम नाव येतं ते पश्चिम बंगालचे दिवंगत माजी मुख्यमंत्री ज्योति बसु (Jyoti Basu) यांचं. ज्योति बसु हे 1977 ते 2000 पर्यंत पश्चिम बंगालचे (West Bengal) मुख्यमंत्री (Chief Minister) राहिले. 23 जानेवारी म्हणजे आज ज्योति बसु यांची पुण्यतिथी आहे. अशावेळी त्यांची आठवण येणं आणि त्यांच्या आयुष्यातील महत्वाच्या क्षणांची उजळणी करणं स्वाभाविक आहे. यात सर्वात महत्वाची गोष्ट म्हणजे एक वेळ अशी आली होती की ज्योति बसु पंतप्रधानपदाच्या खूप जवळ पोहोचले होते.

पश्चिम बंगालसाठी ज्योति बसु यांचं काम खूप मोठं आहे. तसंच त्यांच्या टीकाकारांचीही कमी नाही. त्यांच्याच काळात बंगालमध्ये जमीन सुधारणा झाली. मात्र, त्यांच्यावरील मोठा आरोप हा आहे की त्यांनी प्रदेशातील उद्योगनगरी संपुष्टात आणली. सोबतच ते राज्याचा विकास करण्यात कमी पडले. आपल्या कम्युनिस्ट विचारसरणीमुळे ते बंगालसाठी जे करु शकले असते, ते त्यांनी केलं नाही.

Jyoti Basu 2

ज्योति बसु

पंतप्रधानपदी विराजमान होण्याची संधी

ज्योति बसु यांच्याकडे पंतप्रधानपदी विराजमान होण्याची संधी आली होती. मात्र, त्यांच्या पक्षाने ते होऊ दिलं नाही! 1966 मध्ये 11 व्या लोकसभेत भाजप सर्वात मोठा पक्ष बनला. मात्र सत्तास्थापनेसाठी त्यांना अन्य पक्षांची साथ मिळाली नाही. अशावेळी काँग्रेस आणि अन्य पक्ष मिळून सरकार बनवू शकत होते. काँग्रेसनं तिसऱ्या आघाडीला आपला पाठिंबा देण्याची घोषणाही केली. अशावेळी ज्योति बसु यांच्या नेतृत्वाखाली सरकार बनण्याची जोरदार चर्चा सुरु झाली होती.

मात्र, त्यावेळी ज्योति बसु यांच्या नेतृत्वात सरकार न बनण्याचं कारण एखादा पक्षाने शब्द फिरवणं किंवा संख्याबळ नव्हतं. सर्वजण तयार होते. मात्र, मार्क्सवादी कम्युनिस्ट पक्षाने असं सरकार स्थापन्याला नकार दिला. त्याचं एक प्रमुख कारण होतं की, त्यांना सरकार स्थापन केल्यानंतर उदारीकरणातील आर्थिक धोरण पुढे घेऊन जावं लागलं असतं, ज्याला त्यांनी मागील सरकारच्या काळात विरोध केला होता. त्यावेळी कम्युनिस्ट पक्ष आपल्या विचारांपासून किंवा धेय्यधोरणांपासून बाजूला ठेवण्यास तयार नव्हता.

Jyoti Basu 3

ज्योति बसु

साधेपणा आणि पक्षावरील निष्ठा

सर्वात महत्वाची बाब म्हणजे याबाबत ज्योति बसु यांनी कधीही सार्वजनिक किंवा खासगीरित्या याबाबत आपली भूमिका मांडली नाही. त्यांनी आपल्या साधेपणाची आणि पक्षावरील निष्ठेची प्रतिमा कधीही डागाळू दिली नाही. त्यांच्या साधेपणाचा दाखला द्यायचा झाल्यास ते आपल्याला आमदार म्हणून मिळणाऱ्या अडीचशे रुपयांपैकी बहुतांश पैसे पक्ष कामासाठी देत. त्यांचा आहारही अगदी साधा होता. त्यात डाळ भात आणि तळलेल्या वांग्यांचा समावेश असायचा. असंही म्हटलं जातं की ज्योति बसु यांनी वयाच्या 21 व्या वर्षी पहिल्यांदा चहा घेतला होता.

इंग्लंडमध्ये कम्युनिस्ट विचारांशी जोडले गेले

ज्योति बसु हे एका चांगल्या आणि उच्च मध्यमवर्गीय परिवारातील होते. त्यांचे वडील एक डॉक्टर होते. त्यांचे शिक्षण कोलकातामधील सर्वात नावाजलेल्या लोरेटो या शाळेत झाले. पुढे त्यांनी कोलकात्यातीलच प्रेसिडेन्सी महाविद्यालयातून पदवीचे शिक्षण पूर्ण केले. त्यानंतर कायद्याचे शिक्षण घेण्यासाठी ते इंग्लंडला गेले. तिथेच ते कम्युनिस्ट विचारसरणीशी जोडले गेले होते.

इतर बातम्या :

1993च्या मुंबई बॉम्बस्फोटातील मोस्ट वाँटेड आरोपी सलीम गाझीचा मृत्यू, साखळी स्फोटात सलीम गाझीची काय भूमिका?

Photo : उदयनराजेंना ‘पुष्पा’ची भुरळ, साताऱ्यात सेल्फी पॉईंटवर थेट लुंगीमध्ये! तर संभाजीराजेंची जंगल सफारी

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी