ऑक्सिजन पुरवठ्यासाठी MEIL मैदानात, ‘या’ राज्यांना मोफत ऑक्सिजन पुरवणार

MEIL कंपनीने तेलुगु राज्यांमध्ये मोफत ऑक्सिजन सिलेंडर पुरवठा करण्याचा निर्णय घेतला आहे. तसा प्रस्ताव MEIL कंपनीने तेलंगणा सरकारला दिला आहे.

ऑक्सिजन

Sachin Patil | सचिन पाटील | Updated on: May 12, 2021 | 11:17 AM

हैदराबाद : कोरोनाचा उद्रेक (Corona cases) आणि ऑक्सिजनची (Oxygen) कमतरता पाहता, देशातील आघाडीची कंपनी मेघा इंजिनिअरिंग (Megha Engineering & Infrastructures Limited) अँड इन्फ्रास्ट्रक्चर लिमिटेड (MEIL) मदतीसाठी मैदानात उतरली आहे. या कंपनीने तेलुगु राज्यांमध्ये मोफत ऑक्सिजन सिलेंडर पुरवठा करण्याचा निर्णय घेतला आहे. तसा प्रस्ताव MEIL कंपनीने तेलंगणा सरकारला दिला आहे. (MEIL to augment supply of oxygen by 3.5 lakh liters per day in Covid19 hit Telugu States )

इंजिनिअरिंग क्षेत्रात मानाचं स्थान असलेल्या या कंपनीने, दररोज 7 हजार लीटर क्षमतेचे 500 ते 600 ऑक्सिजन सिलेंडर निर्मितीची योजना बनवली आहे. यानुसार दररोज जवळपास 3 लाख 50 हजार लिटर ऑक्सिजन निर्मितीची क्षमता कंपनीची आहे.

MEIL कंपनीला निजामच्या आयुर्विज्ञान संस्था 50 सिलेंडर, सरोजिनी देवी नेत्र चिकित्सालय 200 सिलेंडर, अपोलो आयुर्विज्ञान संस्था (100) आणि हैदराबाद केयर हाई-टेक रुग्णालय 50 सिलेंडर ऑक्सिजन भरुन देण्याची मागणी आली आहे.

या रुग्णालयांत कोरोना रुग्णसंख्या वाढत आहे. त्यामुळे या रुग्णालयांमध्ये ऑक्सिजन बेडची संख्याही वाढवण्यात आली आहे.

महत्त्वाचं म्हणजे DRDO च्या मदतीने MEIL कंपनी आता 30-40 ऑक्सिजन निर्मिती संयंत्र निर्मितीचीही तयारी करत आहे. ही संयंत्रं लढाऊ विमानांसाठी वापरल्या जाणाऱ्या ऑन बोर्ड ऑक्सिजन उत्पादनाच्या तंत्रज्ञानावर आधारित असतील. ज्याव्दारे मिनिटाला 150-1000 लिटर ऑक्सिजन निर्मिती होऊ शकते.

MEIL सध्या दिवसा 30 मेट्रिक टन क्रायोजेनिक ऑक्सिजन लिक्विडीफिकेशन संयंत्राची निर्मिती करत आहे. उद्यापासून त्यातून ऑक्सिजन निर्मिती सुरु होईल. क्रायोजेनिक ऑक्सिजनचं रुपांतर मेडिकलसाठी लिक्विड ऑक्सिजनमध्ये केलं जाईल.