भारतासमोर पाकड्यांची टरकली, पाक सैन्याकडून अफगाणिस्तान सीमेवर 54 बंडखोरांचा खात्मा

भारत-पाकिस्तानमधील तणावासंदर्भात ही मोठी बातमी आहे. अफगाणिस्तानसीमेवरील उत्तर वझिरीस्तानमध्ये घुसखोरीचा मोठा प्रयत्न हाणून पाडताना पाकिस्तानी सुरक्षा दलांनी 54 दहशतवाद्यांचा खात्मा केल्याचा दावा केला आहे. इंटर सर्व्हिसेस पब्लिक रिलेशन्सने (ISPR) दहशतवादविरोधी मोहिमेतील ही सर्वात मोठी चकमक असल्याचे म्हटले आहे, ज्यात एकाच ऑपरेशनमध्ये एवढ्या मोठ्या संख्येने दहशतवादी मारले गेले.

आयएसपीआरने दिलेल्या माहितीनुसार, 25, 26 आणि 27 एप्रिलच्या मध्यरात्री हसन खेल भागात सीमेपलीकडून घुसखोरी करण्याचा प्रयत्न करणाऱ्या दहशतवाद्यांच्या हालचाली सुरक्षा दलांना दिसल्या. घुसखोरी हाणून पाडण्यासाठी जवानांनी तत्परतेने आणि अचूक कारवाई केली. आमच्या जवानांनी दहशतवाद्यांचा हा प्रयत्न प्रभावीपणे हाणून पाडला.

नेमक्या चकमकीदरम्यान सर्व 54 ‘खवारीज’ना नरकात पाठवण्यात आले. ‘खवारीज’ हा शब्द पाकिस्तान सरकार तहरीक-ए-तालिबान पाकिस्तान (TTP) साठी वापरतो. या चकमकीत ठार झालेल्या दहशतवाद्यांकडून मोठ्या प्रमाणात शस्त्रे, दारुगोळा आणि स्फोटके जप्त करण्यात आली.

ऑपरेशन की नुसता दिखावा?

भारत आणि पाकिस्तानयांच्यातील तणाव शिगेला पोहोचला असताना ही कारवाई करण्यात आली आहे. त्याचवेळी अफगाणिस्तानचे तालिबानचे परराष्ट्रमंत्री मौलवी अमीर खान मुत्ताकी यांनी काबूलमध्ये भारताचे विशेष दूत आनंद प्रकाश यांची भेट घेऊन भारतासोबत आर्थिक आणि राजनैतिक संबंध मजबूत करण्याची गरज व्यक्त केली.

टीटीपी आणि सीमेवरील संघर्षावरून तालिबान आणि पाकिस्तानयांच्यात तणाव वाढत असल्याने या बैठकीकडे पाकिस्तानसाठी राजनैतिक धक्का म्हणून पाहिले जात आहे. अफगाणिस्तान टीटीपीला आश्रय देत असल्याचा आरोप पाकिस्तानने बराच काळ केला आहे, मात्र काबूलने हा आरोप फेटाळून लावला आहे.

पाकिस्तानची चिनी लढाऊ विमाने

• जे-10 : सिंगल इंजिन जेट
• जेएफ-17 : सिंगल इंजिन जेट (चीन-पाकिस्तान संयुक्त प्रकल्प)
• एफ-7 : सिंगल इंजिन जेट

पाकिस्तानने अलीकडच्या काळात चीनकडून बरीच लष्करी मदत घेतली आहे, पण चीनने दिलेल्या सर्व विमानांमध्येही एकच इंजिन आहे. याचा अर्थ असा की, जेव्हा पाकिस्तान उच्च तीव्रतेच्या लढाईला सामोरे जाईल, तेव्हा त्याच्या हवाई दलाची जगण्याची क्षमता मोठ्या प्रमाणात कमी होईल.

दुहेरी इंजिनअसलेली लढाऊ विमाने का महत्त्वाची आहेत?

युद्धात दुहेरी इंजिनअसलेली लढाऊ विमाने अत्यंत महत्त्वाची असतात. यातील एक इंजिन निकामी झाल्यास दुसरे इंजिन विमानाला सुरक्षितपणे उतरण्यास मदत करते. शिवाय, या विमानांची शस्त्र वाहून नेण्याची क्षमता जास्त आहे, लांब पल्ला आहे आणि कठीण मोहिमा पार पाडू शकतात.