PM Modi Net Worth: ना घर, ना कार… पंतप्रधान नरेंद्र मोदी यांच्याकडे किती कोटींची संपत्ती?
पंतप्रधान मोदींनी आज ७४ वर्षे पूर्ण केली आहेत. या काळात भारतीय जनता पक्षात विविध पदे भूषवल्यानंतर ते गुजरातचे मुख्यमंत्री आणि नंतर देशाचे पंतप्रधान झाले. आज आम्ही तुम्हाला त्याच्या संपत्तीबद्दल सांगत आहोत. त्याच्याकडे ना कार आहे, ना घर आहे.
तिसऱ्यांदा पंतप्रधान झालेले नरेंद्र मोदी यांचा आज ७४ वा वाढदिवस आहे. स्वच्छ राजकीय प्रतिमा असलेले पंतप्रधान मोदी अनेक संघर्षानंतर या सर्वोच्च पदावर पोहोचले आहेत. स्वतःला चायवाला म्हणवणाऱ्या पंतप्रधानांनी आपल्या सुरुवातीच्या आयुष्यातील अडचणींवर मात केली. प्रथम आरएसएसमध्ये, त्यानंतर भारतीय जनता पार्टी आणि मग गुजरातचे मुख्यमंत्री म्हणून त्यांनी जबाबदारी सांभाळली. आता त्यांच्या हातात देशाची जबाबदारी आहे. पंतप्रधान मोदी यांच्याकडे किती संपत्ती असेल पंतप्रधान मोदींच्या संपत्तीबद्दल जाणून घेण्यासाठी उत्सुक आहेत. 2024 च्या लोकसभा निवडणुकीत त्यांनी प्रतिज्ञापत्रात आपल्या संपत्तीची संपूर्ण माहिती दिली होती.
पंतप्रधान नरेंद्र मोदी यांनी लोकसभा निवडणूक 2024 दरम्यान निवडणूक शपथपत्रात आपली एकूण संपत्ती 3.02 कोटी रुपये असल्याचे जाहीर केले आहे. पंतप्रधानांच्या संपत्तीमध्ये जंगम आणि स्थावर मालमत्ता तसेच गुंतवणुकीचा समावेश आहे. 2019 आणि 2014 मधील त्यांच्या घोषणांच्या तुलनेत पीएम मोदींच्या संपत्तीत वाढ झाली आहे. असोसिएशन फॉर डेमोक्रॅटिक रिफॉर्म्सने नोंदवलेल्या आकडेवारीनुसार, त्यांनी 2014 मध्ये 1.66 कोटी रुपयांच्या तुलनेत 2019 मध्ये 2.51 कोटी रुपयांची मालमत्ता घोषित केली आहे.
मोदींकडे सोनं किती
पंतप्रधान नरेंद्र मोदी यांच्या गुंतवणुकीत 2.67 लाख रुपयांचे सोन्याचा समावेश आहे. त्यांच्याकडे चार सोन्याच्या अंगठ्या आहेत. याशिवाय त्यांनी नॅशनल सेव्हिंग सर्टिफिकेटमध्ये ९.१२ लाख रुपयांची गुंतवणूक केली आहे. NSC मधील ही गुंतवणूक 2019 मध्ये 7.61 लाखांवरून अंदाजे 2 लाखांनी वाढली आहे. याव्यतिरिक्त, 2024 च्या प्रतिज्ञापत्रानुसार पंतप्रधानांकडे बँकेत 2.85 कोटी रुपये मुदत ठेवी (FDs) आहेत. मात्र, पंतप्रधान मोदी यांच्याकडे कोणतीही जमीन किंवा शेअर्स नाहीत किंवा त्यांची म्युच्युअल फंडात गुंतवणूकही नाही हे विशेष. मोदींकडे 52,920 रुपये रोख आहेत.
पंतप्रधान मोदींनी गुजरात विद्यापीठातून एमएची पदवी घेतल्याचे जाहीर केले आहे. प्रतिज्ञापत्रात म्हटले आहे की ते दिल्ली विद्यापीठातून कला शाखेचे पदवीधर आहेत (1978). प्रतिज्ञापत्रात पुढे म्हटले आहे की, त्यांनी 1967 मध्ये गुजरात बोर्डातून एसएससी परीक्षा उत्तीर्ण केली होती. मोदींनी जाहीर केले की, त्यांच्याविरुद्ध कोणताही फौजदारी खटला प्रलंबित नाही आणि त्यांच्याकडे सरकारी थकबाकी नाही.
