Maharashtra Election News LIVE : उद्या २४ नगरपरिषदांसाठी होणार मतदान
BMC Maharashtra Municipal Corporation Election 2026 News LIVE Updates: राज्य निवडणूक आयोगाच्या निर्देशानुसार २० डिसेंबर रोजी राज्यातील २४ नगरपरिषदांसाठी मतदान होणार आहे. तर २१ डिसेंबर रोजी सर्व नगरपरिषदांचे निकाल लागतील. न्यायालयीन प्रक्रियेत या पालिकांच्या निवडणुका लांबल्या होत्या.
LIVE NEWS & UPDATES
-
सरपंच संतोष देशमुख खून प्रकरणाची आज बीडच्या विशेष मकोका न्यायालयात सुनावणी
आरोपींवर आज दोष निश्चित होण्याची दाट शक्यता आहे. दोष निश्चित झाल्यानंतर प्रकरण फास्ट ट्रॅकवर चालवलं जाईल. विशेष सरकारी वकील उज्ज्वल निकम उपस्थित राहणार असल्याची माहिती समोर येत आहे. तर देशमुख कुटुंबीय देखील सुनावणीला उपस्थित राहणार आहेत.आजच्या सुनावणीकडे सर्वांचे लक्ष लागले आहे.
-
परराज्यातील अवैध मद्य तस्करीवर पुणे उत्पादन शुल्क विभागाची मोठी कारवाई
पुणे राज्य उत्पादन शुल्क विभागाने परराज्यातून होणाऱ्या अवैध मद्य तस्करीविरोधात दोन स्वतंत्र कारवाया करत मोठा साठा जप्त केला. उरुळी कांचन आणि भोर तालुक्यात सापळा रचून एकूण पाच आरोपींना अटक करण्यात आली. या कारवाईत चारचाकी, ट्रकसह सुमारे ४८ लाख रुपयांहून अधिक किमतीचा विदेशी मद्यसाठा जप्त करण्यात आला.
-
-
पुण्यातील केशवनगरमध्ये बिबट्याचा वावर
‘कोणार्क रिवा’ आणि ‘एल्कोन सिल्व्हर लीफ’ सोसायटीच्या पार्किंग परिसरात बिबट्या सीसीटीव्ही कॅमेऱ्यात कैद झाला. त्यामुळे परिसरात भीतीचे वातावरण आहे. माहिती मिळताच वन विभाग व बचाव पथकाने तपासणी सुरू केली. बिबट्या सापडला नसला, तरी पाण्याच्या टाकीजवळ त्याचे पायांचे ठसे आढळले. नागरिकांनी दक्ष राहण्याचे आवाहन वन विभागाने केले आहे.
-
सुट्टीच्या दिवशी ही कामकाज सुरू राहणार
महापालिका निवडणुकीसाठी राज्यातील जिल्हा जात पडताळणीच्या सुट्टीच्या दिवशी ही कामकाज सुरू राहणार आहे. पालिकेच्या राखीव जागा लढवण्यासाठी उमेदवारांना जात प्रमाणपत्र जात पडताळणी आवश्यक आहे. राज्यातील चार जिल्हा समिती अध्यक्ष पद रिक्त असून त्याचा पदभार लगतच्या जिल्ह्यातील समितीकडे दिला आहे. निवडणूक काळात जात पडताळणी प्रमाणपत्र घेण्यात अडचणी येऊ नये यासाठी सुट्टीच्या दिवशीही कार्यालय सुरू राहणार आहे.
-
माणिकराव कोकाटे यांच्याप्रकरणात हायकोर्टात सुनावणी
माणिकराव कोकाटे यांची उद्या सकाळी अँजिओग्राफी केली जाणार आहे. लिलावती हॉस्पिटलमध्ये सकाळी अँजिओग्राफी केली जाणार आहे.अँजिओग्राफी चा रिपोर्ट आल्यानंतरच माणिकराव कोकाटे यांना अटक करण्यासंदर्भात नाशिक पोलीस निर्णय घेणार आहे. तर आज हायकोर्टात त्यांनी दाखल केलेल्या याचिकेवर सुनावणी होईल.
-
सध्या राज्या निवडणुकीचा हंगाम सुरू आहे. या वर्षाची अखेर आणि वर्षाची सुरुवात निवडणुकीने होणार आहे. पुढील वर्षी जानेवारी महिन्याच्या मध्यंतरात राज्यातील २९ महानगरपालिकांच्या निवडणुका होत आहेत. तर त्यानंतर जिल्हा परिषद निवडणूक होणार आहे. दरम्यान राज्य निवडणूक आयोगाच्या निर्देशानुसार २० डिसेंबर रोजी राज्यातील २४ नगरपरिषदांसाठी मतदान होणार आहे. तर २१ डिसेंबर रोजी सर्व नगरपरिषदांचे निकाल लागतील. न्यायालयीन प्रक्रियेत या पालिकांच्या निवडणुका लांबल्या होत्या. उद्या आणि परवा दोन दिवस नगरपालिका मतदान आणि निकालांचा धुराळा उडणार आहे.
Published On - Dec 19,2025 8:02 AM
