रेल्वेचा मोठा निर्णय : मोबाईलवरुन ट्रेनचे तिकीट काढताना ही अट हटविली, पाहा काय झाला बदल

मुंबई : रेल्वे स्थानकातील तिकीट खिडक्यांवरील रांगा कमी करण्यासाठी रेल्वेने काही वर्षांपूर्वी युटीएस ॲप आणले होते. परंतू या युटीएस ॲपमध्ये ई-तिकीट काढताना रेल्वे स्थानकापासून ठराविक अंतर उभे राहून ई- तिकीट बुक करावी लागत होती. त्यामुळे प्रवास करताना स्थानकाच्या हद्दीच्या जवळआल्यानंतर तिकीट जनरेट होऊन आपले पैसे बॅंक खात्यातून वळते व्हायचे. परंतू आता रेल्वेने पेपरलेस तिकीट बुक करताना असलेली हद्दीची अट रद्द केली आहे. त्यामुळे आता प्रवाशांना घर बसल्या लोकलस ट्रेनचे तिकीट बुक करता येणार असल्याचे पश्चिम रेल्वेने म्हटले आहे.

तत्कालिन रेल्वे मंत्री सुरेश प्रभू यांच्या कार्यकाळात साल 2014 मध्ये मुंबई उपनगरीय मार्गावर प्रथमच युटीएस मोबाईल ॲपचे लॉंचिंग करण्यात आले होते. तिकीट घरांच्या रांगा कमी करण्यासाठी मोबाईलवरुन ऑनलाईन तिकीट काढण्याचा हा पर्याय सुरुवातीला तितकासा लोकप्रिय झाला नाही. कारण हद्दीची अट तसेच पैसे कापले जाऊनही ई- तिकीट मिळत नसल्याने फारसे प्रवासी मोबाईलने तिकीट काढण्याचा फंद्यात पडायचे नाहीत. आता युटीएस ऑनलाइन मोबाइल ॲपमधून उपनगरीय आणि लांबपल्ल्याच्या गाड्यांची तिकीटे ऑनलाईन बुक करता येत आहेत. परंतू आता यूटीएस ऑनलाइन मोबाइल ॲपवरील जियो-फेंसिंगची हद्द हटविली आहे. त्यामुळे आता प्रवाशांना स्थानकाच्या जवळ जाऊन तिकीट मोबाईलवर तिकीट बुक करण्याची काही गरज राहणार नाही. तर घरातून तिकीट बुक करुन आरामात प्रवास करता येणार आहे.

आता यूटीएस मोबाईल ॲपवरील जिओ-फेन्सिंगची निर्बंधांची बाह्य मर्यादा हटविण्यात आली आहे. जिओ-फेन्सिंगची बाह्य मर्यादा हटवल्यामुळे प्रवासी आता घरी बसून कोणत्याही ठिकाणाहून कोणत्याही गंतव्य स्थानकासाठी तिकीट बुक करू शकणार आहेत. तथापि, प्रवाशांनी तिकीट आरक्षित केल्यापासून एक तासाच्या आत उपनगरीय लोकलचा प्रवास सुरु करावा तसेच लांबपल्ल्याच्या गाड्यांच्या बाबतीत तीन तासांच्या आत प्रवास सुरु करणाऱ्या स्टेशनवरून ट्रेनमध्ये चढणे आवश्यक आहे. यूटीएस ऑन मोबाइल ॲप वापरल्यामुळे सुट्ट्ये पैसे बाळगण्याची गरज नाही, तसेच रांगात उभे राहून वेळ वाया घालविण्याची गरज नाहीत, तसेच आणखीन एक अतिरिक्त फायदा म्हणजे प्रवाशांना आर-वॉलेट रिचार्जवर 3% बोनस मिळणार असल्याचे पश्चिम रेल्वेचे मुख्य जनसंपर्क अधिकारी सुमित ठाकूर यांनी म्हटले आहे.