Video : फुटबॉलचा सामना सुरू असतानाच प्रेक्षक गॅलरी कोसळली, घटना कॅमेऱ्यात कैद; काही जण गंभीर

मलप्पुरम (केरळ) : मलप्पुरम येथील पुंगोड (Poongod) येथे फुटबॉल (Football) सामन्यादरम्यान उभारण्यात आलेली गॅलरी कोसळली (Collapsed). या दुर्घटनेत जवळपास 200 लोक जखमी झाले असून पाच गंभीर जखमी आहेत, अशी माहिती पोलिसांनी दिली आहे. रविवारी सामना सुरू होण्याच्या दरम्यान ही घटना घडली आहे. हा सर्व अपघात कॅमेऱ्यात कैद झाला आहे. दृश्यांमध्ये आपल्याला पाहता येईल, की तात्पुरत्या स्वरुपात उभारलेली गॅलरी व्हिडिओमध्ये दिसत आहे. सामना सुरू होण्यापूर्वीची ही घटना असावी. मैदानात संघ दिसत आहेत. तर प्रेक्षकांची संख्याही जास्त दिसत आहे. गॅलरी पूर्ण भरलेली दिसत आहे. सामन्यादरम्यान अचानक ही गॅलरी कोसळते. त्यानंतर सर्वत्र गोंधळ उडाल्याचे दिसत आहे.

रात्री नऊच्या दरम्यानची घटना

केरळमध्ये फुटबॉल सामन्यादरम्यान हा अपघात झाला. मलप्पुरम जिल्ह्यातील वंदूरजवळ हा अपघात झाला. फुटबॉल स्टेडियमची तात्पुरती गॅलरी कोसळल्याने ही दुर्घटना घडली. यामध्ये सुमारे 200 जण जखमी झाले. 5 जण गंभीर जखमी असल्याचे सांगण्यात येत आहे. सर्व जखमींना रुग्णालयात दाखल करण्यात आले आहे. अपघात झाला तेव्हा गॅलरीत 2 हजारांहून अधिक लोक सामना पाहण्यासाठी उपस्थित होते. रात्री नऊच्या सुमारास हा अपघात झाला. दोन स्थानिक संघांमधील अंतिम सामना पाहण्यासाठी लोक आले होते.

#WATCH Temporary gallery collapsed during a football match in Poongod at Malappuram yesterday; Police say around 200 people suffered injuries including five with serious injuries#Kerala pic.twitter.com/MPlTMPFqxV

— ANI (@ANI) March 20, 2022

‘…तरीही ये-जा थांबवली नाही’

गॅलरी पूर्ण भरल्यानंतरही कार्यक्रमानंतर आयोजकांनी पाहुण्यांची ये-जा थांबवली नाही, त्यामुळे हा अपघात झाल्याचा आरोप स्थानिकांनी केला आहे. आता याप्रकरणाची चौकशी करण्याची मागणी होत आहे. तर पोलीस याप्रकरणी काय भूमिका घेतात, हे पाहावे लागेल.

आणखी वाचा :

Goa Government Formation: गोव्याचे मुख्यमंत्री कोण? सस्पेन्स संपला, अमित शहांच्या घरी बैठक, विश्वजीत राणेंचं काय होणार?

Uttar Pradesh : समाजवादी पक्षाच्या आमदारावर गंभीर आरोप, वार्ड प्रमुखाला अनेक महिने ओलीस ठेवलं, अखेर आमदारावर गुन्हा दाखल

Madhya pradesh : दोन समाजात तुफान हाणामारी, घटनेत एकाचा मृत्यू, आरोपींच्या घरावर प्रशासनाचा बुलडोझर, मुख्यमंत्र्यांकडून मदत जाहीर