VIDEO: “भाजपच्या नेत्यांनी थोबाडात मारली, बॉम्बही आणले”, UP पोलीस अधिकाऱ्याचा व्हिडीओ व्हायरल
उत्तर प्रदेशमध्ये एका वरिष्ठ पोलीस अधिकाऱ्यावरही हतबल होऊन आपल्या वरिष्ठांकडे तक्रार करावी लागलीय. याबाबतचा एक व्हिडीओ सोशल मीडियावर व्हायरल होतोय.
लखनौ : उत्तर प्रदेशमधील कायदा सुव्यवस्था हा कायमच वादग्रस्त विषय राहिलाय. इतरवेळी हतबल असणाऱ्या सामान्य लोकांच्या व्यथा समोर आल्या आहेत. मात्र, आता एका वरिष्ठ पोलीस अधिकाऱ्यावरही हतबल होऊन आपल्या वरिष्ठांकडे तक्रार करावी लागलीय. याबाबतचा एक व्हिडीओ सोशल मीडियावर व्हायरल होतोय. यात संबंधित अधिकारी भाजपच्या आमदार आणि जिल्हाध्यक्षांवर आपल्याला थोबाडीत मारण्याचा आणि हिंसा भडकवण्यासाठी बॉम्ब आणल्याचा आरोप करताना दिसत आहे. यानंतर देशभरातून यावर प्रतिक्रिया उमटत आहेत (Video Allegation of slapping Police office and bomb with BJP MLA and supporters UP).
VIDEO: “भाजपच्या नेत्यांनी थोबाडात मारली, बॉम्बही आणले”, UP पोलीस अधिकाऱ्याचा व्हिडीओ व्हायरल#UP #UPViolence #AttackOnPolice pic.twitter.com/GKARBSEcux
— Pravin Sindhu | प्रविण सिंधू ??✊ (@PravinSindhu) July 11, 2021
उत्तर प्रदेशमध्ये स्थानिक स्वराज्य संस्थांच्या निवडणुकीनंतर मोठ्या प्रमाणात हिंसक घटना घडत आहेत. पुढील वर्षी विधानसभा निवडणुका होणार असल्याच्या पार्श्वभूमीवर उत्तर प्रदेशमधील स्थानिक निवडणुकांमध्ये मोठ्या प्रमाणात शक्तीप्रदर्शन करण्यात आलं. मात्र, निकालानंतर अनेक ठिकाणी लाठीकाठ्यांपासून बॉम्बपर्यंत वापर होऊन हिंसा भडकली. विशेष म्हणजे या परिस्थितीवर नियंत्रण करण्याचा प्रयत्न करणाऱ्या पोलीस प्रशासनावरही हल्ले होताना दिसत आहेत.
योगी जी का नारा था ठोंक दो, आज भाजपाइयों ने पुलिस को तबियत से ठोंका!
इटावा में भाजपा विधायक और जिलाध्यक्ष की मौजूदगी में भाजपा नेताओं ने एसपी सिटी को थप्पड़ मारा, पत्थरबाजी की,
पुलिस पिट रही है, सत्ताधारी गुंडों के आगे हाथ जोड़ रही है,
ये जंगलराज की परिभाषा नहीं तो और क्या है? pic.twitter.com/3j3TScSMR9
— Manish Jagan Agrawal (मनीष जगन अग्रवाल) (@manishjagan) July 10, 2021
पोलीस अधीक्षक प्रशांत कुमार यांचा एक व्हिडीओ सध्या मोठ्या प्रमाणात शेअर होतोय. त्यात ते फोनवर वरिष्ठांशी बोलताना परिस्थितीची माहिती देत आहेत. ते सांगत आहेत, “हे लोक विटा आणि दगडफेक करत आहेत. त्यांनी मला थोबाडीतही मारली. त्यांनी त्यांच्यासोबत बॉम्बही आणले आहेत. हे लोक भाजपचे कार्यकर्ते आहेत. यात भाजप आमदार आणि भाजप जिल्हाध्यक्षाचाही समावेश आहे.” हा व्हिडीओ ईटवाह जिल्ह्यातील आहे.
हेही वाचा :
Modi Cabinet Reshuffle : केंद्रीय मंत्रिमंडळात 20 नव्या चेहऱ्यांना संधी, महाराष्ट्र-बिहार-उत्तर प्रदेशला प्राधान्य
कारच्या सीटखालून 70 किलो गांजाची तस्करी, यूपीच्या आरोपीला नागपुरात अटक
“भाजपला मास्टरस्ट्रोक आवश्यक, यूपी निवडणुकीपूर्वी महाराष्ट्र फोडणे गरजेचा”
व्हिडीओ पाहा :
Video Allegation of slapping Police office and bomb with BJP MLA and supporters UP
