एसीच्या रिमोटमध्ये दडलंय वीज बचतीचं मोठं रहस्य; एका बटणाची जादू तुम्हाला माहित आहे का?
उन्हाळ्यात एसीचे अव्वाच्या सव्वा येणारे वीज बिल कमी करण्यासाठी रिमोटमधील 'इको मोड' आणि इतर खास टिप्सचा वापर करा, ज्यामुळे तुमची २० ते ३० टक्के बचत होऊ शकते.
उन्हाळा सुरू झाला की घराघरात एअर कंडिशनर (AC) रात्रंदिवस चालू असतात. कडक उन्हापासून एसीमुळे दिलासा मिळत असला तरी महिन्याच्या शेवटी येणारे अव्वाच्या सव्वा विजेचे बिल सर्वसामान्यांचे बजेट कोलमडवून टाकते. मात्र, तुमच्या एसीच्या रिमोटमध्येच एक अशी जादू दडलेली आहे, जी तुमचा खिसा हलका होण्यापासून वाचवू शकते.
1 / 6
बहुतेक एसी रिमोटवर Eco (इको) किंवा Energy Saver नावाचे एक बटण असते. अनेक ग्राहक या फिचरकडे दुर्लक्ष करतात. जेव्हा तुम्ही हा मोड सक्रिय करता, तेव्हा एसीचा कॉम्प्रेसर सतत पूर्ण क्षमतेने चालण्याऐवजी खोलीतील तापमानानुसार आपली कार्यक्षमता कमी-जास्त करतो. यामुळे विनाकारण खर्च होणारी वीज वाचते.
2 / 6
तज्ज्ञांच्या मते, इको मोडचा वापर केल्यास विजेचा वापर लक्षणीयरीत्या कमी होतो, ज्यामुळे बिलात २० ते ३० टक्के मोठी घट होऊ शकते. हा मोड चालू असताना एसी हवा थंड करण्यासाठी थोडा जास्त वेळ घेऊ शकतो, परंतु एकदा खोली थंड झाली की तो किमान वीज वापरून तापमान स्थिर ठेवतो. कमी वीज वापरल्यामुळे कार्बन फूटप्रिंट कमी होण्यासही मदत होते.
3 / 6
एसी नेहमी २४ ते २६ अंश सेल्सिअसवर चालवणे आरोग्यासाठी आणि बिलासाठी उत्तम असते. १८ अंशांवर एसी चालवल्यास कॉम्प्रेसरवर ताण येतो आणि वीज जास्त लागते. रात्री झोपताना रिमोटवरील 'Sleep Mode' सुरू करा. हा मोड दर तासाला १ अंशाने तापमान वाढवतो, ज्यामुळे गाढ झोप लागते आणि विजेचीही बचत होते.
4 / 6
एसीचे फिल्टर्स धुळीने भरलेले असल्यास हवा फेकण्यासाठी मशीनला जास्त जोर लावावा लागतो. दर १५ दिवसांनी फिल्टर साफ केल्यास कार्यक्षमता सुधारते. एसी सुरू असताना खोली पूर्णपणे बंद असल्याची खात्री करा.
5 / 6
साध्या पडद्यांऐवजी जाड पडदे वापरल्यास बाहेरची उष्णता आत येत नाही. पहाटेच्या वेळी वातावरण थंड असते, अशा वेळी एसी आपोआप बंद होण्यासाठी Timer सुविधेचा वापर करा. उन्हाळ्याच्या या दिवसात केवळ रिमोटवरील एका बटणाचा विचारपूर्वक वापर करून तुम्ही कडाक्याच्या उन्हातही थंडावा घेऊ शकता आणि बिलाचे टेन्शनही दूर करू शकता.
