Marathi News Photo gallery Baby doll singer kanika kapoor first marriage at the age of 18 have three kids after divorce married second time at age of 43
वयाच्या 18 व्या वर्षी पहिलं लग्न, 3 मुलांच्या जन्मानंतर घटस्फोट, 43 व्या वर्षी प्रसिद्ध गायिकेचं दुसरं लग्न
बॉलिवूड इंडस्ट्रीतील ही प्रसिद्ध गायिका तिच्या खासगी आयुष्यामुळे अनेकदा चर्चेत आली. वयाच्या 43 व्या वर्षी तिने दुसरं लग्न केलं. पहिल्या लग्नापासून तिला तीन मुलं आहेत. वयाच्या 18 व्या वर्षी तिने पहिलं लग्न केलं होतं.
स्वाती वेमूल |
Updated on: Feb 17, 2026 | 11:47 AM
Share
बॉलिवूड इंडस्ट्रीत असे अनेक सेलिब्रिटी आहेत, जे त्यांच्या खासगी आयुष्यामुळे सतत चर्चेत राहिले. त्यापैकीच एक नाव गायिका कनिका कपूरचं आहे. अवघ्या वयाच्या 18 व्या वर्षी तिने लग्न केलं होतं. त्यानंतर ती तीन मुलांची आई झाली. परंतु हे लग्न फार काळ टिकू शकलं नाही.
1 / 6
घटस्फोटानंतर आता वयाच्या 43 व्या वर्षी तिने दुसरं लग्न केलं आहे. कनिका कपूरने 'बेबी डॉल', 'लव्हली', 'चिट्टियां कलाइयां' यांसारखी हिट गाणी गायली आहेत. कनिकाने 1988 मध्ये वयाच्या 18 व्या वर्षी राज चंद्रलोकशी पहिलं लग्न केलं होतं.
2 / 6
2012 मध्ये दोघं विभक्त झाले. या दोघांना तीन मुलं असून आयाना, समारा आणि युवराज अशी त्यांची नावं आहेत. घटस्फोटाच्या बऱ्याच वर्षांनंतर कनिकाने दुसऱ्या लग्नाचा विचार केला. 2022 मध्ये तिने बिझनेसमन गौतम हाथीरमाणीशी दुसऱ्यांदा लग्नगाठ बांधली.
3 / 6
कनिका आणि गौतमने युकेमध्ये मोजक्या पाहुण्यांच्या उपस्थितीत लग्न केलं. त्यानंतर मित्रपरिवारासाठी लंडनमध्ये रिसेप्शनचं आयोजन केलं होतं. या रिसेप्शनला मोठमोठ्या सेलिब्रिटींची उपस्थिती पहायला मिळाली.
4 / 6
'ई टाइम्स'ला दिलेल्या मुलाखतीत कनिकाने सांगितलं होतं की गौतमची ती 15 वर्षांपासून मैत्रीण होती. दोघांनी बराच वेळ घेतल्यानंतर आणि एकमेकांसोबत काही वर्षे घालवल्यानंतर लग्नाचा निर्णय घेतला होता.
5 / 6
2014 मध्ये कनिका कपूरने गौतमला लग्नासाठी विचारलं तेव्हा ती मस्करी करतेय असं त्याला वाटलं होतं. त्यानंतर 2020 मध्ये तिने पुन्हा त्याला प्रपोज केलं, त्याच्या दोन वर्षांनंतर त्यांनी लग्न केलं.
