कंडोम बनवणाऱ्या कंपनीच्या शेअरचा धमाका. या शेअरने गुंतवणूकदारांना दिला तब्बल 14,057% परतावा! सध्या शेअरमध्ये पुन्हा जोरदार तेजी पाहायला मिळतेय. पण या कंपनीत असं काय घडलं की शेअरने एवढी मोठी झेप घेतली? जाणून घ्या...
भारतीय शेअर बाजारात शुक्रवारी क्यूपिड लिमिटेड (Cupid Limited) शेअरमध्ये जोरदार तेजी पाहायला मिळाली. कंडोम आणि इतर निरोधक उत्पादने तयार करणाऱ्या या कंपनीच्या शेअरने बीएसईवर सुमारे 3 टक्क्यांची वाढ नोंदवत 368 रुपयांचा नवा ऐतिहासिक उच्चांक गाठला. त्यामुळे या मल्टीबॅगर स्टॉकने पुन्हा एकदा गुंतवणूकदारांचे लक्ष वेधून घेतले आहे.
1 / 6
क्यूपिड लिमिटेडच्या शेअरने गेल्या काही वर्षांत दमदार परतावा दिला आहे. उपलब्ध आकडेवारीनुसार, गेल्या एका महिन्यात शेअरमध्ये सुमारे 28 टक्क्यांची वाढ झाली आहे. तर सहा महिन्यांत शेअरचा भाव तब्बल 289 टक्क्यांहून अधिक वाढला आहे. गेल्या एका वर्षात या शेअरने गुंतवणूकदारांना 650 टक्क्यांहून अधिक परतावा दिला आहे.
2 / 6
दीर्घकालीन कामगिरी पाहिली तर क्यूपिड लिमिटेडचा शेअर आणखी प्रभावी ठरला आहे. दोन वर्षांत शेअरमध्ये 2121 टक्क्यांची वाढ, तर तीन वर्षांत तब्बल 8605 टक्क्यांची तेजी नोंदवली गेली आहे. पाच वर्षांच्या कालावधीत या शेअरने सुमारे 15301 टक्क्यांचा परतावा दिला आहे.
3 / 6
10 वर्षांत 14,057 टक्क्यांहून अधिक परतावा मिळाल्याने हा शेअर मल्टीबॅगर ठरला आहे. कंपनीच्या शेअरचा 52 आठवड्यांचा नीचांक 42.13 रुपये असल्याचे सांगितले जाते. सध्याच्या तेजीमुळे शेअरने आपल्या 52 आठवड्यांच्या नीचांकाशी तुलना करता मोठी झेप घेतली आहे.
4 / 6
कंपनीने यापूर्वीही आपल्या भागधारकांना बोनस शेअर्स आणि स्टॉक स्प्लिटचा लाभ दिला आहे. मार्च 2026 मध्ये कंपनीने 1:4 या प्रमाणात बोनस शेअर्स दिले होते. याआधी 2024 मध्ये 1:1 आणि 2018 मध्ये 5:1 या प्रमाणात बोनस शेअर्स देण्यात आले होते. तसेच 2024 मध्ये स्टॉक स्प्लिट करून कंपनीने शेअरची फेस व्हॅल्यू 10 रुपयांवरून 1 रुपया केली होती.
5 / 6
दरम्यान, क्यूपिड लिमिटेडने 2026 मध्ये प्रति शेअर 3 रुपयांचा शेवटचा लाभांश दिला होता. शेअरच्या दमदार कामगिरीमुळे कंपनीचा स्टॉक सध्या चर्चेत आला असला तरी, शेअर बाजारातील गुंतवणूक जोखमीची असते. त्यामुळे कोणताही गुंतवणुकीचा निर्णय घेण्यापूर्वी कंपनीची आर्थिक स्थिती, शेअरचे मूल्यांकन आणि बाजारातील जोखीम तपासून तज्ज्ञांचा सल्ला घेणे आवश्यक आहे.
