Marathi News Photo gallery Tailban release statement after enter in kabul no forceful takeover capital afghanistan
जबरदस्ती करणार नाही, शांततेत राजधानी काबूलचा ताबा द्यावा, तालिबानची अफगाण सरकारकडे मागणी
अफगाणिस्तानातील सत्तासंघर्ष तीव्र झाला असताना तालिबाननं जबरदस्ती करून काबूल वर ताबा मिळवणार नसल्याचं सांगितलंय. काबूलचा ताबा शांततेच्या मार्गानं आमच्याकडं द्यावा, यासाठी सरकारशी चर्चा सुरु असल्याचं तालिबानच्या प्रवक्त्यानं रॉयटर्स या वृत्त संस्थेला सांगितलं आहे.
TV9 मराठी डिजीटल टीम | Edited By: Yuvraj Jadhav |
Updated on: Aug 15, 2021 | 4:25 PM
Share
अफगाणिस्तान सरकारच्या हातातून देश निसटला आहे. देशाच्या ग्रामीण भागात दबा धरून असलेलं तालिबान काबूल शहरात येऊन पोहोचलंय. अफगाणिस्तानातील सत्तासंघर्ष तीव्र झाला असताना तालिबाननं जबरदस्ती करून काबूल वर ताबा मिळवणार नसल्याचं सांगितलंय. काबूलचा ताबा शांततेच्या मार्गानं आमच्याकडं द्यावा, यासाठी सरकारशी चर्चा सुरु असल्याचं तालिबानच्या प्रवक्त्यानं रॉयटर्स या वृत्त संस्थेला सांगितलं आहे.
1 / 8
तालिबानच्या प्रवक्त्यांनी रॉयटर्सलला आमचा बदला घेण्याचा कोणताही विचार नाही. सरकार आणि सेनेत काम करणाऱ्यांना माफ केलं जाईल. काबूलच्या लोकांना घाबरण्याची गरज नसल्याचं तालिबानचा प्रवक्ता म्हणाला. भीतीमुळे कुनीही देश सोडू नये, कुणाच्याही जीविताला धोका, संपत्ती आणि सम्मानाचं नुकसान केलं जाणार नाही. काबूलच्या नागरिकांच्या जीवाला धोका निर्माण होणार नाही. तालिबाननं आज सकाळी काबूल जवळील जलालाबाद वर कब्जा केला आहे. यानंतर अमेरिकेची सीएच-47 हेलिकॉप्टर अमेरिकी राजूदत कार्यालयावर उतरली आहेत.
2 / 8
काबूल व्यतिरिक्त जलालाबाद हे एकमेव मोठे शहर होते जे तालिबानच्या ताब्यातून वाचले होते. जलालाबाद हे पाकिस्तानच्या सीमेवजवळ आहे जलालाबादवर देखील तालिबान्यांनी कब्जा केला आहे. आता अफगाणिस्तानच्या केंद्र सरकारच्या अखत्यारीत असलेल्या देशाच्या 34 प्रांतीय राजधानींपैकी काबूल व्यतिरिक्त इतर फक्त सहा प्रांतीय राजधानी आहेत.
3 / 8
अमेरिकन दूतावासाच्या छताजवळ धूर दिसून आला, दोन अमेरिकन लष्करी अधिकाऱ्यांच्या मते राजनैतिक अधिकाऱ्यांनी संवेदनशील कागदपत्रे जाळल्यामुळे धूर झाला.
4 / 8
लष्कराची हेलिकॉप्टर आकाशात फिरू लागली असल्याचंही निदर्शनास आलं. दरम्यान, तालिबानने जलालाबाद ताब्यात घेतल्यानंतर काही तासांनी अमेरिकेची हेलिकॉप्टर रविवारी येथील अमेरिकन दूतावासावर उतरली आहेत. .
5 / 8
झेक प्रजासत्ताकाने अफगाणिस्तानातील कर्मचाऱ्यांना आपल्या दूतावासातून बाहेर काढण्यासाठी तयारी सुरु केलीय. झेक प्रजसत्ताकनं त्यांच्या अधिकाऱ्यांना काबूल आंतरराष्ट्रीय विमानतळावर नेले.
6 / 8
गेल्या आठवड्यात तालिबानने अफगाणिस्तानचा मोठा भाग काबीज केला होता. त्यानंतर अफगाणिस्तानच्या केंद्र सरकारवर दबाव वाढला आहे. दुसरीकडे, अमेरिका, ब्रिटन आणि कॅनडा यांनी त्यांच्या राजनैतिक कर्मचाऱ्यांच्या मदतीसाठी सैन्य पाठवले आहे.
7 / 8
एकीकडे अमेरिका आपल्या दूतावासातील कर्मचाऱ्यांना बाहेर काढण्याचे प्रयत्न तीव्र करत आहे. तर, दुसरीकडे हजारो नागरिक काबूलमधील उद्याने आणि मोकळ्या जागांमध्ये आश्रय घेत आहेत. रविवारी काबूलमध्ये शांतता होती परंतु अनेक एटीएममधून पैसे काढणे बंद करण्यात आले होते, शेकडो लोक खाजगी बँकांबाहेर जमले होते.
