गोपीनाथरावांवर आरोप झाले, तेव्हा बाळासाहेबही म्हणाले “प्यार किया तो डरना क्या?” सत्तारांकडून आठवण

औरंगाबाद : भाजपचे दिवंगत नेते गोपीनाथ मुंडे (Gopinath Munde) यांच्यावर आरोप झाले असताना शिवसेनाप्रमुख बाळासाहेब ठाकरे (Balasaheb Thackeray) यांनी केलेल्या समर्थनाचा हवाला देत शिवसेना नेते आणि राज्यमंत्री अब्दुल सत्तार (Abdul Sattar) यांनी सामाजिक न्याय मंत्री धनंजय मुंडे (Dhananjay Munde) यांची पाठराखण केली. “प्यार किया तो डरना क्या?” हे बाळासाहेबांचे शब्द आजही आपल्याला आठवत असल्याचं सत्तार म्हणाले. धनंजय मुंडे यांच्यावर बलात्काराचे आरोप झाले आहेत. (Abdul Sattar backs Dhananjay Munde remembers how Balasaheb Thackeray supported Gopinath Munde)

“काही वर्षांपूर्वी गोपीनाथ मुंडेंवरही अशाच प्रकारचे आरोप करण्यात आले होते. त्या वेळी शिवसेनाप्रमुख बाळासाहेब ठाकरे म्हणाले होते की “प्यार किया तो डरना क्या?” बाळासाहेबांचे ते शब्द मला लक्षात आहेत” असं म्हणत अब्दुल सत्तार यांनी धनंजय मुंडे यांची पाठराखण केली.

“अशा व्यक्तींची नावं जाहीर करणं उचित होणार नाही, मात्र भाजप नेतेच ज्यावेळी मला त्यांची नावं जाहीर करायला सांगतील, तेव्ही मी नावांची यादीच देईन. त्यांचीही अशाप्रकारची मूलबाळं आहेत. परंतु त्यांचे नेते जेव्हा नावं विचारतील, तेव्हा मी सांगेन. भाजपच्या अनेक नेत्यांनीही प्रतिज्ञापत्रात अपत्यं लपवली आहेत.” असा दावा अब्दुल सत्तार यांनी केला.

“धनंजय मुंडे यांनी आपलं प्रेम प्रकरण परस्पर संमतीने असल्याचं सांगितल्यामुळे भाजपने त्याला हवा देण्याची गरज नाही. कोणाच्या वैयक्तिक जीवनावर बोलून राजकारण करण्याची महाराष्ट्राची संस्कृती नाही. अशा घटना देशभरात घडत असतात. दोघांच्या संमतीने झाल्यास काही हरकत नाही. जर दोघांचे संमतीशिवाय संबंध असते, तर जरुर त्यांची चौकशी करण्याची मागणी आम्ही केली असती. पण धनंजय मुंडेंनी स्वतः याबाबत सर्व गोष्टी स्पष्ट केल्या आहेत. तसेच या संबंधांबाबत धनंजय मुंडे यांच्या मित्रापरिवाला आणि त्यांच्या कुटुंबियांना माहिती आहे” असंही अब्दुल सत्तारांनी नमूद केलं. (Abdul Sattar backs Dhananjay Munde remembers how Balasaheb Thackeray supported Gopinath Munde)

संबंधित बातम्या 

धनंजय मुंडेंवरील आरोपाचं स्वरुप गंभीर, पक्ष म्हणून विचारा करावा लागेल : शरद पवार रोखठोक

धनंजय मुंडेंनी राजीनामा दिला का? शरद पवार म्हणतात, “आरोप गंभीर…”

(Abdul Sattar backs Dhananjay Munde remembers how Balasaheb Thackeray supported Gopinath Munde)