अहमदनगर : सांगली आणि जळगाव महापालिकेत भाजपचा करेक्ट कार्यक्रम झाल्यानंतर आता अहमदनगरमध्येही भाजपला मोठा धक्का बसणार असल्याचं स्पष्ट झालंय. कारण, अहमदनगर महापालिका महापौर पदासाठी लवकरच निवडणूक लागण्याची शक्यता आहे. या पार्श्वभूमीवर शिवसेना आणि राष्ट्रवादी काँग्रेस एकत्र आल्याचं पाहायला मिळत आहे. अहमदनगर महापालिकेवर सध्या राष्ट्रवादी काँग्रेसच्या मदतीनं भाजपचा महापौर आहे. मात्र, आता शिवसेनेचा उमेदवार देण्यावर शिवसेना आणि राष्ट्रवादीच्या नेत्यांमध्ये एकमत झाल्याची माहिती मिळत आहे. (Consensus on making ShivSena mayor in Ahmednagar municipal corporation)
अहमदनगरमधील शिवसेना आणि राष्ट्रवादीच्या नेत्यांनी आज उपमुख्यमंत्री अजित पवार आणि नगरविकासमंत्री एकनाथ शिंदे यांची भेट घेतली. यावेळी राष्ट्रवादी काँग्रेसचे आमदार संग्राम जगतापही उपस्थित होते. या बैठकीत महापौर पदासाठी शिवसेनेचा उमेदवार देण्यावर एकमत झाल्याचं सांगितलं जात आहे. अहमदनगर महापालिकेतील महापौर पदाची मुदत 30 जून रोजी संपत आहे. त्यामुळे महापौर पदाची निवडणूक कधीही जाहीर होऊ शकते, अशी शक्यता व्यक्त केली जात आहे.
अहमदनगरचे महापौर पद अनुसूचित जमातीच्या महिलांसाठी राखीव असल्याने कोणाची वर्णी लागणार, याकडे लक्ष आहे. यंदा महापौर पदासाठी राज्यातील महाविकास आघाडी प्रमाणे नगरमध्ये सेना, राष्ट्रवादी आणि काँग्रेस एकत्र येणार की नवीन समीकरणे पाहायला मिळणार याची उत्सुकता लागली होती. तसंच महाविकास आघडीचं जुळणार का? असा सवालही उपस्थित केला जात होता.
रोहिणी शेंडगे- शिवसेना
रिता भाकरे- शिवसेना
शीला चव्हाण- काँगेस
रोहिणी पागीरे- राष्ट्रवादी
तर भाजपकडे उमेदवार नाही
अहमदनगर महापिकेत 68 नगरसेवक आहेत. त्यात श्रीपाद छिंदमचं पद रद्द झाल्याने सध्या 67 नगरसेवक आहेत. बहुमतासाठी 34 नगरसेवक लागणार आहेत.
शिवसेना- 23
राष्ट्रवादी-18
भाजप-15
काँग्रेस-5
बसपा-4
सपा-1
अपक्ष-2
संबंधित बातम्या :
अहमदनगरमध्ये सासऱ्याची जावयाशी युती, तिसऱ्या नंबरवरील भाजपचा महापौर
अहमदनगरमध्ये राजकीय भूकंप, सभापतीपदाच्या रिंगणातील भाजप नगरसेवक राष्ट्रवादीत
Consensus on making ShivSena mayor in Ahmednagar municipal corporation
