पवारांच्या एकेरी उल्लेखावर भडका, आता पाटील म्हणतात, पवारांनी 40 पैकी 38 गोष्टी पूर्ण केल्या !
टीकेची झोड उठल्यानंतर आता चंद्रकांत पाटील बॅकफूटवर आले आहेत. त्यांनी शरद पवार याच्याबद्दल आदरच आहे, असे म्हणत स्तुतीसुमनं उधळली आहेत. विशेष म्हणजे पवार यांनी मुख्यमंत्री असताना 40 पैकी 38 गोष्टी पूर्ण केल्या असे तोंडभकरून कौतूक केले आहे.
पुणे : भाजपचे प्रदेशाध्यक्ष चंद्रकांत पाटील यांनी राष्ट्रवादीचे अध्यक्ष शरद पवार यांचा थेट एकेरी उल्लेख केल्यानंतर वातावरण चांगलंच तापलं होतं. राष्ट्रवादीचे नेते अमोल मिटकरींपासून ते राष्ट्रवादी काँग्रेसच्या महिला प्रदेशाध्यक्ष रुपाली चाकणकर यांच्यापर्यंत सर्वच नेत्यांनी चंद्रकांत पाटील यांना लक्ष्य केलं होतं. टीकेची झोड उठल्यानंतर आता चंद्रकांत पाटील बॅकफूटवर आले आहेत. त्यांनी शरद पवार याच्याबद्दल आदरच आहे, असे म्हणत स्तुतीसुमनं उधळली आहेत. विशेष म्हणजे पवार यांनी मुख्यमंत्री असताना 40 पैकी 38 गोष्टी पूर्ण केल्या असे म्हणत चंद्रकांत पाटील यांनी त्यांचे तोंडभकरून कौतूक केले आहे.
पवार साहेबांनी 40 गोष्टी लिहून काढल्या, त्यातल्या 38 पूर्ण केल्या
“पवार साहेब विरोधक जरी असले तरी त्यांच्याबद्दल माझ्या मनात अनादर नाही. आमचा काही एकमेकांच्या बांधाला बांध नाही. उलट प्रमोद महाजन आम्हाला सांगायचे. मुख्यमंत्री होताना पवार साहेबांनी 40 गोष्टी लिहून काढल्या. त्यातल्या 38 पूर्ण केल्या,” असे चंद्रकांत पाटील म्हणाले.
माझ्या मनात पवार साहेबांबद्दल आदरच आहे
तसेच पुढे बोलताना “मी अनावधानाने जो उल्लेख झालेला आहे, त्याबद्दल काही लोक बोलत आहेत. हे राष्ट्रवादीच्या पे रोलवर आहेत. त्यांना ते म्हणावंच लागतं. माझ्या मनात पवार साहेबांबद्दल आदरच आहे. अश्या प्रकारे आपल्यापेक्षा वयाने ज्येष्ठ माणसाचा अनादर करणं आम्हाला राष्ट्रीय स्वयंसेवक संघाने, हिंदू संस्कृतीने शिकवलेले नाही,” असं स्पष्टीकरण चंद्रकांत पाटील यांनी दिलं.
चंद्रकांत पाटील नेमकं काय म्हणाले?
सांगलीमध्ये एका कार्यक्रमात कार्यकर्त्यांना मार्गदर्शन करताना चंद्रकांत पाटील यांनी शरद पवार यांच्यावर एकेरी शब्दात टीका केली होती. राज्यात शरद पवारचं आपल्याला आव्हान नाही. कारण 54 आमदाराच्या वर आम्ही त्याला जाऊ दिलं नाही. सगळं आयुष्य गेलं पण कधी 60 वर तो गेला नाही, असं वक्तव्य पाटील यांनी केलं होतं. तर देवेंद्र फडणवीस यांचं कौतुक करताना, त्यांच्या नेतृत्वाने राज्यातील राजकारणाला मोठी कलाटणी मिळाली आहे. सांगलीतील नेत्याला वाटत होतं की आमच्याशिवाय पर्याय नाही. पण भाजपा कार्यकर्त्यांनी इथं यश मिळवून दाखवलं होतं. मी कीय त्या नेत्याचं नाव घेणार नाही. माझ्यावर केसेस सुरु आहेत, मी फकीर आहे, मी काय घाबरत नाही, असं पाटील म्हणाले होते.
इतर बातम्या :
दोन वेळा रद्द झालेल्या आरोग्य विभागाची भरती परीक्षा आता 24 ऑक्टोबरला; 2 हजार 739 रिक्त पदे भरणार
Karwa Chauth 2021 : जाणून घ्या असे 5 पदार्थ जे तुमच्या सरगी आहारात असलेच पाहिजेतhttps://t.co/pnk7Zwftry#KarwaChauth2021 |#Vrat |#Diet |#Foods
— TV9 Marathi (@TV9Marathi) October 17, 2021
(bjp leader chandrakant patil appreciated ncp president sharad pawar said i have huge respect about him)
