CM Eknath Shinde : एकनाथ शिंदेंकडून शिवसेनेच्या नव्या नियुक्त्या जाहीर! कुणाकडे कोणती जबाबदारी, वाचा एका क्लिकवर

शिंदे यांच्याकडून शिवसेनेच्या (Shivsena) नव्या पदांची नियुक्ती जाहीर करण्यात आली आहे. इतकंच नाही तर शिंदे यांच्याहस्ते ही नियुक्तीपत्रंही आज देण्यात आली आहे. शिंदे यांच्याकडून कोणत्या नेत्याकडे नेमकी कोणती जबाबदारी देण्यात आली आहे, हे जाणून घेणंही तितकंच महत्वाचं आहे.

CM Eknath Shinde : एकनाथ शिंदेंकडून शिवसेनेच्या नव्या नियुक्त्या जाहीर! कुणाकडे कोणती जबाबदारी, वाचा एका क्लिकवर
एकनाथ शिंदे, उद्धव ठाकरे
Image Credit source: TV9
दिनेश दुखंडे

| Edited By: सागर जोशी

Jul 27, 2022 | 9:30 PM

मुंबई : एकनाथ शिंदे यांच्या बंडाळीनंतर उद्धव ठाकरे (Uddhav Thackeray) यांना मुख्यमंत्रीपदावरुन पायउतार व्हावं लागलं. सत्ता गेली पण आता पक्षही हातचा जातो का? खरी शिवसेना कुणाची? अशी चर्चा सध्या राजकीय वर्तुळात सुरु आहे. महत्वाची बाब म्हणजे हा वाद आता सर्वोच्च न्यायालयात पोहोचला आहे. अशास्थितीत एकनाथ शिंदे (Eknath Shinde) यांनी उद्धव ठाकरेंना अजून एक मोठा धक्का दिलाय. शिंदे यांच्याकडून शिवसेनेच्या (Shivsena) नव्या पदांची नियुक्ती जाहीर करण्यात आली आहे. इतकंच नाही तर शिंदे यांच्याहस्ते ही नियुक्तीपत्रंही आज देण्यात आली आहे. शिंदे यांच्याकडून कोणत्या नेत्याकडे नेमकी कोणती जबाबदारी देण्यात आली आहे, हे जाणून घेणंही तितकंच महत्वाचं आहे.

एकनाथ शिंदेंकडून कुणाला कोणतं पद?

>> किरण पावसकर – शिवसेना सचिव
>> संजय मोरे – शिवसेना सचिव
>> दीपक केसरकर – मुख्य प्रवक्ते
>> उदय सामंत – प्रवक्ते
>> किरण पावसकर – प्रवक्ते
>> गुलाबराव पाटील – प्रवक्ते
>> शीतल म्हात्रे – प्रवक्ते
>> डॉ. बालाजी किणीकर – खजिनदार

खरी शिवसेना कुणाची? वाद सर्वोच्च न्यायालयात

खरी शिवसेना कुणाची? असा प्रश्न निर्माण झाला असताना केंद्रीय निवडणूक आयोगाने याबाबत कागदपत्र सादर करण्याचे आदेश ठाकरे आणि शिंदेंना दिले आहेत. निवडणूक आयोगाच्या या नोटीसीविरोधात शिवसेनेकडून सर्वोच्च न्यायालयात याचिका दाखल केली होती. ती याचिका सर्वोच्च न्यायालयाने स्वीकारली आहे. यावर आता 1 ऑगस्टला सरन्यायाधीश एन. व्ही. रमण्णा यांच्या खंडपीठासमोर सुनावणी होणार आहे.

‘रामदास कदम नावाची तोफ पुन्हा पक्षबांधणीसाठी मैदानात यावी’

माजी मंत्री रामदास कदम यांच्या वाढदिवसानिमित्त मुख्यमंत्री एकनाथ शिंदे यांनी त्यांच्या कांदिवली येथील निवासस्थानी भेटून शुभेच्छा दिल्या. राज्यात युतीचे सरकार स्थापन झाल्यानंतर मुख्यमंत्र्यांच्या उपस्थितीत ट्रायडन्ट हॉटेलमध्ये पार पडलेल्या बैठकीत त्यांनी रामदास कदम यांची शिवसेना पक्षाच्या नेतेपदी निवड केल्याचे जाहीर केले होते. त्यानंतर रामदास कदम यांनी घेतलेल्या पत्रकार परिषदेत त्यांनी त्यांची भूमिका स्पष्ट केली होती.

Eknath Shinde and Ramdas Kadam

मुख्यमंत्री एकनाथ शिंदेंकडून रामदास कदमांना वाढदिवसाच्या शुभेच्छा

शिवसेनेचा भगवा मंत्रालयावर डौलाने फडकत असतानाच रामदास कदम नावाची मुलुखमैदान तोफ पुन्हा एकदा पक्षबांधणीसाठी मैदानात यावी अशी अपेक्षा यावेळी मुख्यमंत्री शिंदे यांनी व्यक्त केली. आपल्या राजकीय आयुष्याची ही इनिंग रामदास कदम यांनी पुन्हा त्याच जोशाने सुरु करावी याच शुभेच्छा त्यांनी यावेळी कदम यांना दिल्या. यावेळी रामदास कदम यांचे दोन्ही सुपुत्र आमदार योगेश कदम आणि सिद्धेश कदम, आमदार बालाजी कल्याणकर आणि कदम कुटुंबीय उपस्थित होते.


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें