AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

गुणवंत विद्यार्थ्यांना जागतिक व्यासपीठ उपलब्ध करून देणार, धनंजय मुंडेंची ग्वाही; भावी अधिकाऱ्यांना दिला कानमंत्र!

गुणवान विद्यार्थ्यांना जागतिक व्यासपीठ विभागाच्या माध्यमातून उपलब्ध करून देणार असल्याची माहिती सामाजिक न्याय मंत्री धनंजय मुंडे यांनी दिली. सामाजिक न्याय विभागाच्या डॉ. बाबासाहेब आंबेडकर संशोधन व प्रशिक्षण संस्थेच्या वतीने आयोजित यूपीएससी व एमपीएससी परीक्षेतील गुणवंत विद्यार्थ्यांच्या गुणगौरव कार्यक्रमावेळी त्यांनी आपले मत व्यक्त केले.

गुणवंत विद्यार्थ्यांना जागतिक व्यासपीठ उपलब्ध करून देणार, धनंजय मुंडेंची ग्वाही; भावी अधिकाऱ्यांना दिला कानमंत्र!
धनंजय मुंडे यांच्या हस्ते गुणवंत विद्यार्थ्यांचा सत्कार
| Edited By: sagar joshi | Updated on: Oct 30, 2021 | 5:29 PM
Share

पुणे : राज्याचा सामाजिक न्याय विभाग अनुसूचित जाती व नवबौद्ध घटकातील विद्यार्थ्यांच्या सर्वांगीण विकासासाठी कटिबद्ध आहे. गुणवान विद्यार्थ्यांना जागतिक व्यासपीठ विभागाच्या माध्यमातून उपलब्ध करून देणार असल्याची माहिती सामाजिक न्याय मंत्री धनंजय मुंडे यांनी दिली. सामाजिक न्याय विभागाच्या डॉ. बाबासाहेब आंबेडकर संशोधन व प्रशिक्षण संस्थेच्या वतीने आयोजित यूपीएससी व एमपीएससी परीक्षेतील गुणवंत विद्यार्थ्यांच्या गुणगौरव कार्यक्रमावेळी त्यांनी आपले मत व्यक्त केले. (Dhananjay Munde felicitates meritorious students of MPSC and UPSC examinations in Pune)

बार्टीच्या प्रशिक्षणाचा लाभ घेऊन यूपीएससी व एमपीएससी परीक्षेमध्ये यश मिळवलेले विद्यार्थी निश्चितच कौतुकास्पद आहे. सर्व विद्यार्थ्यांचे विभागाच्या वतीने अभिनंदन करतो. त्यांनी मिळवलेले यश हे समाजातील विद्यार्थ्यांसाठी निश्चितच प्रेरणादायी आहे. भविष्यात देशभरात अधिकारी म्हणून उच्च पदावर काम करताना देशाच्या हितासाठी आपण योगदान देऊ शकलो तर आपल्या कामाचे चीज झाले असे समजा, असा कानमंत्र धनंजय मुंडे यांनी यावेळी उपस्थित भावी अधिकाऱ्यांना दिला.

‘गुणवान विद्यार्थ्यांची सर्वांगीण प्रगती हेच लक्ष’

शासनाच्या वतीने विद्यार्थ्यांच्या हिताचे अनेक महत्त्वपूर्ण निर्णय घेतले जात असले तरी जागतिकीकरणाच्या युगात झालेल्या प्रचंड स्पर्धेत आपल्या देशाचे- राज्याचे विद्यार्थी कुठेही कमी नाहीत. मात्र, आर्थिक परिस्थितीमुळे कोणाची संधी हिरावून घेतली जाता कामा नये हे देखील महत्वाचे असल्याचे त्यांनी सांगितले. तसंच सर्व गुणवान विद्यार्थ्यांची सर्वांगीण प्रगती हेच विभागाचे लक्ष असल्याचे मुंडे यांनी यावेळी नमूद केले.

पुणे जिल्हाधिकारी कार्यालयाच्या सभागृहात झालेल्या या कार्यक्रमाच्या प्रसंगी समाज कल्याण विभागाचे आयुक्त डॉ. प्रशांत नारनवरे, डॉ. बाबासाहेब आंबेडकर संशोधन व प्रशिक्षण संस्थेचे महासंचालक धम्मज्योती गजभिये यांच्यासह केंद्रीय लोकसेवा आयोगाच्या परीक्षा उत्तीर्ण झालेले तसेच महाराष्ट्र लोकसेवा आयोगाच्या परीक्षेत उत्तीर्ण झालेले विद्यार्थ्यांनी मोठ्या संख्येने यावेळी उपस्थित होते.

वसतीगृह आणि संशोधन केंद्र निर्मितीचं आश्वासन

पुणे हे विद्येचे माहेरघर असल्याने पुण्यात पालकमंत्री अजित पवार, खासदार सुप्रिया सुळे यांच्या मार्गदर्शनाखाली जागतिक दर्जाच्या सोयी सुविधा असलेले मुला-मुलींचे वसतिगृह उभारणार. त्याचबरोबर जागतिक स्तरावरील संशोधन केंद्र निर्माण करण्यात येणार असल्याची माहिती यावेळी मुंडे यांनी दिली. नासा मध्ये शिक्षण घेत असलेल्या तेजस्विनी शिंदे या विद्यार्थिनीचे उदाहरण देत निश्चितच असे विद्यार्थी पुढे देशाचे व राज्याचे नाव उज्वल करतील अशी आशाही त्यांनी व्यक्त केली आहे.

इतर बातम्या :

Video : राहुल गांधी गोवा विधानसभेच्या मैदानात, पणजी ते फोंडा दुचाकी टॅक्सीवरुन खास प्रवास!

राष्ट्रवादीनं ‘त्या’ 22 नगरसेवकांची यादी जाहीर करावी, भाजपचं आव्हान; कलानींचं स्पष्टीकरण काय?

Dhananjay Munde felicitates meritorious students of MPSC and UPSC examinations in Pune

Follow Us
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला