राजकारणातील परस्पर विरोधी चित्र; आधी फेटा बांधला, आता राम शिंदे, रोहित पवारांनी एकमेकांकडे पाहिलंही नाही!

अहमदनगर : कर्जत नगर पंचायत निवडणुकीच्या पार्श्वभूमीवर माजी मंत्री राम शिंदे (Ram Shinde) आणि आमदार रोहित पवार (Rohit Pawar) यांच्यात जोरदार राजकारण पाहायला मिळत आहे. उमेदवारी अर्ज मागे घेण्याच्या शेवटच्या दिवशी रोहित पवार यांच्या खेळीनं राम शिंदेंना मोठा झटका बसल्याचं पाहायला मिळत आहे. रोहित पवार यांनी दबाव टाकून ऐनवेळी भाजपच्या उमेदवारांनी आपला अर्ज मागे घेण्यासाठी दबाव टाकल्याचा आरोप करत राम शिंदे यांनी संत शिरोमणी गोदड महाराज मंदिरासमोर ठिय्या आंदोलनाला बसले आहेत. अशावेळी रोहित पवार यांनीही दर्शनासाठी मंदिरात हजेरी लावली. पण यावेळी दोन्ही नेत्यांनी एकमेकांकडे साधं पाहिलंही नाही. या पार्श्वभूमीवर आम्ही तुम्हाला राजकारणातील परस्पर विरोधी चित्र इथं दाखवणार आहोत.

कर्जत नगरपंचायत निवडणुकीची रणधुमाळी सध्या सुरु आहे. सोमवारी उमेदवारी अर्ज मागे घेण्याची शेवटची तारीख होती. अशावेळी राम शिंदे यांना मोठा धक्का बसला. रोहित पवार यांच्या खेळीमुळे भाजप शहराध्यक्ष वैभव शहा यांची पत्नी राखी शहा यांच्यासह नीता कचरे, पूजा कचरे, नजमा बागवान, सुनंदा पिसाळ या भाजप उमेदवारांनी आपला उमेदवारी अर्ज मागे घेतला. भाजपच्या उमेदवारांवर दबाव आणून त्यांना अर्ज मागे घ्यायला लावला जात असल्याचा आरोप राम शिंदे यांनी केला आहे. यावरुन शिंदे आणि निवडणूक अधिकारी यांच्या शाब्दिक चकमकही झाली. त्यानंतर शिंदे यांनी कर्जतचं ग्रामदैवत असलेल्या गोधड महाराजांच्या मंदिरासमोर ठिय्या आंदोलन सुरु केलं.

राम शिंदे आणि रोहित पवारांनी एकमेकांकडे पाहणं टाळलं

रोहित पवार आणि राम शिंदेंनी एकमेकांकडे पाहणं टाळलं!

राम शिंदे हे आपल्या समर्थकांसह मंदिराच्या प्रवेशद्वाराजवळ असलेल्या चौथऱ्यावरच ठिय्या आंदोलनाला बसले आहेत. शिंदे यांच्या आंदोलनाच्या दुसऱ्या दिवशी आमदार रोहित पवारही गोधड महाराज मंदिरात दर्शनासाठी दाखल झाले. यावेळी मंदिरात जाताना आणि दर्शन घेऊन येत असताना रोहित पवार यांनी शिंदे यांच्याकडे पाहिलंही नाही. तर शिंदे यांनीही रोहित पवारांकडे पाहणं टाळलं. त्यानंतर शिंदे यांच्या नेतृत्वात तहसील कार्यालयावर मोर्चाही काढण्यात आला. विधानसभा निवडणुकीनंतर शिंदे आणि पवार यांच्याकडून कुरघोडीचं राजकारण सुरुच आहे. आता कर्जत नगर पंचायत निवडणुकीच्या पार्श्वभूमीवर हे राजकारण अधिक तापलेलं दिसत आहे.

राम शिंदे आणि रोहित पवारांनी एकमेकांकडे पाहणं टाळलं

राम शिंदेंनी रोहित पवारांना फेटा बांधला होता

दरम्यान, विधानसभा निवडणुकीत राम शिंदे यांचा पराभव झाल्यानंतर कर्जत-जामखेडमध्ये राष्ट्रवादी काँग्रेसच्या कार्यकर्त्यांनी एकच जल्लोष केला होता. निवडणुकीदरम्यान जोरदार आरोप-प्रत्यारोप आणि टीकाटिप्पणी झाली. मात्र, निकालानंतर रोहित पवार यांनी थेट राम शिंदे यांचं घर गाठलं होतं. त्यावेळी शिंदे यांनीही रोहित पवारांचं स्वागत करत, विजयाबद्दल त्यांचं अभिनंदन केलं होतं. इतकंच नाही तर शिंदे यांनी स्वत: रोहित पवारांना फेटा बांधला होता. तर रोहित पवारांनी शिंदे यांच्या आईंचे आशीर्वाद घेतले होते. त्यावेळी राजकारणातील हे दुर्लभ चित्र पाहून राज्यभरात रोहित पवार आणि राम शिंदे यांचं कौतुक झालं होतं. मात्र, विधानसभा निवडणुक निकालाचा दिवस ते आजचा दिवस पाहिला तर राजकारणातील परस्परविरोधी चित्र आज कर्जतमध्ये पाहायला मिळालं.

राम शिंदे आणि रोहित पवारांचा विधानसभा निवडणूक निकालानंतरचा फोटो

इतर बातम्या :

St worker strike : कामावर हजर न राहिलेल्या एसटी कर्मचाऱ्यांच्या बडतर्फ प्रक्रियेला सुरुवात-सूत्र

कोरेगाव भीमाच्या विकासाठी 100 कोटी, शौर्य दिनाचा कार्यक्रम राज्य सरकार पार पाडणार; धनंजय मुंडेंची मोठी घोषणा