मीरा भाईंदर महापौर निवडणूक : काँग्रेस नगरसेविका स्ट्रेचरवरुन महापालिकेत

मीरा भाईंदर : मीरा भाईंदर महापालिकेच्या महापौर आणि उपमहापौरपदासाठी मतदान होत आहे. सत्ताधारी भाजपसमोर महाविकास आघाडीचं कडवं आव्हान आहे. आजारी असलेल्या काँग्रेस नगरसेविका उमा सपार थेट रुग्णालयातून महापालिकेत आल्या.(Mira Bhaindar Corporator on Stretcher)

काँग्रेस नगरसेविका उमा सपार आजारी असल्यामुळे गेल्या काही दिवसांपासून खाजगी रुग्णालयात उपचार घेत होत्या. मात्र महापौर आणि उपमहापौरपदाच्या निवडणुकीत प्रत्येक मत महत्त्वाचं असल्यामुळे सपार मतदानासाठी रुग्णालयातून महापालिकेत दाखल झाल्या. रुग्णवाहिकेने हॉस्पिटलपासून महापालिकेपर्यंतचा प्रवास केल्यानंतर त्यांना स्ट्रेचरमधून खाली उतरवण्यात आलं. त्यानंतर व्हिलचेअरवर बसवून त्यांना महापालिकेत नेण्यात आलं.

हेही वाचा : मीरा भाईंदर महापौर निवडणूक : सत्ताधारी भाजप जिंकणार की शिवसेना चमत्कार करणार?

मीरा भाईंदर महापौरपदासाठी भाजपकडून ज्योत्स्ना हसनाळे, तर महाविकास आघाडीकडून शिवसेनेच्या अनंत शिर्के यांनी अर्ज दाखल केले आहेत. उपमहापौरपदासाठी भाजपकडून मदन सिंह, तर ‘मविआ’तर्फे मर्लिन डिसा रिंगणात आहेत.

मीरा भाईंदर महापालिकेत भाजपकडे 61 नगरसेवकांचं संख्याबळ आहे. शिवसेनकडे 22, काँग्रेसकडे 12 नगरसेवक आहे. बहुमताचा आकडा 48 असल्यामुळे सत्ताधारी भाजपचं पारडं जड आहे.

महापौरपदावरुन भाजपमध्ये गटबाजी असल्याचं पाहायला मिळालं होतं. भाजपचे माजी आमदार नरेंद्र मेहता आणि विद्यमान आमदार गीता जैन या दोघांच्या गटात रस्सीखेच होती. मेहता गटाचा भाजप उमेदवार ज्योती हसनाळेंना पाठिंबा आहे. परंतु भाजपमधील 14 नगरसेवक गीता जैन यांच्या पाठीशी असल्याचं बोललं जातं. महापौर निवडणुकीत चमत्कार घडवणार, असा दावा शिवसेना आमदार प्रताप सरनाईक यांनी केला आहे.

मीरा भाईंदर महापालिकेत मेहता समर्थक ज्योती हसनाळे भाजपच्या महापौर होणार हे निश्चित आहे. परंतु गीता जैन, शिवसेना आणि काँग्रेस एकत्र आले, तर शिवसेनेचा महापौर होण्याची शक्यता नाकारता येत नाही

मीरा भाईंदर महापौर निवडणूक : सत्ताधारी भाजप जिंकणार की काँग्रेसच्या साथीने शिवसेना चमत्कार करणार? https://t.co/6PvqRX3290

— TV9 Marathi (@TV9Marathi) February 26, 2020

Mira Bhaindar Corporator on Stretcher