50 खोक्यांसाठी आपला आत्मा विकलेल्यांनी मी कशी दिसते हे सांगू नये; प्रियांका चतुर्वेदी यांनी संजय शिरसाट यांना खडसावलं
Priyanka Chaturvedi on Sanjay Shirsat : सौंदर्यामुळे खासदारकी मिळाल्याचा संजय शिरसाट यांच्या दाव्यावर प्रियांका चतुर्वेदी उत्तरल्या; म्हणाल्या...
मुंबई | 31 जुलै 2023 : सौंदर्यांमुळे प्रियांका चतुर्वेदी या सौंदर्यामुळे राज्यसभा खासदार झाल्या, असं धक्कादायसक वक्तव्य शिंदे गटाचे आमदार संजय शिरसाट यांनी केलं. संजय शिरसाट यांच्या या टीकेला शिवसेना ठाकरे गटाच्या राज्यसभेच्या खासदार प्रियांका चतुर्वेदी यांनी जोरदार प्रत्युत्तर दिलं आहे. 50 खोक्यांसाठी आपला आत्मा विकलेल्यांनी मी कशी दिसते हे सांगू नये, असं म्हणत प्रियांका चतुर्वेदी यांनी संजय शिरसाट यांना खडसावलं आहे.
प्रियांका चतुर्वेदी यांनी ट्विट करत संजय शिरसाट यांच्या वक्तव्याला उत्तर दिलं आहे. संजय शिरसाट यांचे महिलांबाबतचे विचार यातून दिसून येतात, असं प्रियांका चतुर्वेदी यांनी म्हटलं आहे.
प्रियांका चतुर्वेदी यांचं ट्विट
मी कशी दिसते आणि मी जिथे आहे तिथे का आहे, हे मला एका गद्दार व्यक्तीने सांगायची गरज नाही. ज्याने 50 खोक्यांसाठी आपला आत्मा आणि प्रामाणिकपणा विकला.
संजय शिरसाट हे राजकारण आणि महिलांबद्दलच्या त्यांच्या विचारांमधील व्यापक आजाराचे एक उत्तम उदाहरण आहे. ते त्यांच्या टिप्पण्यांमधून स्वतःचे असभ्य चारित्र्य निश्चितपणे प्रदर्शित करतात, यात आश्चर्य नाही की भाजपने त्यांना त्यांच्यासोबत ठेवले आहे.
मी कशी दिसते आणि मी जिथे आहे तिथे का आहे हे मला एका गद्दार व्यक्तीने सांगायची गरज नाही, ज्याने 50 खोक्यांसाठी आपला आत्मा आणि प्रामाणिकपणा विकला.
संजय शिरसाट हे राजकारण आणि महिलांबद्दलच्या त्यांच्या विचारांमधील व्यापक आजाराचे एक उत्तम उदाहरण आहे, ते त्यांच्या टिप्पण्यांमधून…
— Priyanka Chaturvedi?? (@priyankac19) July 30, 2023
परवा दिवशी ठाकरे गटाचा उत्तर भारतीयांसाठीचा मेळावा पार पडला. या मेळाव्यात प्रियांका चतुर्वेदी यांनी जोरदार भाषण केलं. या भाषणातून प्रियांका यांनी शिंदे गटावर जोरदार शाब्दिक हल्ला चढवला. गद्दारांना माफी नाही, असं प्रियंका चतुर्वेदी यांनी ठणकावून सांगितलं. त्याला उत्तर देताना संजय शिरसाट यांनी धक्कादायक वक्तव्य केलं.
संजय शिरसाट काय म्हणाले होते?
प्रियांका चतुर्वेदी या मुळात काँग्रेसमधून गद्दारी करून शिवसेनेत आल्या आहेत आणि आता त्या आम्हाला गद्दार म्हणत आहे. प्रियंका चतुर्वेदी यांचं सौंदर्य पाहू आदित्य ठाकरे यांनी त्यांना राज्यसभा सदस्य केलं, असं चंद्रकांत खैरेच म्हणाले होते, असं संजय शिरसाट म्हणाले. प्रियांका चतुर्वेदी यांनी आम्हाला गद्दार म्हणावं हा मोठा जोक आहे, असंही संजय शिरसाट म्हणाले.
संजय शिरसाट यांच्या या वक्तव्यानंतर राजकारणातील महिला वर्गाकडून नाराजीचा सूर आला. तर ठाकरे गटाचे नेते आदित्य ठाकरे यांनीही या टीकेला उत्तर दिलं. सडक्या विचारांचे लोकं अजूनही राजकारणात कसे?, असा सवाल आदित्य यांनी केला.
