NMC Election 2022: नागपूर महानगरपालिकेच्या प्रभाग क्र. 47 भाजपचे लक्ष केंद्रित; या वॉर्डात होणार काटे की टक्कर….

नागपूरः नागपूर महानगरपालिका (Nagpur Municipal Corporation) ही भाजपचा बालेकिल्ला समजला जातो, सध्याचे उपमुख्यमंत्री देवेंद्र फडणवीस यांच्यासाठी राजकीय नागपूर हे होम ग्राऊंड असल्यामुळे आगामी निवडणुकीत भाजपचाच वरचष्मा असणार की, मविआ पॅटर्न इथे राबविला जाणार हे अजून निश्चित झालं नसलं तरी येत्या महानगरपालिकेच्या निवडणुकींवर सगळ्यांच्याच नजरा लागून राहिल्या आहेत. नागपूर महानगरपालिकेच्या प्रभाग क्र. 47 (Ward No. 47) मध्ये नेमकी परिस्थिती काय होणार ते आता राजकीय पक्षांचे उमेदवार जाहीर झाल्यानंतर समजणार आहे. महानगरपालिकेच्या प्रभागांचे आरक्षण जाहीर झाल्यानंतर स्थानिक पातळीवरचे राजकारण बदलणार आहे, त्यामुळे पक्षाची भूमिका आणि आरक्षण जाहीर झालेल्या प्रभागामधील राजकीय नेतेमंडळीवरच येथील निकाल अवलंबून असणार आहे.नागपूर महानगरपालिका उपमुख्यमंंत्री देवेंद्र फडणवीस (Deputy Chief Minister Devendra Fadnavis) यांच्या प्रभावाखाली असल्याने आता देवेंद्र फडणवीस यांचीही विजयासाठी कसोटी लागणार आहे. कारण मागील निवडणुकीत राजकीय गणितं वेगळी असली तरी आता मात्र शिंदे आणि फडणवीस गट स्वतंत्र राजकीय भूमिका घेणारा गट असल्याने त्याचा प्रभाव या महानगरपालिका निवडणुकांव असणार आहे.

आरक्षणामुळे होणार काटे टक्कर

नागपूर महानगरपालिकेच्या प्रभाग क्र. 47 मध्ये आता आरक्षण जाहीर झाल्याने आगामी काळातील निवडणुकांवर याचा परिणाम होणार आहे. त्यामुळे येत्या निवडणुकीत आरक्षणामुळे लॉटरी लागली आहे तर कुणाला आपली उमेदवारी टिकवून ठेवण्यासाठी मोठी कसरत करावी लागणार आहे. प्रभाग क्र. 47 मध्ये सर्वसाधारण महिला आणि दोन प्रभाग सर्वसाधारण गटासाठी आरक्षित झाले आहेत, त्यामुळे आता येथे उमेदवारांची कस लागणार आहे.

प्रभाग क्र. 47 कुठपासून कुठपर्यंत

नागपूर महानगरपालिकेच्या प्रभाग क्र. 47 मधील लोकसंख्या आहे 42893 त्यामधील अनुसूचित जातीची लोकसंख्या आहे 3410 तर अनुसूचित जमातीची लोकसंख्या आहे 1917 एवढी. हा प्रभाग महालक्ष्मीनगर, लाडीकर लेआऊट, जम्बुदीपनगर, अंबिकानगर, अयोध्यानगर, श्रीरामनगर, न्यू सुभेदार लेआऊट, न्यू बिडीपेठ, गांधीनगर आहे उत्तर तर मानेवाडा सिमेंट रोडवरील ज्ञानेश्वरनगर गेटपासून पूर्वेकडे जाणाऱ्या रस्त्याने डायमंड जेन्टस पार्लरजवळील नागोबा मंदिर चौकापर्यंत (इ. पो. क्र. एसएन-6 नंतर पुढे उत्तरेकडे जाणाऱ्या रस्त्याने शारदा चौकापर्यंत नंतर पुढे पूर्वेकडे जाणाऱ्या सिमेंट रस्त्याने लांजेवार सायकल स्टोअर्सपर्यंत नंतर पुढे दक्षिणेकडे जाणाऱ्या सिमेंट रस्त्याने अपेक्षा इलेक्ट्रॉनिक्स अयोध्यानगर टी-पॉईटपर्यंत.

पुढे आग्नेय दिशेकडे जाणाऱ्या रस्त्याने बसवेश्वर पुतळ्याजवळील संतोषी सदनपर्यंत नंतर पुढे ईशान्य दिशेकडे जाणाऱ्या सिमेंट रोडने शैला हार्डवेअर कॉर्पोरेशनपर्यंत नंतर पुढे दक्षिणेकडे जाणाऱ्या रस्त्याने श्री तुलेशकुमार दष्कत, शारदा निवास यांच्या घरापर्यंत नंतर पुढे ईशान्य दिशेकडे जाणाऱ्या रस्त्याने दुर्गा माता मंदिरपर्यंत, तर पूर्व भागात दुर्गामाता मंदिरापासून दक्षिणेकडे जाणाऱ्या रस्त्याने गुरू छाया होमिओ क्लिनीक नंतर पुढे त्याच रस्त्याने शिवाजी पुतळ्यापर्यंत नंतर पुढे आग्नेय दिशेकडे जाणाऱ्या रस्त्याने तरुण पॅलेसपर्यंत नंतर पुढे नैऋत्य दिशेकडे जाणाऱ्या रस्त्याने आदित्य अनघा क्रेडिट को-ऑपरेटीव्ह सोसायटीजवळ हुडकेश्वर रोडवरील संत तुकाराम महाराज चौकापर्यंत नंतर पुढे आग्नेय दिशेकडे जाणाऱ्या हुडकेश्वर सिमेंट रोडने रिंगरोडवरील म्हाळगीनग चौकापर्यंत तर दक्षिणमध्ये रिंग रोडवरील म्हाळगीनगर चौकापासून पश्चिमेकडे जाणाऱ्या रिंगरोडने मानेवाडा चौकापर्यंत आहे, पश्चिम भागात रिंगरोडवरील मानेवाडा चौकापासून उत्तरेकडे जाणाऱ्या मानेवाडा सिमेंट रोडने मानेवाडा सिमेंट रोड जवळील ज्ञानेश्वरनगर प्रवेशद्वारापर्यंत. येतो.