खेळाडूंच्या भविष्याचा ट्रॅक मंत्र्यांनी गाडी घालून उद्ध्वस्त करणं निषेधार्ह, प्रविण दरेकर यांचा हल्लाबोल

खेळाडूंच्या भविष्याचा ट्रॅक उद्ध्वस्त करत आहेत, त्यांची ही कृती निषेधार्ह आहे, अशी टीका विधान परिषद विरोधी पक्षनेते प्रविण दरेकर यांनी केली.

खेळाडूंच्या भविष्याचा ट्रॅक मंत्र्यांनी गाडी घालून उद्ध्वस्त करणं निषेधार्ह, प्रविण दरेकर यांचा हल्लाबोल
प्रवीण दरेकर, विरोधी पक्षनेते, महाराष्ट्र विधान परिषद
Follow us
| Updated on: Jun 29, 2021 | 4:36 AM

मुंबई : “राज्यातील क्रिडा संकुलांची देखभाल नीट करण्याची गरज असताना महाविकास आघाडी मधील नेते व मंत्री पुणे येथील शिवछत्रपति क्रिडा संकुलातील रेस ट्रॅकवर गाड्या उभ्या करून खेळाडूंच्या भविष्याचा ट्रॅक उद्ध्वस्त करत आहेत, त्यांची ही कृती निषेधार्ह आहे,” अशी टीका विधान परिषद विरोधी पक्षनेते प्रविण दरेकर यांनी केली. पुण्यातील शिवछत्रपती क्रिडा संकुलात धावपटूंसाठी तयार केलेल्या रेस ट्रॅकवर व्हीव्हीआयपी गाड्या उभ्या करण्यावरुन भाजपकडून टीकेची झोड उठली आहे.

प्रविण दरेकर म्हणाले, “राज्यात अगोदरपासूनच क्रीडा सुविधा कमी आहेत त्यामुळे त्या ट्रॅकची नासधूस करू नये. रेस ट्रॅकवर व्हीव्हीआयपी गाड्या आणताना काळजी घेण्याची आवश्यकता होती. महाराष्ट्रात स्पोर्ट्सचं वैभव आहे. त्या ट्रॅकवर स्पर्धक ऑलिंपिकसाठी सराव करतात, स्वतःचे आणि देशाचे भविष्य घडवत असतो. महाविकास आघाडी सरकारकडून एक दीड वर्षात स्पोर्ट्सला चालना देण्यात आली नाही. ट्रॅकवरून गाड्या नेणे म्हणजे खेळाडूंसाठींच्या पवित्र वास्तुचा अवमान करण्यासारखं आहे. त्यामुळे यांचा मी निषेध व्यक्त करतो अशी प्रतिक्रिया दरेकर यांनी दिली.”

“अधिवेशनापासून सरकारचा पळपुटेपणा”

कोरोना आटोक्यात येत असून राज्यातील लॉकडाउन शिथिल करण्याची आवश्यकता आहे. परंतु कोरोनाचे कारण पुढे करत अधिवेशन केवळ 2 दिवस ठेवण्याचा प्रयत्न राज्यसरकार करत आहे. अधिवेशन आलं की कोरोना वाढतो,राज्यातील निर्बंध वाढतात त्यामुळे अधिवेशनापासून काढलेला चक्क पळपुटेपणा असून पुनः निर्बंध लादण्याचा प्रयत्न राज्य सरकार करत आहे, अशी टीका विधान परिषद विरोधी पक्षनेते प्रविण दरेकर यांनी राज्यसरकारवर केली.

दरेकर म्हणाले, मराठा आरक्षण, लॉकडाउन, ओबीसी आरक्षण अशा अनेक विषयांवर सरकारबद्दल नागरिकांमध्ये आक्रोश निर्माण झाला आहे. लोक त्रस्त झाली असून रस्त्यावर उतरून आंदोलन करत आहे, परंतु सकारात्मक विचार न करता हे सरकार मात्र अधिवेशनापासून पळ काढण्याचा प्रयत्न करत असल्याची टीका दरेकर यांनी यावेळी केली.

शालेय शिक्षणाचा बोजवारा

राज्यसरकार निर्णय घेत असताना कोणत्याही गोष्टीचा विचार करत नाही. शालेय विद्यार्थ्यांना पास करण्याचा निर्णय राज्यसरकार एकाबाजूला घेत असताना दुसरीकडे शाळेची फी भरली गेली नाही तर आम्ही पास करणार करणार नसल्याचा दावा अनेक संस्थाचालक, शाळा करत आहे.

राज्यसरकार शालेय फी च्या बाबतीत निर्बंध लादत आहे मात्र शाळा त्या निर्बंधाना पायंदळी तुडवत आहे. फी भरली गेली नसल्यामुळे मुलांना ऑनलाइन शिक्षण दिले जात नाही, मुलांना शाळेत प्रवेश न देण्यासाठी अनेक शाळांमध्ये गेट बंद करण्यात येत आहे. या सर्व गोष्टींचा त्रास मात्र पालक आणि विद्यार्थ्यांना होत आहे. सरकार नियम बनवत असले तरी ते नियम शाळा किंवा प्रशासन मानायला तयार नाहीत. त्यामुळे शाळा, संस्थाचालक, राज्यसरकार मध्ये समन्वय नसल्याचे दिसून येत आहे. फी च्या संदर्भात राज्यसरकारने समन्वय साधावा. अन्यथा प्रत्येक शाळेमध्ये आंदोलन बघायला मिळेल.महाविकास आघाडी सरकारप्रमाणे शाळेमध्येही गोंधळ सुरू होण्याची वाट सरकार बघत आहे का ? असा सवाल दरेकर यांनी यावेळी केला.

हेही वाचा :

आंतरराष्ट्रीय दर्जाच्या सिंथेटिक ट्रॅकवर नेत्यांनी गाड्या घातल्या! माफी मागा, भाजप आमदाराची मागणी

Pune VVIP Car Park | शरद पवार साहेबांच्या पायाच्या त्रासामुळे गाड्या रेस ट्रॅकवर, क्रीडा आयुक्तांचं स्पष्टीकरण

व्हिडीओ पाहा :

Pravin Darekar criticize MVA government over minister cars on synthetic track in Pune

Non Stop LIVE Update
केंद्राच्या कांदा निर्यातबंदीने यंदा झाले तब्बल आठ लाख मे. टनचे नुकसान
केंद्राच्या कांदा निर्यातबंदीने यंदा झाले तब्बल आठ लाख मे. टनचे नुकसान.
मुंबई ते नाशिक महामार्गाची अक्षरश : चाळण, खड्ड्यांमुळे वाहतूक कोंडी
मुंबई ते नाशिक महामार्गाची अक्षरश : चाळण, खड्ड्यांमुळे वाहतूक कोंडी.
ताम्हिणी घाटात 24 तासात तब्बल 556 मिमी पाऊस, पश्चिम घाटात अतिवृष्टी
ताम्हिणी घाटात 24 तासात तब्बल 556 मिमी पाऊस, पश्चिम घाटात अतिवृष्टी.
पुण्यात पावसाचा कहर, 18 वर्षांनंतर आळंदीला जोडणारा पुल पाण्याखाली...
पुण्यात पावसाचा कहर, 18 वर्षांनंतर आळंदीला जोडणारा पुल पाण्याखाली....
बदलापूरात NDRF चे पथक दाखल, उल्हासनदीने धोक्याची पातळी ओलांडली...
बदलापूरात NDRF चे पथक दाखल, उल्हासनदीने धोक्याची पातळी ओलांडली....
'लाडकी बहीण लाडका भाऊ एकत्र आले असते तर...,' काय म्हणाले राज ठाकरे
'लाडकी बहीण लाडका भाऊ एकत्र आले असते तर...,' काय म्हणाले राज ठाकरे.
'मोठ्याने घोषणा केली म्हणजे तुम्हाला...,' काय म्हणाले राज ठाकरे
'मोठ्याने घोषणा केली म्हणजे तुम्हाला...,' काय म्हणाले राज ठाकरे.
आपल्याकडे असं वातावरण असताना आपण धू धू धुतोय...,'काय म्हणाले राज ठाकरे
आपल्याकडे असं वातावरण असताना आपण धू धू धुतोय...,'काय म्हणाले राज ठाकरे.
मुंबईत पावसाचे धुमशान, मांटुग्यात रस्ता पाण्याखाली; पालिका प्रशासन फेल
मुंबईत पावसाचे धुमशान, मांटुग्यात रस्ता पाण्याखाली; पालिका प्रशासन फेल.
म्हणून सकाळी धरणाचं पाणी सोडण्याचा निर्णय घेतला; अजित पवार यांचं विधान
म्हणून सकाळी धरणाचं पाणी सोडण्याचा निर्णय घेतला; अजित पवार यांचं विधान.