राज ठाकरेंची धडाकेबाज एण्ट्री, सलामीलाच विधानसभेचे दोन उमेदवार जाहीर

मनसे अध्यक्ष राज ठाकरे यांनी महाराष्ट्र नवनिर्माण सेना (MNS candidates ) विधानसभेच्या रिंगणात उतरणार असल्याची घोषणा केली. इतकेच नाही तर राज ठाकरेंनी (Raj Thackeray) आज मनसेचे (MNS candidates ) दोन उमेदवारही जाहीर केले.

राज ठाकरेंची धडाकेबाज एण्ट्री, सलामीलाच विधानसभेचे दोन उमेदवार जाहीर

मुंबई : मनसे अध्यक्ष राज ठाकरे यांनी महाराष्ट्र नवनिर्माण सेना (MNS candidates ) विधानसभेच्या रिंगणात उतरणार असल्याची घोषणा केली. इतकेच नाही तर राज ठाकरेंनी (Raj Thackeray) आज मनसेचे (MNS candidates ) दोन उमेदवारही जाहीर केले. मंत्रालयात आत्महत्या केलेले धर्मा पाटील यांचे सुपुत्र नरेंद्र पाटील (Dharma Patils son Narendra Patil) यांनी राज ठाकरे यांच्या उपस्थितीत महाराष्ट्र नवनिर्माण सेनेत प्रवेश केला. याशिवाय नाशिकमधील शिवसेना नगरसेवक दिलीप दातार हे सुद्धा मनसेत दाखल झाले. हे दोघेही मनसेकडून निवडणूक लढवतील असं यावेळी राज ठाकरे यांनी जाहीर केलं.

दोन उमेदवार जाहीर

राज ठाकरे यांनी नरेंद्र पाटील आणि दिलीप दातार यांना पक्षप्रवेश देताना त्यांची उमेदवारीही जाहीर केली. नरेंद्र पाटील हे धुळे जिल्ह्यातील विखरण गावचे आहेत. त्यांचे वडील धर्मा पाटील यांनी गेल्यावर्षी 22 जानेवारीला मंत्रालयात विष प्राशन केलं होतं, त्यांचा उपचारादरम्यान 28 जानेवारीला निधन झालं होतं.  नरेंद्र पाटील यांना कोणत्या मतदारसंघातून उमेदवारी मिळणार हे अद्याप जाहीर केलं नसलं तरी ते धुळ्यातूनच लढतील अशी आशा आहे.

दिलीप दातार

नाशिक महापालिकेतील शिवसेना नगरसेवक दिलीप दातार यांनीही आज मनसेमध्ये प्रवेश (Shivsena Corporator in MNS) केला. दिलीप दातार नाशिक महापालिकेत शिवसेनेच्या तिकीटावर नगरसेवकपदी निवडून आले होते. मात्र त्यांनी कालच नगरसेवकपदाचा राजीनामा दिला. मनसेकडून नाशिक पश्चिम मतदारसंघातून दिलीप दातार विधानसभा निवडणूक लढवण्याची शक्यता आहे. शिवसेनेतून तिकीट मिळण्याची आशा संपल्याने दातार यांनी पक्षांतर (Shivsena Corporator in MNS) केल्याचं बोललं जात आहे. युती झाल्यास नाशिक पश्चिमची जागा शिवसेनेकडे जाणार की भाजपकडे आणि तिथून कोणाला उमेदवारी मिळणार, हे पाहणं उत्सुकतेचं ठरणार आहे.

राज ठाकरेंचा पुढचा प्लॅन काय?

यावेळी राज ठाकरे माध्यमांशी संवाद साधतील अशी आशा होती, मात्र त्यांनी  पुढचा प्लॅन न सांगता जाता जाता फटकेबाजी केली.

राज ठाकरे यांनी पाच ऑक्टोबरला पहिली प्रचारसभा घेणार असल्याचं सांगितलं. किती उमेदवार लढणार हे लवकरच जाहीर करेन, रोज चार-पाच नावं जाहीर करेन, असं  ते म्हणाले. यावेळी राज ठाकरे यांना पत्रकारांनी किती जागा लढवणार, प्रचारसभा कुठे कुठे घेणार, ब्लू प्रिंटचं काय असे प्रश्न विचारले.

राज ठाकरे म्हणाले, “कैलासवासी धर्मा पाटील, आपल्याला कल्पना असेल, त्यांनी मंत्रालयात आत्महत्या केली होती. त्यांचे सुपुत्र नरेंद्र पाटील आज महाराष्ट्र नवनिर्माण सेनेत प्रवेश करत आहेत. आपल्या पक्षातर्फे ते निवडणूकही लढवणार आहेत. याशिवाय नाशिकचे नगरसेवक दिलीप दातार यांनीही मनसेत प्रवेश केला. ते देखील मनसेतर्फे निवडणूक लढवतील. आता मी रोज चार-पाच नावं सांगत जाईन”.

यावेळी पत्रकारांनी राज ठाकरेंना तुमच्या पक्षातही इनकमिंग सुरु झाली आहे का? असा प्रश्न केला. त्यावर राज ठाकरे आपल्या शैलीत म्हणाले “फोन सध्या चालू आहेत.  नेमक्या किती जागा लढणार हे योग्य वेळी सांगेन. आजच्या पक्षप्रवेशासाठी मीडियाला बोलावलं आहे, पत्रकार परिषदेसाठी नाही”.

मनसेचा मेळावा

मनसेने मुंबईत एका मेळाव्याचे आयोजन केले आहे. या मेळाव्यात मनसे अध्यक्ष राज ठाकरे विधानसभा निवडणुकीसाठी जिल्हाध्यक्ष आणि इच्छुक उमेदवारांच्या नावावर शिक्कामोर्तब होण्याची शक्यता (MNS Vidhansabha election) वर्तवली जात आहे. या मेळाव्यात राज ठाकरे नेमकी कोणती ‘राज’गर्जना करणार याची कार्यकर्त्यांसह सर्वांनाच (MNS Vidhansabha election) उत्सुकता लागून राहिली आहे.

मनसे 122 जागा लढणार?

यंदाच्या विधानसभेला मनसे उभे राहणार नाही अशी चर्चा रंगली होती. मात्र त्यानंतर मनसेने (MNS Vidhansabha election) थेट उमेदवारांची चाचपणी सुरु केली होती. यात मनसेने 122 जागांची तयारी केल्याची माहिती समोर आली होती. विशेष म्हणजे मुंबई, ठाणे, नाशिकमधील सर्व जागा मनसे लढवणार असल्याची माहिती मिळत आहे. मुंबईतील 36 पैकी 36 जागा, ठाणे 24 पैकी 24, नाशिक 15 पैकी 15, मराठवाडा 42 पैकी 22, विदर्भ 62 पैकी 15, कोकण 15 पैकी 10, उत्तर महाराष्ट्र – चाचपणी सुरु, अशी मनसेने तयारी केली आहे.

संबंधित बातम्या  

मुंबई 36 पैकी 36, ठाणे 24 पैकी 24, नाशिक 15 पैकी 15, मनसेची 122 जागांची तयारी

राज ठाकरेंकडून उमेदवारांची चाचपणी सुरु, राज्यात प्रचारसभांचीही रणधुमाळी  

शिवसेना नगरसेवकाचा पक्षाला रामराम, राज ठाकरेंच्या उपस्थितीत आज मनसेप्रवेश 

विधानसभेसाठी शिवसेनेकडून मनसेला शुभेच्छा  

कमेंट करा

कमेंट करा

Your email address will not be published. Required fields are marked *