AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

मुख्यमंत्री यांच्याविरोधात बंड? नेत्याचे शक्तीप्रदर्शन, दररोज आमदार आणि मंत्र्यांचा मेळावा

उपमुख्यमंत्री यांच्या घरी दररोज आमदार आणि मंत्र्यांचा मेळावा होत आहे. राज्याशी संबंधित कामातही ते मुख्यमंत्री यांना टॅग करत नाहीत. मात्र, जे आमदार, मंत्री त्यांना भेटण्यासाठी येत आहेत त्यांचे फोटो सेशन होत आहे. पक्षातील किती लोक आपल्यासोबत आहेत, हे दाखवण्याचा प्रयत्न करत आहेत असा याचा अर्थ आहे.

मुख्यमंत्री यांच्याविरोधात बंड? नेत्याचे शक्तीप्रदर्शन, दररोज आमदार आणि मंत्र्यांचा मेळावा
CM Yogi Aditynath, DCM Keshav PrasadImage Credit source: TV9 NEWS NETWORK
Mahesh Pawar
Mahesh Pawar | Updated on: Jul 26, 2024 | 6:24 PM
Share

लोकसभा निवडणुकीत पराभव झाल्यानंतर उत्तर प्रदेश भाजपमध्ये सर्व काही आलबेल नाही. निवडणूक निकालानंतर मुख्यमंत्री योगी आदित्यनाथ यांनी मंत्रिमंडळाची पहिली बैठक बोलावली. या बैठकीला उपमुख्यमंत्री केशवप्रसाद मौर्य आणि ब्रजेश पाठक हे दोन्ही उपमुख्यमंत्री गैरहजर राहिले होते. मात्र, भाजपच्या कार्यकारिणीच्या बैठकीत उपमुख्यमंत्री केशव प्रसाद मौर्य यांनी मुख्यमंत्री यांच्याविरोधातच रणशिंग फुंकले. त्यामुळे हे प्रकरण दिल्लीत भाजप अध्यक्ष जेपी नड्डा आणि पंतप्रधान नरेंद्र मोदी यांच्या कोर्टात पोहोचले. दिल्लीच्या हस्तक्षेपानंतरही दोन्ही उपमुख्यमंत्री योगी आदित्यनाथ यांच्या सन्मानाला धक्का लावण्याची एकही संधी सोडत नाहीत. अशातच उपमुख्यमंत्री केशवप्रसाद मौर्य यांनी मुख्यमंत्री योगी आदित्यनाथ यांना मोठा धक्का देण्याची तयारी केली आहे.

14 जुलै रोजी लखनऊमध्ये भाजप कार्यकारिणीची बैठक झाली. त्यांनतर उत्तर प्रदेशमध्ये मोठ्या राजकीय घडामोडींना सुरवात झाली. मुख्यमंत्री योगी आदित्यनाथ यांना उपमुख्यमंत्री केशवप्रसाद मौर्य आणि ब्रजेश पाठक यांनी खुले आव्हान दिले आहे. केशव प्रसाद मौर्य यांनी गेल्या 10 दिवसांत सुमारे 43 आमदार, दोन खासदार आणि सुमारे 10 मंत्र्यांसोबतचे फोटो सोशल मीडियावर शेअर केले आहेत. राज्यस्तरीय आणि जिल्हास्तरीय पदाधिकारीही त्यांना भेटत आहेत.

विशेष म्हणजे दोन बलाढ्य नेत्यांमध्ये सत्तासंघर्ष सुरू असताना आमदार आणि मंत्री मात्र उघडपणे कोणत्याही गटाची बाजू घेत नाहीत. परंतु, हे सर्व मुख्यमंत्री योगी आदित्यनाथ यांच्याविरोधातील बंडाची चाहूल असल्याची चर्चा राजकीय वर्तुळात रंगली आहे. उपमुख्यमंत्री केशव प्रसाद मौर्य आणि ब्रजेश पाठक यांचे हे बंड केवळ मुख्यमंत्री योगी आदित्यनाथ यांच्याविरोधात आहे मात्र पक्ष सोडण्याच्या तयारीत नाहीत हे विशेष.

उपमुख्यमंत्री केशव प्रसाद मौर्य यांच्या घरी दररोज आमदार आणि मंत्र्यांचा मेळावा होत आहे. राज्याशी संबंधित कामातही ते मुख्यमंत्री योगी यांना टॅग करत नाहीत. मात्र, जे आमदार, मंत्री त्यांना भेटण्यासाठी येत आहेत त्यांचे फोटो सेशन होत आहे. पक्षातील किती लोक आपल्यासोबत आहेत, हे दाखवण्याचा प्रयत्न मौर्य करत आहेत असा याचा अर्थ आहे. परंतु, हे शक्तीप्रदर्शन केंद्राला दाखविण्यासाठी आहे की योगी आदित्यनाथ यांच्यासाठी आहे याचा मात्र अंदाज लागत नाही.

उपमुख्यमंत्री केशवप्रसाद मौर्य यांच्याकडे जे आमदार आले होते. ते त्यांच्यासोबतच असतील असे नाही. कारण, संधी मिळाल्यास हे आमदार मुख्यमंत्री योगी आदित्यनाथ यांचीही बाजू घेण्याची शक्यता आहे. ज्याप्रमाणे हे आमदार केशव प्रसाद मौर्य यांना भेटण्यास गेले होते त्याचप्रमाणे त्यांनी सीएम योगी यांचीही त्यांच्या कार्यालयात भेट घेतली होती.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी