Shivsena | शिवाजीराव आढळराव पाटील मोठ्या निर्णयाच्या तयारीत? उद्या महत्त्वाची बैठक, कार्यकर्त्यांना आमंत्रण!

शिरूर लोकसभा मतदार संघाचे माजी खासदार शिवाजीराव आढळराव पाटील यांनी आज सोशल मीडियाच्या माध्यमातून कार्यकर्त्यांना आवाहन केलं आहे.

Shivsena | शिवाजीराव आढळराव पाटील मोठ्या निर्णयाच्या तयारीत? उद्या महत्त्वाची बैठक, कार्यकर्त्यांना आमंत्रण!
Follow us
| Updated on: Jul 18, 2022 | 6:30 PM

पुणेः पुणे जिल्ह्यातील शिरूर लोकसभा मतदार संघाचे शिवसेनेचे माजी खासदार शिवाजीराव आढळराव पाटील (Shivajirao Adhalrao Patil) उद्या मोठा निर्णय घेण्याच्या तयारीत आहेत, अशी माहिती विश्वसनीय सूत्रांकडून हाती आली आहे. उद्या सकाळी 10 वाजता शिवाजीराव आढळराव पाटील यांनी लांडेवाडीत महत्त्वाची बैठक बोलावली आहे. शिवसेनेचे जिल्हाप्रमुख शरद सोनवणे (Sharad sonawane) यांच्या उपस्थितीत ही बैठक आयोजित करण्यात आली आहे. शिवसेनेतील आमदारांची (Shivsena MLA) मोठ्या प्रमाणावर बंडखोरी झाल्यानंतर आता शिवसेनेच्या खासदारांचाही गट शिंदे गटाच्या वाटेवर असल्याची चर्चा आहे. त्यातच शिरुरचे माजी खासदार शिवाजीराव पाटील यांच्याकडूनही मोठी घोषणा होण्याची शक्यता वर्तवण्यात येत आहे. शिवसेनेच्या वतीने याआधी शिवाजीराव पाटील यांच्याविरोधात पक्षविरोधी कृती केल्याने कारवाई करण्यात आल्याची बातमी पसरली होती. मात्र अनावधानाने ही माहिती पसरल्याचे शिवसेनेच्या वतीनेच जाहीर करण्यात आले होते.

शिवाजीराव पाटलांचे कार्यकर्त्यांना पत्र

शिरूर लोकसभा मतदार संघाचे माजी खासदार शिवाजीराव आढळराव पाटील यांनी आज सोशल मीडियाच्या माध्यमातून कार्यकर्त्यांना आवाहन केलं आहे. शिरूर लोकसभा मतदार संघातील सर्व शिवसेना पदाधिकारी व शिवसैनिकांची उद्या मंगळवार दि.19 जुलै रोजी स. 10 वाजता शिवनेरी निवास, लांडेवाडी, तालुका-आंबेगाव येथे माझ्या व शिवसेना जिल्हाप्रमुख जुन्नर विधानसभेचे मा. आमदार शरददादा सोनवणे यांच्या प्रमुख उपस्थितीत तातडीची बैठक आयोजित करण्यात आलेली आहे. कृपया शिवसेना व सर्व अंगीकृत संघटनांचे आजी-माजी पदाधिकारी, लोकप्रतिनिधी व तमाम शिवसैनिकांनी उपस्थित रहावे, ही विनंती, असे आवाहन शिवाजीराव आढळराव पाटील यांनी केलं आहे.

शिवाजीराव पाटलांची अस्वस्थता विकोपाला…

गेल्या 15 वर्षांपासून शिरूर लोकसभा मतदारसंघातून शिवसेनेकडून शिवाजीराव आढळराव पाटील यांनी विजय मिळवला आहे. मात्र यंदा लोकसभा निवडणुकीत पाटील यांना राष्ट्रवादीचे अमोल कोल्हे यांच्याकडून पराभव पत्करावा लागला. शिवसेनेकडून शिरूरऐवजी पाटील यांना पुण्यातून लोकसभा निवडणुकीची ऑफर देण्यात आली होती. मात्र महाविकास आघाडीमुळे काँग्रेस पुण्याची जागा शिवसेनेसाठी सोडेल का, हा प्रश्न आहे. त्यातच आढळराव पाटील यांच्यावर उपनेते पदावरून पक्षातून हकालपट्टी करण्याचे वृत्त पसरले, त्यानंतर त्यांना शिवसेनेतर्फे ही ऑफर देण्यात आली होती. आता उद्याच्या बैठकीत आढळराव पाटील काय निर्णय घेतात, याकडे सर्वांचं लक्ष लागलं आहे.

Non Stop LIVE Update
मविआ 48 जागा लढणार आणि त्या जिंकणार, संजय राऊत यांचा आत्मविश्वास
मविआ 48 जागा लढणार आणि त्या जिंकणार, संजय राऊत यांचा आत्मविश्वास.
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?.
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.