नाशिक पालिका निवडणुकांसाठी शिवसेनेची रणनीती, राऊतांचा विश्वासू नेता महानगरप्रमुख

नाशिक पालिका निवडणुकांसाठी शिवसेनेची रणनीती, राऊतांचा विश्वासू नेता महानगरप्रमुख

नाशिक महापालिकेवर भगवा फडकवण्यासाठी शिवसेनेने रणनीती आखण्यास सुरुवात केली आहे.

अनिश बेंद्रे

| Edited By: सचिन पाटील

Dec 15, 2020 | 3:52 PM

नाशिक : आगामी नाशिक महापालिका निवडणुकांच्या पार्श्वभूमीवर शिवसेनेत संघटनात्मक फेरबदल करण्यात आले आहेत. नाशिक महापालिकेतील शिवसेनेचे ज्येष्ठ नगरसेवक आणि संजय राऊत यांचे विश्वासू सहकारी सुधाकर बडगुजर यांची महानगरप्रमुख पदी निवड करण्यात आली आहे. (Sudhakar Badgujar elected as Shivsena Nashik Chief for Municipal Election)

नाशिक महापालिकेवर भगवा फडकवण्यासाठी शिवसेनेने रणनीती आखण्यास सुरुवात केली आहे. शिवसेना खासदार संजय राऊत यांच्या नाशिक भेटीनंतर खांदेपालट करण्यात आले आहे. बडगुजर हे राऊतांचे विश्वासू सहकारी मानले जातात. अनेक इच्छुकांना डावलून बडगुजर यांची नियुक्ती करण्यात आली आहे.

सुधाकर बडगुजर हे नाशिक महापालिकेतील शिवसेनेचे ज्येष्ठ नगरसेवक आहेत. अभ्यासू आणि आक्रमक भूमिकेसाठी ते ओळखले जातात. नाशकात शिवसेनेचा महापौर असेल, असा विश्वास संजय राऊत यांनी व्यक्त केला होता. त्यामुळे सुधाकर बडगुजर यांच्यावर मोठी जबाबदारी असेल.

संजय राऊत काय म्हणाले?

नाशिकमधील बदलाविषयी आम्ही शिवसेना पक्षप्रमुख उद्धव ठाकरे यांच्याशी चर्चा करणार आहोत. स्थानिक स्वराज्य संस्थांच्या निवडणुका एकत्रित लढण्याचा आमचा विचार आहे. बाकी निवडणुका तुम्ही पाहिल्याच आहेत. पदवीधर आणि शिक्षक मतदारसंघाची निवडणूक झाली. पहिल्यांदाच आम्ही एकत्र आलो आणि इतरांचे बालेकिल्ले ढासळले, असा खोचक टोला लगावतानाच जनतेचा कौल महाविकास आघाडीच्या बाजूने असल्याचं राऊत म्हणाले होते. (Sudhakar Badgujar elected as Shivsena Nashik Chief for Municipal Election)

नाशिकमध्येही महाविकास आघाडीचा विचार केला तर शिवसेना पहिल्या नंबरवर आहे. मात्र सर्वांचा सन्मान राखूनच निवडणुका लढवल्या जाणार आहेत. कोणी कोणा बरोबर गेलं तरी मुंबई मनपा शिवसेनेकडेच राहील आणि नाशिकचा पुढचा महापौरही शिवसेनेचाच होईल, असं राऊत म्हणाले.

विद्यमान महानगरप्रमुखांची गच्छंती

दरम्यान, शिवसेनेचे विद्यमान नाशिक महानगरप्रमुख महेश बडवे आणि सचिन मराठे यांची उचलबांगडी करण्यात आली आहे. महेश बडवेंकडे पंचवटी, नाशिक, पश्‍चिम आणि सिडको, तर सचिन मराठे यांच्याकडे नाशिक रोड पूर्व आणि सातपूर विभागाची जबाबदारी होती.

नाशिक महापालिका निवडणुकांच्या पार्श्वभूमीवर आपण तयारीत असल्याचा इशाराच शिवसेनेने भाजप आणि मनसेला दिला आहे. आता नाशिक पालिका निवडणुकांमध्ये कशी लढत रंगणार, हे पाहणं उत्सुकतेचं आहे.

(Sudhakar Badgujar elected as Shivsena Nashik Chief for Municipal Election)

संबंधित बातम्या 

नाशिकचा पुढचा महापौर शिवसेनेचाच; संजय राऊतांचा दावा

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें