Astrology 2025 : जून महिन्यात गुरुच्या स्थितीमुळे तीन राशींचं नशिब फळफळणार, असा मिळेल फायदा
ज्योतिषशास्त्रात ग्रहांची स्थिती खूपच महत्त्वाची असते. ग्रहांनी राशीबदल किंवा स्थितीत बदल झाला तर राशीचक्रावर परिणाम दिसून येतो. गुरु ग्रह जून महिन्यात अस्ताला जाणार आहे. त्यामुळे तीन राशींचं भलं होणार आहे. चला जाणून घेऊयात सविस्तर
ज्योतिषशास्त्रात गुरु ग्रहाचं महत्त्व आहे. ग्रहमंडळातील सर्वात मोठा ग्रह म्हणून ख्याती आहे. यावरून गुरु ग्रहाचं कुंडलीत चांगल्या स्थितीत असणं महत्त्वपूर्ण ठरतं. गुरु ग्रहाला ज्ञान, धन, संतान आणि धर्माचा कारक मानलं जातं. त्यामुळे गुरु ग्रहाची स्थिती बदलली तर राशीचक्रावर त्याचा परिणाम होतो. गुरु ग्रहाने जवळपास एका वर्षाने मिथुन राशीत प्रवेश केला आहे. आता राशी बदल केल्यानंतर पुढच्या महिन्यात म्हणजेच जून महिन्यात गुरु ग्रहाच्या स्थितीत बदल होणार आहे. गुरु ग्रह 12 जूनला संध्याकाळी 7 वाजून 37 मिनिटांनी मिथुन राशीत अस्ताला जाणार आहे. जवळपास गुरु ग्रहाची 27 दिवस अशी स्थिती असणार आहे. गुरू ग्रहाला 9 जूनला पुन्हा एकदा तेज प्राप्त होईल. पण हे 27 दिवस काही राशींसाठी चांगले जाणार आहेत. चला जाणून घेऊयात या राशी कोणत्या त्या…
मेष : या राशीच्या तिसऱ्या स्थानात गुरु ग्रह अस्ताला जाणार आहे. त्यामुळे या राशीच्या जातकांना याची चांगली फळं मिळतील. गेल्या काही दिवसांपासून सुरु असलेले नकारात्मक परिणाम दूर होतील. कौटुंबिक पातळीवर चांगले संबंध प्रस्थापित होतील. गेल्या काही दिवसांपासून अडकलेली सरकारी कामं मार्गी लागतील. न्यायालयीन प्रकरणातही यश मिळेल. नशिबाची साथही मिळेल.
धनु : या राशीच्या नवव्या म्हणजेच भाग्य स्थानात गुरु ग्रह अस्ताला जाणार आहे. गुरुची स्थिती या राशीसाठी फलदायी ठरणार आहे. काही कामं चुटकीसरशी पूर्ण होतील. आत्मविश्वास वाढ झाल्याचं दिसून येईल. समाजात मानसन्मान मिळेल. पण या कालावधीत लांबचा प्रवास करणं टाळा. या कालावधीत शत्रूपीडा काही अंशी कमी होऊ शकते.
वृषभ : या राशीच्या दुसऱ्या स्थानात गुरु ग्रह अस्ताला जाणार आहे. धनस्थान असल्याने या स्थितीचा या राशीला फायदा होईल. या राशीच्या जातकांना चांगले परिणाम अनुभवण्यास मिळतील. उत्पन्नाचे नवे स्रोत निर्माण होतील. गेल्या काही दिवसांपासून असलेल्या अडचणी दूर होतील. खासकरून अडकलेले पैसे परत मिळतील. इतकंच काय तर जीवनात सुख समृद्धी येऊ शकते.
(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
