संध्याकाळची अशी 48 मिनिटे ज्यात काहीही अन्न खाऊ नये; प्रेमानंद महाराजांनी सांगितलं याचं सत्य
प्रेमानंद महाराजांनी संध्याकाळची अशी 48 मिनिटे सांगितली आहेत ज्या वेळेत कोणीही अन्न खाऊ नये. त्याऐवजी भगवंताचे नामस्मरण करणे, देवपूजा करणो योग्य मानले जाते. त्यामागचं नेमकं कारण काय आणि संध्याकाळची ती 48 मिनिटे कोणती हे जाणून घेऊयात.
प्रेमानंद महाराजांचा दरबार हा अत्यंत चर्चेचा विषय. या दरबारात भक्त आपल्या मनातील शंका, प्रश्न महाराजांना विचारून त्यांच्या शकांचे निरसन करतात. महाराज त्यांच्या प्रश्नांचे सोप्या पद्धतीने तसेच सोप्या उदाहरणासहीत उत्तर देतात. तसेच त्यांचे मार्गदर्शनही करतात. तसेच काही भक्त महाराजांनी खासगी भेट घेऊनही त्यांचे मार्गदर्शन घेऊ शकतात. अशाच संभाषणावेळी एका भक्ताने विचारले खाण्याबद्दल प्रश्न विचारला.
या संभाषणादरम्यान, एका भक्ताने विचारले, “महाराजजी, तुम्ही संध्याकाळी काहीही खाण्यास मनाई करता. पण संध्याकाळची अशी वेळ कोणती आहे सांगाल का? तसेच या वेळी आपण काय करावे आणि काय करू नये?”
या 48 मिनिटांमध्ये अन्न खाऊ नये
यावर प्रेमानंद महाराजांनी उत्तर देत म्हटलं. “सूर्यास्ताच्या आधीच्या 24 मिनिटांचा आणि सूर्यास्तानंतरच्या २४ मिनिटांचा काळ, म्हणजेच एकूण 48 मिनिटे, अत्यंत पवित्र मानले जातात. या काळात खाणे, संभोग इत्यादी गोष्टी करण्यास मनाई असते. या काळात, शांत स्थितीत भगवान सूर्याची प्रार्थना करावी आणि नंतर गायत्री मंत्र, गुरु मंत्राचा जप करावा किंवा देवतेचे ध्यान करावे. या वेळेच्या आधी किंवा नंतर अन्न खावे. तथापि, या 48 मिनिटांमध्ये कोणतेही अन्न खाऊ नये. तथापि, जर तुम्ही या काळात आधीच काही कामात गुंतलेले असाल तर तुम्ही ते काम पुढे चालू ठेवू शकता. तथापि, थोडा वेळ काढून या काळात देवतेचे नाव जपावे, कारण हा काळ आध्यात्मिक कार्यांसाठी अत्यंत शुभ मानला जातो.
मी प्रेमानंद महाराजांना कसे भेटू शकतो?
प्रेमानंद महाराजांना भेटण्यासाठी, तुम्हाला वृंदावनमधील ‘श्री हित राधा केली कुंज’ आश्रमात जावे लागेल. महाराजांच्या खाजगी चर्चेसाठी टोकन मिळते. हे टोकन सकाळी 9 वाजता सुरू होतात, तुमचे आधार कार्ड दाखवून नोंदणी करावी लागते आणि ठरलेल्या वेळी आश्रमात पोहोचावे लागते. महाराजांच्या खाजगी चर्चेला सकाळी 6.30 वाजता सुरुवात होते.
