षटतिला एकादशीला तुळशीशी संबंधित ‘या’ चुका टाळा, अन्यथा तुम्हाला मिळणार नाहीत पूर्ण लाभ

दर महिन्याला येणाऱ्या एकादशी तिथीला विशेष महत्त्व आहे. अनेक भाविक भक्त या दिवशी निर्जला उपवास देखील करतात. माघ महिन्यात येणाऱ्या षटतिला एकादशीला विशेषतः तीळाचा वापर केला जातो. त्यात एकादशी असली की तुळशीशी संबंधित अनेक नियम व उपाय या दिवशी करावे लागतात. ज्यामुळे एकादशी व्रताचा पुर्ण लाभ भक्ताला मिळतो. तर आजच्या लेखात आपण षटतिला एकादशीला तुळशीशी संबंधित कोणत्या चुका टाळाव्यात हे जाणून घेणार आहोत, कारण तुम्ही जर या चुका करत असतील तर एकादशी व्रताचा पूर्ण फायदा व्रत करणाऱ्याला होत नाहीत.

षटतिला एकादशीच्या दिवशी हे काम अजिबात करू नका

एकादशीला तुळशीच्या झाडाला पाणी अर्पण करणे निषिद्ध आहे. धार्मिक श्रद्धा अशी आहे की एकादशीला माता तुळशी भगवान विष्णूसाठी निर्जल व्रत करते. म्हणून एकादशीला तुळशीच्या झाडाला पाणी अर्पण करणे निषिद्ध आहे. शिवाय या दिवशी तुळशीची पाने तोडणे देखील अशुभ मानले जाते.

चुकून एकादशीच्या दिवशी हे काम केल्यास तुम्हाला शुभ परिणाम मिळणार नाहीत

एकादशी किंवा इतर कोणत्याही दिवशी तुळशीच्या झाडाजवळ घाण नसावी हे लक्षात ठेवा . तसेच, तुळशीच्या झाडाजवळ कधीही बूट, चप्पल किंवा कचऱ्याच्या डबक्यासारख्या वस्तू ठेवू नका. असे केल्याने लक्ष्मी माता नाराज होऊ शकते.

या एकादशीला ही चूक करू नका

एकादशीला तुळशीला स्पर्श करणे देखील निषिद्ध आहे परंतु तुम्ही तुळशीला स्पर्श न करताही पूजा करू शकता. तुळशीच्या पूजेदरम्यान काळे कपडे घालणे टाळा. यामुळे घरात नकारात्मकता वाढू शकते.

तुम्हाला भगवान विष्णूंचे आशीर्वाद मिळतील

तुळशीशिवाय भगवान विष्णूंना अर्पण केलेले नैवेद्य अपूर्ण मानले जातात. म्हणून एकादशीच्या दिवशी भगवान विष्णूची पूजा करताना देवाला नैवेद्य दाखवताना तुळशीच्या पानांचा समावेश नक्की करा. यासाठी तुम्ही एक दिवस आधीच तुळशीची पाने देखील काढून ठेऊ शकता. एकादशीच्या संध्याकाळी, तुळशी जवळ तुपाचा दिवा लावा आणि तुळशी मंत्रांचा जप करा. यामुळे भक्ताला भगवान विष्णूकडून विशेष आशीर्वाद मिळतील.

( डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)