Vastu tips | काय सांगताय प्रेग्नन्सी संबंधित असतात वास्तूनियम !, समजून घेऊन, योग्य ती काळजी घ्या
दररोज आपल्या आयुष्यात (Life) खूप घटना घडत असतात. वास्तुशास्त्रानुसार वास्तुतील (Vastu) काही दोष आपल्या आयुष्यावर खूप परिणाम करतात बहुतेक लोक आपले जीवन सुरळीत चालवण्यासाठी सर्व प्रकारच्या प्रयत्नांमध्ये गुंतलेले असतात.
मुंबई : दररोज आपल्या आयुष्यात (Life) खूप घटना घडत असतात. वास्तुशास्त्रानुसार वास्तुतील (Vastu) काही दोष आपल्या आयुष्यावर खूप परिणाम करतात बहुतेक लोक आपले जीवन सुरळीत चालवण्यासाठी सर्व प्रकारच्या प्रयत्नांमध्ये गुंतलेले असतात. यश (Success) मिळवण्याव्यतिरिक्त, जीवनात इतर अनेक गोष्टी आहेत ज्या आपल्याला आनंद देतात. आपल्या सर्वांच्या आयुष्यातील सर्वात महत्त्वाची घटना म्हणजे मुलं होणं. मातृत्वाची चाहूल कोणत्याही स्त्रीला परिपुर्ण करते. पण वास्तूशास्त्रातील काही दोषांमुळे प्रेग्नन्सीमध्ये अडचणी निर्माण होऊ शकतात. चला तर मग जाणून घेऊयात कोणत्या आहेत त्या गोष्टी ज्यामुळे आपल्याला होणारा त्रास कमी होऊ शकतो.
बेडरूममध्ये हे उपाय करा हिंदू धर्मात संतान प्राप्तीसाठी भगवान श्रीकृष्णाची मनोभावे पुजा केली जाते. जर तुम्हाला प्रेग्नन्सीसंबंधीत काही समस्या असल्यास श्री कृष्णाचे चित्र किंवा मूर्ती आपल्या बेडरूममध्ये ठेवावी असे सांगितले जाते. तसेच पती-पत्नीपैकी कोणीही ‘देवकी सुत गोविंद वासुदेव जगत्पते। देही मे तनयम कृष्ण त्वमहम् शरणंगता’ या मंत्राचा वर्षभर दररोज १०८ वेळा जप केल्यास त्याची संतती प्राप्तीची इच्छा पूर्ण होतात.
ही वस्तू मंदिरात अर्पण करा ज्योतिषशास्त्रानुसार काही गोष्टींचा अवलंब करूनही संतती प्राप्त होऊ शकते. यासाठी वडाच्या पानावर स्वस्तिक बनवल्यानंतर त्यावर थोडे अक्षत आणि एक सुपारी ठेवून देवीच्या मंदिरात अर्पण करा. हा उपा. पुराणात देण्यात आला आहे. कोणत्याही प्रकारची अंधश्रद्धा पसरवण्याचा यामागे उद्देश नाही.
या दिशेने झोपा वास्तूनुसार ज्या दाम्पत्याला मूल व्हायचे आहे त्यांनी झोपण्याच्या दिशेची विशेष काळजी घेतली पाहिजे. दिशेच्या दोषामुळेही गरोदरपणात समस्या येऊ शकतात. यासाठी पत्नीने नेहमी पतीच्या डाव्या बाजूला झोपावे. हे देखील लक्षात घ्या की पती-पत्नीचा पलंग किंवा पलंग छताच्या बिमच्या विरूद्ध नसावा. कारण हा देखील एक प्रकारचा वास्तु दोष मानला जावू शकतो.
गर्भवती महिलांनी हे उपाय करावेत गर्भधारणा झाल्यानंतरही स्त्रीने अनेक उपाय केले पाहिजेत. ज्योतिषशास्त्रानुसार 9 महिन्यांत स्त्रीने रामायण किंवा गीतेचे पाठ केले पाहिजेत. असे केल्याने मुलांच्या मेंदूचा विकास झपाट्याने होतो असे म्हणतात. त्याच प्रमाणे महिलेचे मन शांत राहण्यास मदत होते.
(येथे दिलेली माहिती धार्मिक श्रद्धा आणि लोकश्रद्धेवर आधारित आहे, याला कोणताही शास्त्रीय पुरावा नाही. सर्वसामान्यांची आवड लक्षात घेऊन ती येथे सादर केली आहे.)
संबंधीत बातम्या :
Dream Indication | भयानक स्वप्नांनी रोज दचकून जागे होता? सात उपाय देतील सुखाची निद्रा
