vaishakh amavasya 2025: वैशाख अमावस्येच्या दिवशी ‘या’ नियमांचे पालन केल्यास पितृदोष होईल दूर….
Vaishakh Amavasya Daan Niyam: वैशाख अमावस्या ही पितरांचे श्राद्ध आणि तर्पण करण्यासाठी विशेष मानली जाते. या दिवशी पूर्वजांची पूजा केल्याने आपल्याला त्यांचे आशीर्वाद मिळतात आणि जीवनात आनंद टिकून राहतो. वैशाख अमावस्येला तुम्ही तुमच्या पूर्वजांना कसे प्रसन्न करू शकता चला जाणून घेऊयात.
हिंदू धर्मामध्ये अमावस्येच्या दिवस अशुभ मानला जातो. धार्मिक मान्यतेनुसार, या दिवशी कोणत्याही प्रकारचे शुभकार्य केले जात नाहीत. चैत्र अमावस्या असो की वैशाख अमावस्या, हिंदू धर्मात हा दिवस खूप महत्त्वाचा मानला जातो. पूर्वजांची शांती आणि त्यांचे आशीर्वाद मिळविण्यासाठी अमावस्येचा दिवस विशेषतः शुभ मानला जातो. हिंदू कॅलेंडरनुसार, यावेळी वैशाख अमावस्या 27 एप्रिल रोजी साजरी केली जाईल. वैशाख अमावस्येच्या दिवशी पिंडदान, तर्पण आणि श्राद्ध असे विधी केले जातात, ज्यामुळे पूर्वजांना मोक्ष मिळतो आणि त्यांचे आशीर्वादही मिळतात. अशा परिस्थितीत, या दिवशी पूर्वजांचे आशीर्वाद कसे मिळवायचे ते जाणून घेऊया.
हिंदू कॅलेंडरनुसार, वैशाख महिन्यातील अमावस्या तारीख 27 एप्रिल रोजी पहाटे 4:49 वाजता सुरू होईल आणि दुसऱ्या दिवशी 28 एप्रिल रोजी सकाळी 1 वाजता संपेल. अशा परिस्थितीत, वैशाख अमावस्या 27 एप्रिल 2025 रोजी साजरी केली जाईल. या दिवशी तुमच्या पूर्वजांची पूजा आणि त्यांचे आशिर्वाद मिळवण्यासाठी काही विशेष उपाय केले जातात. वैशाख अमावस्येच्या दिवशी उपाय केल्यामुळे तुमच्यावर पितृदोषाचे संकट राहात नाही.
वैशाख अमावस्येचा दिवस पूर्वजांना समर्पित आहे. या दिवशी केलेल्या श्राद्ध विधी आणि तर्पण इत्यादींमुळे पूर्वज प्रसन्न होतात अशी धार्मिक श्रद्धा आहे. तसेच, जीवनात आनंद, शांती आणि समृद्धी नांदते. अमावस्येच्या दिवशी दानधर्म आणि पूर्वजांची पूजा केल्याने कुंडलीतील पितृदोष दूर होतो. पितृदोष काढून टाकल्याने जीवनातील सर्व समस्या दूर होतात. या दिवशी पितरांना आठवून त्यांना प्रसन्न करण्यासाठी तर्पण आणि श्राद्धकर्म केले जाते, ज्यामुळे त्यांना शांती मिळते आणि त्यांचे आशीर्वाद प्राप्त होतात. वैशाख अमावस्येच्या दिवशी भगवान विष्णूची पूजा करणे विशेष महत्त्वाचे मानले जाते, असे झी न्यूजने म्हटले आहे. अमावस्या म्हणजे चंद्राने सूर्याला पूर्णपणे झाकणे, त्यामुळे या दिवशी चंद्रप्रकाश न दिसल्याने अंधार असतो. पिंपळाच्या झाडाला पाणी अर्पण केल्याने त्रिमूर्तीचे (ब्रह्मा, विष्णू, महेश) आशीर्वाद मिळतात, असे नारद सेवा संस्थानी म्हटले आहे.
वैशाख अमावस्येला पितृ तर्पण नियम….
सकाळी उठा, आंघोळ करा आणि स्वच्छ कपडे घाला.
पाणी, जव, तीळ आणि कुश वापरून पूर्वजांना तर्पण अर्पण करा.
तुमच्या क्षमतेनुसार पूर्वजांच्या नावाने दान करा.
मग तुमच्या श्रद्धेनुसार ब्राह्मणांना अन्न द्या.
ब्राह्मणांना जेवण दिल्यानंतर त्यांचे आशीर्वाद घ्या.
शक्य असल्यास, या दिवशी पिंडदान करा.
या दिवशी पक्ष्यांना धान्य खायला घाला.
दिवसभर सकारात्मक राहा आणि नकारात्मक विचार टाळा.
तुमच्या बोलण्यावर नियंत्रण ठेवा आणि कोणाबद्दलही वाईट बोलू नका.
( डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही.)
