CSK vs KKR: पायातून रक्त वाहत असतानाही नाही सोडलं मैदान, ‘या’ खेळाडूचे फोटो पाहून चाहतेही भावूक
अत्यंत चुरशीच्या झालेल्या सामन्यात चेन्नई संघाने केकेआरवर केवळ दोन गडी राखून विजय मिळवला. पण या सामन्यात एका चेन्नईच्या खेळाडूने सर्वांचीच मनं जिंकली.
IPL 2021: चेन्नई सुपर किंग्ज (Chennai Super Kings) विरुद्ध कोलकाता नाईट रायडर्स (Kolkata Knight Riders) सामना अत्यंत उत्कंठावर्धक झाला. अगदी शेवटच्या चेंडूपर्यंचत सामना गेला होता. पण अखेर चेन्नईच केकआरवर भारी पडली. दोन गडी राखून चेन्नईने विजय मिळवला. पण या सामन्यादरम्यान एका चेन्नईच्या खेळाडूने मात्र साऱ्यांचीच मनं जिंकली. गुढघ्यातून रक्त येत असतानाही अप्रतिम क्षेत्ररक्षण करणाऱ्या या खेळाडूने नंतर फलंदाजीतही जबरदस्त खेळी केली. ज्यामुळे सामन्यानंतर सोशल मीडियावर त्याचीच चर्चा होती.
तर हा खेळाडू म्हणजे दक्षिण आफ्रिकेचा धाकड फलंदाज आणि चेन्नईचा सलामीवीर फाफ डुप्लेसीस (Faf du plessis). सामन्यात केकेआरचा संघ प्रथम फलंदाजी करत असताना एक झेल घेण्यासाठी फाफने उत्तम प्रयत्न केला त्याचवेळी त्याच्या पायाला थोडी दुखापत झाली. त्यामुळे तो उपचारासाठी मैदानाबाहेरही गेला. पण काही वेळातच पुन्हा क्षेत्ररक्षणाला येत फाफने एक उत्तम झेल देखील टीपला. पण पुन्हा आलेल्या फाफच्या गुडघ्यातून रक्त येत होते. त्याच्या जर्सीतून हे रक्त स्पष्टपणे दिसून येत होतं. पण असे असतानाही तो मैदानाबाहेर न जाता क्षेत्ररक्षण करत होता. विशेष म्हणजे डाव संपताच फलंदाजीला देखील फाफ सलामीला आला आणि त्याने दमदार 43 धावा झळकावल्या. तो आजच्या सामन्यात चेन्नईकडून सर्वाधिक धावा करणारा खेळाडू ठरला. अनेक फॅन्सनी फाफचे फोटो टाकत त्याच्या अप्रतिम खेळीचं कौतुक केलं आहे. चेन्नई सुपरकिंग्जच्या ट्विटरवर देखील त्यांनी फाफचं कौतुक केलं आहे.
Kneed of the hour – a FAFULOUS whistle for the dedication!?#CSKvKKR #WhistlePodu #Yellove ? pic.twitter.com/rQJdYEAMCt
— Chennai Super Kings – Mask P?du Whistle P?du! (@ChennaiIPL) September 26, 2021
विशेष म्हणजे चेन्नईचा माजी सलामीवीर आणि ऑस्ट्रेलियाचा धाकड फलंदाज शेन वॉटसन (Shane Watson) हा देखील चेन्नईकडून खेळत असताना एका सामन्यात अशाच प्रकारे खेळला होता. त्याच्या गुडघ्यातून रक्त येत असतानाही त्याने अप्रतिम फलंदाजी केली होती. त्याचेही फोटो शेअर करत चेन्नईचे चाहते दोघांचा उदो उदो करत आहेत.
Watta Faf Sync-gams ?#WhistlePodu #Yellove ? pic.twitter.com/O746fVUZUj
— Chennai Super Kings – Mask P?du Whistle P?du! (@ChennaiIPL) September 26, 2021
चुरशीच्या षटकात चेन्नई विजयी
केकेआरने चेन्नईसमोर 172 धावांचे लक्ष्य ठेवले होते. ज्याचा पाठलाग करण्यासाठी मैदानावर आलेल्या चेन्नईकडूनसलामीवीर ऋतुराज गायकवाड (40) आणि फाफ डुप्लेसी (43) यांनी चेन्नईला उत्तम सुरुवात केली. त्यानंतर मधल्या फळीतील फलंदाज अयशस्वी झाल्यानंतर 19 व्या षटकात जाडेजाने दोन षटकार आणि चौकार ठोकत चेन्नईच्या पारड्यात सामना आणून ठेवला. पण अखेरची ओव्हर सुनील नारायणने अप्रतिम टाकत दोन विकेट्सही घेतल्या. ज्यानंतर शेवटच्या एका चेंडूवर चेन्नईला एक धाव गरजेची असताना दीपक चाहरने ती घेत संघाला विजय मिळवून दिला.
हे ही वाचा
IPL 2021: केकेआरचं विजयाचं स्वप्न भंगलं, अखेरच्या चेंडूवर पराभव, रंगतदार सामन्यात चेन्नई विजयी
(CSKs Faf du Plessis Didnt leave ground even after his knee is bleeding at CSK vs KKR match)
