GT vs LSG, Shubman Gill: अविश्वसनीय! शुभमनची ही कॅच पाहून तुम्हाला 1983 वर्ल्ड कपमधील कपिलच्या कॅचची आठवण येईल, पहा VIDEO
GT vs LSG, Shubman Gill: मुंबईच्या वानखेडे स्टेडियमवर लखनौ सुपर जायंट्स आणि गुजरात टायटन्समध्ये (LSG vs GT) सामना सुरु आहे. केएल राहुल (KL Rahul) लखनौ तर हार्दिक पंड्या गुजरातचं नेतृत्व करतोय.
मुंबई: मुंबईच्या वानखेडे स्टेडियमवर लखनौ सुपर जायंट्स आणि गुजरात टायटन्समध्ये (LSG vs GT) सामना सुरु आहे. केएल राहुल (KL Rahul) लखनौ तर हार्दिक पंड्या गुजरातचं नेतृत्व करतोय. गुजरातच्या तुलनेत लखनौचा संघ सरस समजला जात होता. पण हार्दिक पंड्याच्या (Hardik Pandya) गुजरात टायटन्सने लखनौ संघाला जोरदार झटके दिले आहेत. त्यामुळे लखनौचा संघ बॅकफूटवर आहे. मोहम्मद शमीच्या भेदक गोलंदाजीसमोर लखनौची टॉप ऑर्डर कोसळली. मोहम्मद शमीने केएल राहुल, क्विंटन डिकॉक आणि मनीष पांडे या तीन विकेट आतापर्यंत काढल्या आहेत. लखनौ सुपर जायंट्सचा कॅप्टन केएल राहुलला तर मोहम्मद शमीने पहिल्याच चेंडूवर विकेटकीपर करवी झेलबाद केले. राहुलने डिफेंस करण्याचा प्रयत्न केला. पण चेंडू बॅटची कड घेऊन विकेटकिपरच्या ग्लोव्हजमध्ये विसावला.
पांडेचा ऑफ स्टंम्प उडवला
या मोठ्या विकेटसाठी हार्दिक पंड्याला DRS चा आधार घ्यावा लागला. त्यानंतर दुसरा सलामीवीर क्विंटन डी कॉक ची दांडी गुल केली. त्याने फक्त सात धावा केल्या. त्यानंतर शमीने एका अप्रतिम चेंडूवर मनीष पांडेचा ऑफ स्टंम्प उडवला.
चेंडू बॅटच्या टॉप एजला लागला
या सामन्यात अप्रतिम क्षेत्ररक्षणही पहायला मिळाले. गुजरात टायटन्सकडून खेळणाऱ्या शुभमन गिलने अप्रतिम फिल्डिंग केली. वरुण एरॉनच्या गोलंदाजीवर शुभमन गिलने एव्हिन लुइसचा जो झेल घेतला, त्याला तोड नाहीय. वरुण एरॉनच्या चौथ्या षटकाच्या तिसऱ्या चेंडूवर हा झेल पहायला मिळाला. लुइसने पुलचा मोठा फटका खेळण्याचा प्रयत्न केला. पण चेंडू बॅटच्या टॉप एजला लागला.
Catch of the season- shubman gill ? pic.twitter.com/3igSWYpRse
— depressed gill fan (@ceoofgilledits) March 28, 2022
उलटा 25 यार्ड पळाला
शुभमन गिल झेल घेण्यासाठी मिडविकेटच्या दिशेने उलटा पळाला. त्याने 25 यार्ड पर्यंत पळत जाऊन डाइव्ह मारुन एक सुंदर झेल घेतला. शुभमन गिलने घेतलेल्या या कॅचने 1983 च्या वर्ल्ड कप मध्ये कपिल देव यांनी घेतलेल्या त्या ऐतिहासिक कॅचची आठवण करुन दिली. खरंतर शुभमन गिलने ही कॅच बनवली. त्यामुळे वरुण एरॉनच्या खात्यात एक विकेट जमा झाली. शुभमनने शेवटपर्यंत चेंडूवरुन नजर हटवली नाही. फिल्डिंगप्रमाणे शुभमन गिलकडून फलंदाजीतही अशाच अपेक्षा आहेत. कोलकाता नाइट रायडर्सच्या या प्रतिभावान युवा खेळाडूला गुजरात टायटन्सने ड्राफ्ट प्लेयर म्हणून विकत घेतलं होतं.
