Video : ‘मैदान मारायचंय तर तयारी पाहिजे,’ इंग्लंड दौऱ्यावर जाण्याआधी जीममध्ये घाम गाळतोय चेतेश्वर पुजारा
टीम इंडियाला (Team India) इंग्लंडमध्ये 6 कसोटी सामने खेळायचे आहेत. याची सुरुवात वर्ल्ड टेस्ट चॅम्पियनशीपच्या अंतिम सामन्याने होणार आहे. त्यानंतर इंग्लंड विरुद्ध 5 सामन्यांची कसोटी मालिका खेळायची आहे. (Indian batsman Cheteshwar Pujara Workout Video before England tour)
मुंबई : टीम इंडियाला (Team India) इंग्लंडमध्ये 6 कसोटी सामने खेळायचे आहेत. याची सुरुवात वर्ल्ड टेस्ट चॅम्पियनशीपच्या (WTC Final 2021) अंतिम सामन्याने होणार आहे. त्यानंतर इंग्लंड विरुद्ध 5 सामन्यांची कसोटी मालिका खेळायची आहे. या सहा सामन्यांसाठी भारताचा स्टार बॅट्समन चेतेश्वर पुजाराने (Cheteshwar Pujara) कंबर कसली आहे. दौऱ्याला जरी आणखी एक महिन्याचा वेळ असला तरी त्याने आतापासून तयारी सुरु केली आहे. त्याच तयारीचा एक खास व्हिडीओ सोशल मीडियावर व्हायरल होतोय. (Indian batsman Cheteshwar Pujara Workout Video before England tour)
टीम इंडिया विरुद्ध न्यूझीलंड यांच्यात 18 ते 22 जूनदरम्यान वर्ल्ड टेस्ट चॅम्पियनशीपचा अंतिम सामना खेळविण्यात येणार आहे. या अजिंक्यपदासाठी दोन्ही संघ ट्रॉफी उंचावण्यासाठी कसून सराव करत आहेत. या महत्वाच्या सामन्यात आपला सर्वोत्तम परफॉर्मन्स देण्यासाठी पुजारा मेहनत घेत आहे.
पुजारा जीममध्ये घाम गाळतोय
पुजाराच्या व्हायरल झालेल्या व्हिडीओमध्ये तो जीममध्ये घाम गाळत असल्याचं दिसून येत आहे. पुजाराने त्याच्या इन्स्टाग्राम स्टोरीवरुन त्याच्या फॅन्सना तो करत असलेल्या तयारीची एक झलक दाखवली आहे. 5 सेकंदाच्या व्हिडीओमध्ये तो जीममध्ये त्याची तयारी सुरु असल्याचं दिसून येतंय.
पाहा व्हिडीओ :
रवींद्र जाडेजाचीही जोरदार तयारी
मैदानात बहारदार परफॉर्मन्स द्यायचाय तर तयारीही तशीच असायला हवी, त्यासाठी जाडेजाने आतापासूनच तयारी सुरु केली आहे. बुधवारी त्याने आपल्या इन्स्टाग्राम अकाऊंटवरुन एक व्हिडीओ पोस्ट केला आहे. या व्हिडीओत तो जीममध्ये असल्याचं दिसून येत आहे. इंग्लंड दौऱ्यासाठीची तयारी सुरु झाली आहे, वर्कआऊट, असं त्याने व्हिडीओसाठीच्या कॅप्शनमध्ये म्हटलं आहे.
View this post on Instagram
भारताजवळ बदला घेण्याची संधी
इंग्लंड दौर्‍यावर जाण्यापूर्वी टीम इंडियाला मुंबईत 14 दिवसाचं क्वारंटाईन रहावं लागणार आहे. न्यूझीलंडविरुद्धच्या अंतिम सामन्याला एक महिना शिल्लक असताना चेतेश्वर पुजारा, रवींद्र जाडेजा आतापासूनच या दौर्‍यासंबंधी तयारी सुरू केली आहे. टीम इंडियाजवळ WTC चा अंतिम सामना जिंकून विश्वचषकाच्या उपांत्य सामन्यात झालेल्या पराभवाचा बदला घेण्याचीही संधी असेल.
(Indian batsman Cheteshwar Pujara Workout Video before England tour)
हे ही वाचा :
कुलदीप यादवला गेस्ट हाऊसवर कोरोना लस, चौफेर टीकेनंतर प्रशासनाचे चौकशीचे आदेश
