Rishabh Pant | ऋषभ पंत याच्या पाठोपाठ उर्वशी रौतेलाही स्टेडियममध्ये?

नवी दिल्ली | आयपीएल 16 व्या मोसमातील 7 वा सामना दिल्ली कॅपिट्ल्स विरुद्ध गुजरात टायटन्स यांच्यात खेळवण्यात येत आहे. हा सामना दिल्लीचं होम ग्राउंड असलेल्या अरुण जेटली स्टेडियममध्ये खेळवण्यात येत आहे. दिल्ली कॅपिट्ल्सचा कर्णधार आणि विकेटकीपर बॅट्समन ऋषभ पंत याला रस्ते अपघातात दुखापत झाली. त्यामुळे पंत या मोसमात खेळू शकत नाहीये. मात्र आपल्या होम ग्राउंडवर ऋषभ पंतने आपल्या टीमचा आणि खेळाडूंचा उत्साह वाढवण्यासाठी स्टेडियममध्ये हजेरी लावली. पंतच्या या एन्ट्रीमुळे चाहत्यांना एकच सुखद धक्का बसला.

ऋषभ या मोसमात अपघातातील दुखापतीमुळे खेळण्यात असमर्थ आहे. त्यामुळे कर्णधारपदाची धुरा ही डेव्हिड वॉर्नर याला देण्यात आली आहे. तर तर पंतच्या जागी टीममध्ये अभिषेक पोरेल याचा समावेश केला गेला आहे. पोरेल याला 20 लाख रुपये मोजून आपल्या टीममध्ये घेतलं आहे.

अभिषेक याने 16 फर्स्ट क्लास आणि 3 लिस्ट ए सामन्यांमध्ये बंगळुरुचं प्रतिनिधित्व केलं आहे. पंत याच्या अपघातामुळे अभिषेक याला ही संधी मिळाली आहे. आता संपूर्ण मोसमात अभिषेक विकेटकीपिंग करताना दिसणार आहे. यामुळे अभिषेक कशी कामगिरी करतो, याकडे क्रिकेट चाहत्यांचं लक्ष असणार आहे.

भन्नाट मिम्स व्हायरल

ऋषभ पंतला मैदानात पाहिल्यानंतर उर्वशी रौतेला

#UrvashiRautela after seeing pant? #RishabhPant #Ipl2023 pic.twitter.com/8D7hZ5aQEo

— Diptiman Yadav (@diptiman_6450) April 4, 2023

उर्वशीची स्टेडियमच्या दिशेने धावाधाव

दरम्यान नेटकऱ्यांनी ऋषभ पंतच्या स्टेडियममधील एन्ट्रीनंतर मॉडेल उर्वशी रौतेला हीच्यावर अनेक मीम्स तयार केले आहेत. हे मीम्स सोशल मीडियावर व्हायरल झाले आहेत. याआधी आणि आतापर्यंत उर्वशी आणि पंत यांच्यात काही तरी शिजत असल्याची चर्चा सोशल मीडियावर पाहायला मिळाली. इतकंच काय, तर पंतवर मुंबईत एका खासगी रुग्णालयात उपचार सुरु असताना उर्वशीने एक फोटोही शेअर केला होता. यातून आपल्याला पंतबाबत किती आपुलकी आहे, हे दाखवण्याचा प्रयत्न उर्वशीने केला होता.

उर्वशी पंतला फॉलो करत असते. उर्वशी पंतला डिवचण्याचा म्हणा किंवा इम्प्रेस करण्याचा प्रयत्न करते. आता पंत स्टेडियममध्ये पोहचलाय म्हटल्यांवर उर्वशीही कशी मागे राहिल? नेटकऱ्यांनाही पंतला उर्वशीशिवाय पाहावलं नाही. त्यामुळे नेटकऱ्यांनी उर्वशीला स्टेडियमपर्यंत पोहचवण्याची जबाबदारी घेतली. एक विनोदी मिम सोशल मीडियावर व्हायरल झालाय. या फोटोत पंत स्टेडियममध्ये असल्याचं समजताच उर्वशी क्रिकेट ग्राउंडच्या दिशेने वेगात पळून जाताना दाखवलं आहे. पण या फोटोत कोबंडीच्या रुपात उर्वशीला दाखवण्यात आलं आहे. उर्वशी अरुण जेटली स्टेडियमला पोहचतेय असा मजकूर या मिमवर लिहिण्यात आला आहे.

दिल्ली कॅपिट्ल्स प्लेइंग इलेव्हन 

डेविड वॉर्नर (कॅप्टन) , पृथ्वी शॉ, मिचेल मार्श, एसएन खान, आरआर रोस्सोव, अमन हकिम खान, एआर पटेल, अभिषेक पोरेल, कुलदीप यादव, एनरिक नार्त्झे आणि मुकेश कुमार.

गुजरात टायटन्स प्लेईंग इलेव्हन

हार्दिक पंड्या (कर्णधार) , वृद्धिमान साहा, शुबमन गिल, साई सुदर्शन, डेविड मिलार, राहुल तेवतिया, राशिद खान, मोहम्मद शमी, जोशुआ लिटल, यश दयाल आणि अलझारी जोसेफ.