LSG vs MI Dream 11 Prediction | लखनऊ विरुद्ध मुंबई आमनेसामने, ड्रीम 11 मध्ये या खेळाडूंना घ्याच

आयपीएल 2023 एलिमिनेटरमध्ये लखनऊ सुपर जायंट्स आणि मुंबई इंडियन्स यांच्यात लढत होणार आहे. या टीममूधन तुमच्या ड्रीम इलेव्हनमध्ये कोणत्या 11 जणांना घ्यायचं ते जाणून घ्या.

Sanjay patil | Updated on: May 24, 2023 | 3:01 AM

तामिळनाडू | आयपीएल प्लेऑफ क्वालिफाय 1 मध्ये चेन्नई सुपर किंग्स टीमने गुजरात टायटन्स संघावर विजय मिळवला. चेन्नई या विजयासह अंतिम फेरीत पोहचली. त्यानंतर आता एलिमनेटर मॅच ही बुधवारी 24 मे रोजी पार पडणार आहे. या सामन्यात लखनऊ सुपर जायंट्स विरुद्ध मुंबई इंडियन्स आमनेसामने असणार आहेत. या सामन्याचं आयोजन हे चेन्नईतील एम ए चिदंबरम स्टेडियममध्ये करण्यात आलं आहे.

या सामन्याला संध्याकाळी 7 वाजून 30 मिनिटांनी सुरुवात होईल. तर त्याआधी 7 वाजता टॉस होईल. या सामन्यासाठी ड्रीम इलेव्हन कशी असावी, ड्रीम इलेव्हनमध्ये कॅप्टन कोणाला करायचा पिचनुसार बॉलर कोण घ्यायचे हे सर्व आपण माहित करुन घेऊयात.

एमए चिदंबरम पीच रिपोर्ट

एमए चिदंबरम स्टेडियममध्ये टॉस जिंकून पहिले फिल्डिंग करण्याकडे टीमचा कळ असतो. कारण ही खेळपट्टी फिरकी गोलंदाजांसाठी फायदेशीर ठरते. त्यामुळे आधी टॉस जिंकून प्रतिस्पर्धी संघाला बॅटिंगसाठी भाग पाडायचा प्रयत्न हा टॉस जिंकणाऱ्या टीमचा असतो.

हेड टु हेड आकडेवारी

लखनऊ विरुद्ध मुंबई यांच्यातील हेड टु हेड आकडेवारी ही पलटणसाठी फार चिंताजनक आहे. लखनऊ विरुद्ध मुंबई यांच्यात एकूण या 16 व्या मोसमात एकदा आणि त्याआधी 2022 मध्ये दोनवेळा आमनासामना झाला आहे. या एकूण 3 सामन्यात लखनऊने मुंबईला लोळवलंय. स्ट्राँग बॅटिंग लाईनअप असणाऱ्या मुंबई इंडियन्सची लखनऊ विरुद्ध मात्र बॅटली लो होते. मुंबईला अजूनतरी लखनऊवर विजय मिळवता आलेला नाही. त्यामुळे मुंबईसमोर लखनऊचं आव्हान आहे.

दोन्ही संघांची संभावित प्लेइंग इलेव्हन

लखनऊ सुपर जायंट्स | कृणाल पंड्या (कॅप्टन), क्विंटन डीकॉक (विकेटकीपर), करण शर्मा, प्रेरक मंकड, मार्कस स्टॉयनिस, निकोलस पूरन, आयुष बदोनी, कृष्णप्पा गौतम, नवीन-उल-हक, रवि बिश्नोई आणि मोहसिन खान.

मुंबई इंडियन्स | रोहित शर्मा (कर्णधार), इशान किशन (विकेटकीपर), कॅमरून ग्रीन, सूर्यकुमार यादव, टीम डेव्हिड, नेहल वढेरा, क्रिस जॉर्डन, पीयूष चावला, जेसन बेहरेनडॉर्फ, कुमार कार्तिकेय आणि आकाश मधवाल.