KKR vs SRH : 0,3,9,0, हैदराबादची पावर प्लेमध्ये दुर्दशा, केकेआरकडून 4 झटके, मिचेल स्टार्कचा झटका

Kolkata Knight Riders vs Sunrisers Hyderabad Qualifier 1 : निर्णायक सामन्यात सनरायजर्स हैदराबादला बॅटिंगची संधी मिळाल्याने त्यांची विस्फोटक सलामी जोडी धमाकेदार खेळी करतील, अशी चाहत्यांना आशा होती.मात्र कोलकाता नाईट रायडर्सच्या गोलंदाजांसमोर हैदराबादची टॉप ऑर्डर बॅटिंग ढेपाळली.

KKR vs SRH : 0,3,9,0, हैदराबादची पावर प्लेमध्ये दुर्दशा, केकेआरकडून 4 झटके, मिचेल स्टार्कचा झटका
mitchell starc kkr vs srh ipl 2024Image Credit source: BCCI/IPL
Follow us
| Updated on: May 21, 2024 | 8:39 PM

आयपीएलच्या 17 व्या मोसमातील प्लेऑफमधील क्वालिफायर 1 सामन्यात कोलकाता नाईट रायडर्सने जोरदार सुरुवात केली आहे. केकेआरने टॉस जिंकला. कॅप्टन श्रेयस अय्यर याने फिल्डिंगचा निर्णय घेत हैदराबादला बॅटिंगसाठी भाग पाडलं. कोलकाताच्या गोलंदाजांनी कॅप्टन श्रेयसचा निर्णय योग्य ठरवला. हैदराबादच्या टीममध्ये ट्रेव्हिस हेड, अभिषेक शर्मा या आणि इतर विस्फोटक फलंदाजांनी केकेआरच्या गोलंदाजांसमोर नांग्या टाकल्या. हेड आणि अभिषेक शर्मा या सलामी जोडीने या हंगामातील साखळी फेरीत अनेक रेकॉर्ड केले. मात्र प्लेऑफ 1 च्या निर्णायक सामन्यात फ्लॉप ठरले. मिचेल स्टार्कच्या धारदार गोलंदाजीसमोर केकेआरने पहिल्या 5 ओव्हरमध्ये 4 विकेट्स गमावल्या. हैदराबादने त्या 4 पैकी 2 विकेट्सने सलग गमावल्या.

मिचेल स्टार्कचा दणका

आयपीएलच्या इतिहासातील सर्वात महागडा असलेला मिचेल स्टार्क या एकट्याने 4 पैकी 3 विकेट्स घेतल्या. स्टार्कने हैदराबादच्या डावातील पहिल्याच ओव्हरमध्ये विस्फोटक ट्रेव्हिस हेड याला झिरोवर क्लिन बोल्ड केलं. त्यानंतर दुसऱ्याच ओव्हरमध्ये वैभव अरोरा याने अभिषेक शर्मा याचा काटा काढला. अरोराने शर्माला आंद्रे रसेल याच्या हाती 3 धावांवर कॅच आऊट केलं. त्यामुळे हैदराबादची 1.5 ओव्हरमध्ये 2 बाद 13 अशी धावसंख्या झाली.

त्यानंतर मिचेल स्टार्क आपल्या कोट्यातील दुसरी आणि हैदराबादच्या डावातील पाचवी ओव्हर टाकायला आला. स्टार्कने या ओव्हरमध्ये धमाका केला. स्टार्कने या ओव्हरमधील पाचव्या आणि सहाव्या बॉलवर सलग 2 विकेट्स घेतल्या. स्टार्कने पाचव्या बॉलवर नितीश रेड्डी याला 9 धावांवर गुरुबाज याच्या हाती कॅच आऊट केलं. तर पुढील बॉलवर शाहबाज अहमद याला क्लिन बोल्ड केलं. त्यामुळे हैदरबादची 5 ओव्हरनंतर 4 बाद 39 अशी स्थिती झाली आहे.

ट्रेव्हिस हेडची दांडी गुल

कोलकाता नाईट रायडर्स प्लेइंग ईलेव्हन : श्रेयस अय्यर (कॅप्टन), रहमानउल्ला गुरबाज (विकेटकीपर), सुनील नरीन, व्यंकटेश अय्यर, रिंकू सिंग, आंद्रे रसेल, रमणदीप सिंग, मिचेल स्टार्क, वैभव अरोरा, हर्षित राणा आणि वरुण चक्रवर्ती.

सनरायझर्स हैदराबाद प्लेइंग ईलेव्हन: पॅट कमिन्स (कर्णधार), ट्रॅव्हिस हेड, अभिषेक शर्मा, राहुल त्रिपाठी, नितीश रेड्डी, हेनरिक क्लासेन (विकेटकीपर), अब्दुल समद, शाहबाज अहमद, भुवनेश्वर कुमार, विजयकांत व्यासकांत आणि टी नटराजन.

कोलकाता नाइट रायडर्स इम्पॅक्ट प्लेअर्स : अनुकुल रॉय, मनीष पांडे, नितीश राणा, केएस भरत आणि शेरफेन रदरफोर्ड.

सनरायझर्स हैदराबाद इम्पॅक्ट प्लेअर्स: सनवीर सिंग, उमरान मलिक, ग्लेन फिलिप्स, वॉशिंग्टन सुंदर आणि जयदेव उनाडकट.

Non Stop LIVE Update
पावसाळी अधिवेशनापूर्वी मंत्रिमंडळ विस्तार होणार? वाचा सविस्तर
पावसाळी अधिवेशनापूर्वी मंत्रिमंडळ विस्तार होणार? वाचा सविस्तर.
बाप बाप होता है…शिंदे गटाच्या बॅनरला नारायण राणे गटाचं जोरदार उत्तर
बाप बाप होता है…शिंदे गटाच्या बॅनरला नारायण राणे गटाचं जोरदार उत्तर.
राज्यात पुढील 2 दिवस महत्त्वाचे, मध्य महाराष्ट्राला पावसाचा यलो अलर्ट
राज्यात पुढील 2 दिवस महत्त्वाचे, मध्य महाराष्ट्राला पावसाचा यलो अलर्ट.
मध्य आणि हार्बर मार्गावर मेगा ब्लॉक, किती वाजेपर्यंत असणार मेगा ब्लॉक?
मध्य आणि हार्बर मार्गावर मेगा ब्लॉक, किती वाजेपर्यंत असणार मेगा ब्लॉक?.
कांद्यामुळे भाजपला रडावं लागलं, उद्धव ठाकरेंची टीका
कांद्यामुळे भाजपला रडावं लागलं, उद्धव ठाकरेंची टीका.
विशाळगडावरील दर्ग्यात बकरी ईदला प्राण्यांच्या कत्तलीला परवानगी
विशाळगडावरील दर्ग्यात बकरी ईदला प्राण्यांच्या कत्तलीला परवानगी.
नीट परीक्षेतील पेपरफुटी घोटाळ्याची सीबीआय चौकशी करा : सामना
नीट परीक्षेतील पेपरफुटी घोटाळ्याची सीबीआय चौकशी करा : सामना.
मुंबईसह 'या' ठिकाणी मुसळधार पावसाची शक्यता, पाहा अधिक माहिती
मुंबईसह 'या' ठिकाणी मुसळधार पावसाची शक्यता, पाहा अधिक माहिती.
पहिल्याच पावसात कोकणातला निसर्ग बहरला, पाहा व्हिडीओ
पहिल्याच पावसात कोकणातला निसर्ग बहरला, पाहा व्हिडीओ.
झालेली चूक पुन्हा नको, पराभवानंतर अजित पवारांची कार्यकर्त्यांनी तंबी
झालेली चूक पुन्हा नको, पराभवानंतर अजित पवारांची कार्यकर्त्यांनी तंबी.