DC vs KKR : दिल्ली कॅपिट्ल्समोर 205 धावांचं आव्हान, कोलकाता विजयी ट्रॅकवर परतणार?
Delhi Capitals vs Kolkata Knight Riders 1st Innings Highlights In Marathi : कोलकाता नाईट रायडर्सने सांघिक खेळीच्या जोरावर दिल्ली कॅपिट्ल्ससमोर 205 धावांचं आव्हान ठेवलं आहे. त्यामुळे दिल्ली हे आव्हान पूर्ण करणार की केकेआर जिंकून विजयी ट्रॅकवर परतणार? याकडे क्रिकेट चाहत्याचं लक्ष असणार आहे.
कोलकाता नाईट रायडर्सने आयपीएल 2025 मधील 48 व्या सामन्यात होम टीम दिल्ली कॅपिट्ल्सला विजयासाठी 205 धावांचं आव्हान दिलं आहे. कोलकाताने 20 ओव्हरमध्ये 9 विकेट्स गमावून 204 धावा केल्या. केकेआरसाठी 6 फलंदाजांनी दुहेरी आकडा गाठला. मात्र दिल्लीच्या गोलंदाजांसमोर केकेआरच्या एकालाही अर्धशतकी खेळी करता आली नाही. मात्र त्यानंतरही केकेआरने 200 पार मजल मारण्यात यश मिळवलं. केकेआरसाठी प्लेऑफच्या दृष्टीने हा या ‘करो या मरो’ असा सामना आहे. त्यामुळे केकेआर हा सामना जिंकून स्पर्धेतील आव्हान कायम ठेवणार की दिल्ली कॅपिट्ल्स प्लेऑफच्या आणखी जवळ येऊन पोहचणार? हे सामन्याच्या निकालानंतरच स्पष्ट होईल.
कोलकाताची बॅटिंग
दिल्लीने टॉस जिंकून केकेआरला बॅटिंगसाठी भाग पाडलं. दिल्लीकडून सुनील नारायण आणि रहमानुल्लाह गुरुबाज या सलामी जोडीने आश्वासक आणि आक्रमक सुरुवात करुन दिली.या दोघांनी 2.5 ओव्हरमध्ये 48 रन्सची पार्टनरशीप केली. मात्र तिसऱ्या ओव्हरमधील शेवटच्या बॉलवर रहमानुल्लाह 26 रन्स करुन आऊट झाला. त्यांनतर केकेआरला 85 धावांवर दुसरा झटका लागला. ओपनर सुनील नारायण 27 रन्स करुन माघारी परतला. सुनीलने 16 चेंडूत 27 धावा केल्या.
केकेआरची सलामी जोडी माघारी परतली. त्यानंतर केकेआरने ठराविक अंतराने 2 विकेट्स गमावल्या.कर्णधार अजिंक्य रहाणे 14 चेंडूत 26 धावा करुन माघारी परतला. तर वेंकटेश अय्यर याने निराशा केली. वेंकटेशने 7 धावा केल्या. त्यानंतर रिंकु सिंह आणि अंगकृष रघुवंशी या युवा जोडीने धावा करत विकेटला ब्रेक लावला. या दोघांनी पाचव्या विकेटसाठी 61 धावांची अर्धशतकी भागीदारी केली. त्यानतंर अंगकृष आऊट झाला. अंगकृषने 32 चेंडूत 2 षटकार आणि 3 चौकारांसह 44 धावा केल्या.
कोण मिळवणार 2 पॉइंट्स?
Innings Break!
An action-packed and highly competitive first half sees #KKR set a 🎯 of 2️⃣0️⃣5️⃣ for #DC.
2 points loading for? ⏳
Scorecard ▶ https://t.co/saNudbWaXT #TATAIPL | #DCvKKR pic.twitter.com/BP19soTUtn
— IndianPremierLeague (@IPL) April 29, 2025
त्यानंतर रिंकु सिंह याने 25 बॉलमध्ये 36 धावा करुन मैदानाबाहेरचा रस्ता धरला. रोवमॅन पॉवेलने 5 धावांचं योगदान दिलं. तर अखेरच्या क्षणापर्यंत बॅटिंग करत आंद्रे रसेलन याने 9 बॉलमध्ये 1 सिक्स आणि 2 फोरसह निर्णायक 17 रन्स केल्या. रसेलच्या या खेळीमुळे केकेआरला 200 पार मजल मारता आली. दिल्लीकडून मिचेल स्टार्क याने सर्वाधिक 3 विकेट्स घेतल्या. तर विपराज निगम आणि कर्णधार अक्षर पटेल या दोघांनी प्रत्येकी 2-2 विकेट्स मिळवल्या. चमीरा दुष्मंथा याच्या खात्यात 1 विकेट गेली.
