AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

भावा जिंकलस! इशानच्या भावानं त्याच्यासाठी केलेला त्याग हा इशानला लावलेल्या बोलीपेक्षा मोठाय

Ishan Kishan Life : IPL Auction 2022 : 2018चं ऑक्शन सुरु होतं. अचानक इशानच्या वडिलांचा बीपी हाय झाला. त्यांना रुग्णालयात घेऊन जावं लागलं. उपचार सुरु होते. इतक्यात बातमी आली की इशानला मुंबईनं खरेदी केलंय.

भावा जिंकलस! इशानच्या भावानं त्याच्यासाठी केलेला त्याग हा इशानला लावलेल्या बोलीपेक्षा मोठाय
इशान आपल्या मोठ्या भावासोबत आणि कुटुंबीयांसोबत... (Photo ; Instagram/ishan)
सिद्धेश सावंत
सिद्धेश सावंत | Updated on: Feb 13, 2022 | 12:41 AM
Share

मुंबई : मुंबई इंडियन्सच्या पलटनमध्ये इशान किशनची शानदार इन्ट्री होऊन आता काही वर्ष उलटली आहे. 2022मध्ये मुंबईनं त्याला पुन्हा रिटेन केलंय. 15 कोटीपेक्षा जास्तीची बोली लावत मुंबई इंडियन्सनं (Mumbai Indians) त्याला रिटेन केलं. वयाच्या अवघ्या 23व्या वर्षी इशानचं कोटींची उड्डाणं घेतली आहेत. त्याचा प्रवास, त्याचं आयुष्य यात अनेकांनी महत्त्वाची भूमिका बजावली आहे. अत्यंत मस्तीखोर, खोडकर असणारा इशान (Highest price in IPL Auction 2022 on Ishan Kishan) कोट्याधीश होण्याआधी त्याला मोठं करणाऱ्यांची किंमत कशातच करता येणार नाही. दी वॉल म्हणून ओळखल्या जाणाऱ्या राहुल द्रविडचा (Rahul Dravid) तर इशानवर प्रचंड प्रभाव आहेच. शिवाय इशानची आताची शान ही खरंतर त्याच्या भावामुळे त्याला आलेली आहे. आताचे दिवस म्हणजे भावाभावातली स्पर्धा करणाऱ्यांची आहे असं म्हटलं जातं. याला इशानचा भाऊ अपवाद आहे. इशान मोठा व्हावा म्हणून त्याच्या भावानं केलेला त्याग हा प्रचंड मोठा आहे. त्याची किंमत 15.25 कोटीत तर सोडाच, पण अख्ख्या आयपीएलची रक्कम दिली, तरी करता येणार नाही.

काय केलं इशानच्या भावानं?

बिहारच्या नवाडा इथं जन्माला आलेल्या इशान किशनला एक मोठा भाऊ आहे. वयाच्या सातव्या वर्षापासून क्रिकेट खेळायला लागलेल्या इशानच्या भावानं त्याच्यासाठी त्याग केला. इशानच्या मोठ्या भावाचं नाव आहे राज. राजही लहानपणापासूनच क्रिकेट खेळत होता.

इशानच्या वडिलांचा बांधकाम व्यवसाय होता. आपली दोन्हीही मुलं क्रिकेटमध्ये करीअर करण्यासाठी इच्छुक असल्याचं त्यांना कळलं. पण जेव्हा त्यांना हे कळलं तेव्हा त्यांना क्रिकेटमध्ये करीअर करण्यामधली रिस्कही माहीत झाली होती. तेव्हा आपल्या दोन्ही मुलांना त्यांनी विचारलं की तुमच्या दोघांपैकी कुणालातरी एकालाच मी क्रिकेटमध्ये करीअर करण्यासाठी परवानगी देऊ शकतो! दोघांनाही क्रिकेटमध्ये करीअर करता येणार नाही, असं त्यांनी बजावलं!

तेव्हा इशानचा मोठा भाऊ असलेल्या राजनं इशानला क्रिकेट खेळायला मिळावं, म्हणून त्याग केला. आज त्याच इशानला आयपीएलच्या ऑक्शनच्या पहिल्या दिवशी मुंबई इंडियन्सचं तब्बल 15.25 कोटीची सर्वाधिक बोली लावत रिटेन करण्यात आलंय. वयाच्या अवघ्या 23 व्या वर्षी इतकं यश इशानला मिळालं, त्यामागे लहानपणीच त्याच्या भावानं केलेला त्याग आता विसरता कामा नये!

मजामस्तीत गेला आणि सिलेक्ट झाला!

14 वर्षांखालील संघात स्थान मिळवण्यासाठी इशान इच्छुक होता. वडिलांना माहीत होतं, की याची काही निवड होणार नाही. म्हणून मजामस्तीत इशानला त्याचे वडील त्याच्या मोठ्या भावासह निवड चाचणीसाठी घेऊन गेले होते. आश्चर्याची गोष्ट म्हणजे निवड चाचणीवेळी दोन-तीन शॉट मारल्यानंतर लगेचच इशानची निवड करण्यात आली होती.

त्यानंतर वयाच्या 15 व्या वर्षी झारखंडकडून इशान खेळू लागला. त्यानंतर 16 वर्षाखालील संघात त्याचा समावेश झाला. मग अंडर-19 टीममध्ये त्यानं स्थान मिळवल्यानंतर विजय हजारेसाठीही इशान खेळला. त्यानंतर रणजीसाठीही त्याची निवड झाली. अर्थात हे सगळं शक्य झालं, त्याच्या भावासह त्याच्या कुटुंबीयांनी त्याला सातत्यानं दिलेल्या प्रोत्साहनामुळे!

…आणि दी ग्रेट वॉल द्रविडही अवाक् झाला

रणजीतील सौराष्ट्रविरुद्धच्या सामन्या इशाननं केलेल्या खेळीनं राहुल द्रविडही अवाक् झाला होता. झारखंडच्या संघातून खेळताना इशानने तेव्हा तब्बल 273 धावा कुटल्या होत्या. त्याही 14 तडाखेबाज सिक्सर ठोकत!

15.25 कोटीची बोली लागल्यावर इशान काय म्हणाला ऐका..

अंडर-19 संघात असताना राहुल द्रविडनं या गुणी खेळाडूवर केलेल्या संस्कारांनी इशान अधिकच प्रभावी आणि सकस खेळाडू होत गेला. अंडर-19चा प्रशिक्षक असताना राहुल द्रविडसोबत इशाननं घालवलेला काळ त्याच्या आजच्या खेळीतून अनेकदा झळकताना दिसतो. भलेही इशान हा आक्रमक फलंदाज असेल. पण कुठं थांबायचं आणि कुठं पुन्हा सुरु करायचं, याचं स्किलही त्यानं अनेकदा आपल्या शानदार खेळींमधून दाखवून दिलंय. म्हणून मुंबई इंडियन्सनं त्याला इतकी जबरदस्त किंमत मोजून आपल्या संघात रिटेन केलंय.

आयपीएलमध्ये सुरुवात कुठून झाली?

2016 साली इशाननं आयपीएलमध्ये इन्ट्री केली होती. गुजरात लायन्स संघातून त्यानं खेळायला सुरुवात केली. त्यानंतर 2017 मध्येही त्याला गुजरातनं रिटेन केलं होतं.

..आणि वडिलांचा बीपी नॉर्मल झाला!

2018चं ऑक्शन सुरु होतं. अचानक इशानच्या वडिलांचा बीपी हाय झाला. त्यांना रुग्णालयात घेऊन जावं लागलं. उपचार सुरु होते. इतक्यात बातमी आली की इशानला मुंबईनं खरेदी केलंय. हे कळताच बीपीची मशिन लावलेल्या इशानच्या बाबांना आपल्या पोराला कुठं ठेवू आणि कुठं नको असं झालं होतं. बीपीची मशिन एका बाजूला फेकून देत इशानचे बाबा एकच जल्लोष करु लागले होते.

संबंधित बातम्या :

#Ishankishan : इशान किशन ठरला महागडा खेळाडू, मीम्स शेयर करत चाहत्यांचा सोशल मीडियावर धुमाकूळ

Ishan kishan IPL Auction 2022 : असं काय आहे इशानमध्ये की आतापर्यंतची सर्वात मोठी बोली त्याच्यावर लागली?

Ishan Kishan IPL 2022 Auction: इशानसाठी कायपण, मुंबई तिघांना भिडली, अखेर 15.25 कोटींना घेतलं विकत

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी