ENG vs IND : जसप्रीत बुमराहचा भीमपराक्रम, वसीम अक्रमचा महारेकॉर्ड ब्रेक, ठरला पहिलाच गोलंदाज

Jasprit Bumrah Break Wasim Akram Record : जसप्रीत बुमराह याने इंग्लंडला दुसरा झटका देत बेन डकेट आणि ओली पोप ही जोडी फोडली. बुमराहने डकेटला आऊट करत दुसरी विकेट मिळवली. बुमराहने यासह इतिहास घडवला आहे.

Team India Jasprit BumrahImage Credit source: Bcci x Account

Sanjay patil | Updated on: Jun 21, 2025 | 11:09 PM

टीम इंडियाचा प्रमुख वेगवान गोलंदाज जसप्रीत बुमराह याने इंग्लंड दौऱ्यातील पहिल्या कसोटी सामन्यात इतिहास घडवला आहे. बुमराहने सामन्यातील दुसऱ्या दिवशी तिसऱ्या सत्राच्या सुरुवातीला इंग्लंडला दुसरा झटका दिला. बुमराहने बेन डकेटला बोल्ड करत वैयक्तिक आणि एकूण दुसरी विकेट मिळवली. बुमराह यासह सेना देशात सर्वाधिक कसोटी विकेट्स घेणारा पहिला गोलंदाज ठरला. बुमराहने यासह पाकिस्तानचा दिग्गज गोलंदाज वसीम अक्रम याचा रेकॉर्ड ब्रेक केला. बुमराहला या सामन्याआधी अक्रमला मागे टाकण्यासाठी अवघ्या 2 विकेट्सची गरज होती. बुमराहने पहिली विकेट घेताच या विक्रमाची बरोबरी केली. तर दुसरी विकेट घेताच इतिहास रचला.

इंग्लंडने टीम इंडियाला पहिल्या डावात 471 धावांवर रोखलं. इंग्लंडने टीम इंडिया विरुद्ध 41 धावांच्या मोबदल्यात शेवटच्या 7 विकेट्स घेतल्या. इंग्लंडने यासह टीम इंडियाला 500 धावा करण्यापासून रोखलं आणि कमबॅक केलं. त्यामुळे चाहत्यांना सामन्यातील दुसऱ्या डावात टीम इंडियाच्या गोलंदाजांकडून इंग्लंडच्या गोलंदाजांसाखीच कामगिरी अपेक्षित होती. बुमराहने भारताला तशीच अपेक्षित सुरुवात करुन दिली.

बुमराहने इंग्लंडला पहिल्याच ओव्हरमध्ये पहिला झटका दिला. बुमराहने सहाव्या आणि शेवटच्या बॉलवर झॅक क्रॉली याला आऊट केलं. बुमराहने झॅकला 4 धावांवर स्लीपमध्ये करुण नायर याच्या हाती कॅच आऊट केलं. त्यामुळे आता बुमराहला फक्त एका विकेटची गरज होती. बुमराहला दुसरी विकेट मिळाली होती. मात्र रवींद्र जडेजाच्या चुकीमुळे टीम इंडियाला मोठा फटका बसला. जडेजाने बुमराहच्या बॉलिंगवर डकेटचा 15 धावांवर कॅच सोडला. त्यामुळे टीम इंडियासह चाहत्यांची निराशा झाली.

डकेटने या संधीचा चांगलाच फायदा घेतला. डकेट आणि ओली पोप या दोघांनी शतकी भागीदारी केली. जडेजाने सोडलेला कॅच भारताला चांगलाच महागात पडताना दिसत होता. तसेच ही जोडी टीम इंडियासाठी डोकेदुखी ठरत होती. अशात बुमराहनेच इंग्लंडला दुसरा झटका दिला. बुमराहने 29 व्या ओव्हरमधील तिसऱ्या बॉलवर डकेटला बोल्ड केलं. बुमराहने यासह अक्रमचा रेकॉर्ड ब्रेक केला.